Jyldaǧydai küzde emhanalarǧa tırkelu nauqany bastaldy. 15 qyrküiekten bastap elorda tūrǧyndary da öz emhanalary men därıgerlerın taŋdauda. Mamandardyŋ aituynşa emhanaǧa tırkelmeseŋız, josparly medisinalyq kömekke qol jetkızude qiyndyqtar tuyndaidy. Azamattar tarapynan osyǧan orai qoiylatyn saualdardyŋ eŋ bastylaryna mamandar jauap berdı.
Emhanaǧa tırkelu ne üşın qajet?
Şūǧyl medisinalyq kömekten bölek josparly türde därıgerge deiıngı nemese därıgerlık kömek alu üşın emhanaǧa tırkelu kerek. Är adam özınıŋ uchaskelık därıgerın bıluı tiıs. Eger pasient emhanaǧa tırkelgen bolsa, jalpy praktika därıgerınıŋ/terapevttıŋ qabyldauy, beiındı mamannyŋ konsultasiiasy, diagnostikalyq jäne zerthanalyq tekseru, konservativtı nemese hirurgiialyq emes emdeu, sondai-aq kündızgı stasionar qyzmetterı pasientke tegın medisinalyq kömektıŋ kepıldık berılgen kölemınde, sondai-aq äleumettık medisinalyq saqtandyru jüiesınde körsetıledı.
Qaida tırkeluge bolady?
Medisinalyq-sanitariialyq alǧaşqy kömek körsetetın, sondai-aq profilaktikalyq skriningter men tekseruler jürgızetın medisinalyq ūiymdarǧa ǧana tırkeluge bolady. Olarǧa: qalalyq emhanalar, därıgerlık ambulatoriialar, feldşerlık-akuşerlık punktter, otbasylyq densaulyq ortalyqtary jatady. Tūrǧylyqty jerı, jūmys nemese oqu orny aumaǧy boiynşa bır ǧana medisinalyq ūiymǧa tırkelu mümkındıgı bar. Al qala maŋynda tūratyndar jaqyn ornalasqan qalalyq emhanaǧa tırkele alady.
Tırkelu kezınde nege nazar audaramyz?
Medisinalyq ūiym Äleumettık medisinalyq saqtandyru qorymen qyzmet jetkızuşı retınde şartqa otyrǧan ba jäne ekı tegın paket – TMKKK jäne MÄMS aiasynda, onyŋ ışınde qosalqy merdıgerlık şart boiynşa medisinalyq qyzmetter körsete me, osylarǧa nazar audaru qajet. Äitpese, sız kepıldendırılgen jäne medisinalyq saqtandyru paketterın paidalana almaisyz.
Qalai tırkeluge bolady?
Bügıngı taŋda üş türlı täsıl arqyly emhanaǧa tırkeluge bolady. Bırınşı täsıl – emhananyŋ tırkeu bölımıne baryp, ötınış jazu. Būl täsıl jasy boiynşa zeinetke şyqqan zeinetkerlerge, mümkındıkterı şekteulı adamdarǧa, balalarǧa, onyŋ ışınde şet memleketterde tuǧan balalarǧa, säbiler üilerınde tūratyn balalarǧa, jetımderge, sottalǧandarǧa, koloniialarda jazasyn öteuşılerge jäne medresede oqityndarǧa, merzımdı qyzmettegı äskeri qyzmetşılerge nemese senımhat boiynşa tırkeludı resımdeuşılerge ǧana qoljetımdı. Ol üşın sızge jeke kuälık, tölqūjat nemese tūruǧa rūqsat qūjaty qajet. Ekınşı täsıl – halyqqa qyzmet körsetu ortalyǧy arqyly emhanaǧa tırkeuge ötınım beru. Üşınşı täsıl – üiden şyqpai emhanaǧa tırkelu. Būl rette http://egov.kz. elektrondyq ükımet portaly arqyly ötınım beru jetkılıktı.
Qandai qūjattar qajet?
Jeke kuälık jetkılıktı. Al sanattaryna qarai ūsynylatyn qūjattar: zeinetkerler üşın – zeinetaqy kuälıgı, mümkındıgı şekteulı adamdar üşın – kuälıgı nemese medisinalyq-äleumettık saraptamany kuälandyru aktısınen üzındı köşırme. Koloniialarda jazasyn ötep jatqan sottalǧandar jäne äskeri qyzmetşıler – medisinalyq-sanitariialyq alǧaşqy kömek ūiymyna tūrǧyndardy tırkeu mäselelerın qarau jönındegı komissiianyŋ hattamasy.
Kez kelgen uaqytta tırkeluge bola ma?
Medisinalyq ūiymǧa kez kelgen uaqytta tırkeluge bolady. Eger sız tūrǧylyqty jerıŋızdı auystyrǧan bolsaŋyz, qaladan tys jerge bır aidan astam merzımge ketseŋız nemese alǧaş ret erkın taŋdau nemese tırkelu qūqyǧyn paidalanam dep şeşseŋız, sondai-aq tırkeu sız joqta jasalǧan bolsa, emhanaŋyzdy auystyryŋyz. Sondai-aq medisinalyq ūiym qaita ūiymdastyrylǧan nemese taratylǧan, äleumettık medisinalyq saqtandyru qorymen şart būzylǧan jaǧdaida nemese üiıŋızge jaqyn jerde jaŋa emhana aşylsa, tırkelıŋız. Saqtanuşy men saqtandyru ūiymy arasynda jasalǧan erıktı medisinalyq saqtandyru şarty da nauqan şeŋberınen tys tırkeluge negız bolmaq.
Tırkeuden bas tartuy mümkın be?
Eger sızdıŋ tūrǧylyqty jerıŋız tırkelgıŋız keletın emhananyŋ qyzmet körsetu aumaǧyna jatpasa, bıraq sız «därıgerdı üige şaqyru» qyzmetınen bas tartpaityn bolsaŋyz, emhanaǧa tırkemeuı mümkın. Sebebı mobildı brigadany nemese uchaskelık därıgerdı üige şaqyrǧan kezde olar sızge kele almaidy jäne kömek körsete almaidy, öitkenı sız olardyŋ qyzmet körsetu aimaǧynan tys jerde tūrasyz. Al eger būl jailarǧa kelısıp, emhanaǧa özım kelıp qaralamyn deseŋız jäne olar sızdı qabyldauǧa daiyn bolsa, emhanaǧa tırkeidı. Onda sız osyǧan bailanysty barlyq täuekelderdı öz jauapkerşılıgıŋızge alasyz. Balalardy tırkegen jaǧdaida, zaŋdy ökıldıgın rastaityn qūjattyŋ bolmauy nemese pasient memlekettık qyzmettı alu üşın ūsynǧan qūjattardyŋ, olardaǧy derekterdıŋ däieksızdıgı emhanaǧa tırkeuden bas tartu üşın negız bola alady. Sondai-aq emhanaǧa tırkelgen tūrǧyndar sany bır jalpy praktika därıgerıne bölgende aralas tūrǧyndardan 1700 adamnan, uchaskelık terapevtte 2200 adamnan, uchaskelık pediatrda 6 jasqa deiıngı 500 baladan, 14 jasqa deiıngı 900 baladan asyp ketu sebebınen emhanaǧa tırkeuden bas tartuy mümkın.
