Elordanyŋ azyq-tülık beldeuı
Qazaqstan Prezidentınıŋ Kökşetau qalasyna jūmys sapary Aqmola oblysyn damytu jönınde keŋes ötkızumen bastaldy.
Qasym-Jomart Toqaev Ükımet müşelerı men oblys aktivınıŋ aldynda söilegen sözınde Qazaqstannyŋ Tūŋǧyş Prezidentı – Elbasy Nūrsūltan Äbışūly Nazarbaevtyŋ tarihi eŋbegın atap ötıp, köregen köşbasşylyǧynyŋ arqasynda elımız äleumettık-ekonomikalyq damuda, sondai-aq halyqaralyq arenadaǧy öz ornyn nyǧaituda eleulı tabystarǧa qol jetkızgenın atap öttı.
– Ükımettıŋ, Parlament deputattarynyŋ, oblys äkımderınıŋ mındetı – Elbasynyŋ ūzaq merzımdı Strategiiasyn, Ūlt josparyn jäne Bes institusionaldyq reformany ıske asyruǧa barlyq küş-jıgerın jūmsau, – dedı Memleket basşysy.
Prezident jaŋa Memlekettık industriialyq-innovasiialyq baǧdarlamany sapaly jüzege asyrudyŋ maŋyzdylyǧyna nazar audaryp, aldyŋǧy baǧdarlamalarda ketken kemşılıkterdı eskeru kerektıgın tapsyrdy. Qasym-Jomart Toqaev josparlardy ıske asyru üşın jalaŋ esep emes, salmaqty taldau, tiımdı ıs-äreketter qajet dep sanaidy.
– Memleket basşysy retınde, halyqtyŋ maŋyzdy talap-tılekterın qanaǧattandyruǧa arnalǧan tiımdı jūmys kütemın, – dedı Qasym-Jomart Toqaev.
Qazaqstan Prezidentı Aqmola oblysynyŋ damuy turaly aita kelıp, öŋırdıŋ auyl şaruaşylyǧy, industriialyq-innovasiialyq saiasat, maşina jasau, türlı-tüstı metallurgiia, qūrylys jäne qūs şaruaşylyǧy salalarynda oŋ özgerıster bar ekenıne toqtaldy.
Prezident eŋbek önımdılıgın arttyru, onyŋ ışınde, auyl şaruaşylyǧy – öŋır ekonomikasyn örkendetudıŋ basty faktory ekenıne toqtaldy.
Qasym-Jomart Toqaev Auyl şaruaşylyǧy ministrlıgıne agrarlyq öŋırlerdıŋ äkımdıkterımen bırlesıp, agroönerkäsıp keşenındegı eŋbek önımdılıgın ūlǧaitu üşın jetekşı otandyq äzırlemeler engıze otyryp, naqty şaralar qabyldaudy tapsyrdy.
Memleket basşysy egıstık alqaptaryn igerumen ainalyspaityn latifundisterden jerdı qaitaryp alu jönındegı tapsyrmasyna toqtaldy.
– Menıŋ tapsyrmam öte baiau oryndalyp jatyr. Būdan tapsyrmanyŋ oryndaluyn ädeiı sozyp otyr degen oi tuady. Mūndai jaǧdaida qoldanatyn şaralar simmetriialy bolady. Yqylassyz oryndauşylarǧa oŋai timeidı, – dep eskerttı Qasym-Jomart Toqaev.
Keŋes barysynda Memleket basşysy turizm salasyndaǧy şaǧyn jäne orta biznestı damytu mäselesıne toqtaldy. Ol biznes jürgızuge jasalatyn jeŋıldık boiynşa oblystyŋ artta qalǧanyna, jūmyspen qamtylǧandar men şaǧyn jäne orta biznes käsıporyndarynyŋ önım öndırısı tömen ekenıne nazar audardy.
Qasym-Jomart Toqaev «qarapaiym zattar ekonomikasy» jobalaryna käsıpkerlerdı belsendı türde jūmyldyru kerek dep esepteidı.
– Mysaly, būl baǧytta önerkäsıp, auyl şaruaşylyǧy, qyzmet körsetu salalarynyŋ mümkındıkterı mol. Şaǧyn jäne orta biznestıŋ äleuetın elordanyŋ azyq-tülık beldeuın qamtamasyz etu üşın paidalanǧan jön, – dedı Memleket basşysy.
Öŋırdıŋ tabiǧi demalys oryndary men mädeni mūra nysandary jaiynda aitqan Prezident turistık äleuettıŋ älı de tolyq paidalanylmai jatqanyna toqtaldy. Qasym-Jomart Toqaev turizm salasy aimaqtyŋ jalpy önımınıŋ 0,5 paiyzyn ǧana qūrap otyrǧanyn basa aityp, turizmdı damytuǧa arnalǧan memlekettık baǧdarlama boiynşa 2025 jyly elımızde atalǧan körsetkıştı 8 paiyzǧa jetkızu tapsyrylǧanyn atap öttı.
– Ükımetke oblys äkımdıgımen bırlesıp, 2020-2021 jyldary Arşaly jäne Selinograd audandarynda gaz taratu jelısın saludy tapsyramyn, – dedı Prezident.
Qasym-Jomart Toqaev infraqūrylymdy damytu jönındegı mındetterge toqtalyp, Ükımetke halyqaralyq qarjy instituttarynan nesie tarta otyryp, Aqmola oblysynda JEO salu mümkındıgın qarastyrudy tapsyrdy.
Memleket basşysy oblystyŋ aglomerasiialyq aimaǧynyŋ infraqūrylymyna qatysty mäselelerdı tezdetıp şeşu jaiynda aityp, Qosşy auylyn mysalǧa keltırdı.
– Qosşy auylyndaǧy halyqtyŋ sanyna qatysty üş türlı derek bar: naqty esep boiynşa 52,5 myŋ halyq tūrady; üi şaruaşylyǧynyŋ tırkeu däpterındegı tūrǧyndar sany – 34 myŋ; köşı-qon qyzmetı resmi türde 16,5 myŋ adamdy tırkegen. Būl – qai tūrǧydan alsaŋyz da, qauıptı jaǧdai. Jaqynda halyq sanaǧy bolady. Tūrǧyndardyŋ sany men olardyŋ ömır sapasy jaiynda naqty bıluımız kerek, – dedı Qasym-Jomart Toqaev.
Prezident aimaqty damytuda keşendı basqaru täsılıne köşu qajettıgın atap ötıp, halqymyzdyŋ tūrmys sapasyn arttyru basty maqsat ekenın jetkızdı.
– Ol üşın Nūr-Sūltan qalasy men Aqmola oblysy äkımdıkterınıŋ arasyndaǧy jūmystardyŋ özara üilesımdılıgın jandandyru kerek, – dedı Memleket basşysy.