Köktem şyǧa qala aumaǧyn retke keltirip, köşeler men aulalardy tazalap ūstau – elordada qalyptasqan ürdis. Jaŋa apta bastalǧaly Astanada kün jylynyp, jer aiaǧy keŋıdı. Aua raiynyŋ qolailylyǧyn paidalanyp, jyldaǧy qalyptasqan dästür boiynşa elordanyŋ kommunaldyq sala qyzmetkerlerı ainalany tazalau jūmystaryna qyzu kırısıp kettı.
Astanada köktemgı sanitarlyq tazalyq jūmysy bastaldy. Būl ıske 2000-ǧa juyq jūmysşylar, 500-den astam tehnika jūmyldyryldy.
Qalany qystan qalǧan kül-qoqystan tazartyp, barlyq audan aumaqtarynda qorşaular men saiabaqtar, gülzarlar men alaŋdar, aulalar jäne adam köp jinalatyn özge de oryndar tazalanyp, juyluda.
Almaty audanynda qysqy lastanudan keiın ortalyq köşelerdı, trotuarlardy, aialdamalardy, köpırlerdı, jaryqtandyru tırekterın, qorşaulardy jäne jalpy paidalanu oryndaryn tazalau jäne juu boiynşa josparly jūmystar tolyq qarqynmen jalǧasuda. Bügıngı taŋda atalǧan jūmystarǧa 140 bırlık arnaiy tehnika men 629 jol jūmysşysy qatysty. Arnaiy tehnikalardyŋ kömegımen trotuarlar men jol tösemderın mehanikalyq tazalau jūmystary jürgızılude.
Jūmysşylar kün saiyn kögaldardy qoqystan tazalap, joldyŋ jiekterın qolmen jäne tehnikanyŋ kömegımen tazartylyp jatyr. Būl rette negızgı küş erıgen sulardy būruǧa jäne aidauǧa baǧyttalady. Sondai-aq apatty jäne quraǧan aǧaştardy täjdeu jäne kögaldardy tyrmalau jūmystary jalǧasuda.
Osylaişa, atalmyş audanynyŋ kommunaldyq qyzmetterı aldymen audan aumaǧyndaǧy köpırlerdı, odan soŋ audanǧa körık berıp tūrǧan belgılı tūlǧalardyŋ eskertkışterın tazalap juudy qolǧa aldy. Gülzarlar, kölık jüretın jäne jaiau jürgınşılerge arnalǧan joldar tazartylyp, aialdama pavilondaryn, jol belgılerın juyp, qoqys jäşıkterı men oryndyqtar syrlandy. Atalmyş audan aumaǧynda ornalasqan saiabaqtar men aulalar kül-qoqystan tazartylyp, aǧaştardy kesu jūmystary jürgızıldı. Sondai-aq aǧaştardyŋ tübın qopsytu, qurap qalǧan būtalardy kesu jäne t.b. jūmystar jürıp jatyr. Būl aǧaştyŋ qurap qalmauy üşın jasalady.
Bügıngı taŋda sanitarlyq tazalau jūmystary elordanyŋ barlyq audanynda jürgızude.
