Taǧy kımder sertifikat alady?

Ötken jyly elordada 1 million teŋgenı qūraityn 465 tūrǧyn üi sertifikaty berıldı. Onyŋ 400-ı biudjet qyzmetkerlerınıŋ qolyna tidı. «Baqytty otbasy» baǧdarlamasy boiynşa 65 sertifikat tapsyryldy. Nūr-Sūltan qalasy mäslihatynyŋ kezektı sessiiasynda osylai dep mälımdegen qalalyq Tūrǧyn üi jäne tūrǧyn üi inspeksiiasy basqarmasynyŋ basşysy Asylbek Esenbaev osy mäsele boiynşa tüsıp jatqan ötınışter köptıgınen sertifikat aluşylardyŋ sanattaryn keŋeitudı ūsyndy.Būl sanatqa äleumettık äljuaz toptarǧa jatatyn barlyq azamatty, sonyŋ ışınde I, II, III toptaǧy mügedekterdı, zeinetkerlerdı, Ūly Otan soǧysyna qatysuşylarǧa teŋestırılgenderdı, jetım balalardy, mındetın oryndau kezınde qaza bolǧan azamattardyŋ otbasylaryn qosu ūsynylyp otyr. Qalanyŋ naqtylanǧan biudjetınde būl jūmystarǧa 792 million teŋge salynǧan. Soǧan säikes 792 tūrǧyn üi sertifikatyn beru josparlanǧan. Qalalyq mäslihat deputattary būl ūsynysty bırauyzdan qoldady.
Sondai-aq atalmyş basqarma basşysy 153 million teŋge somasyna jalpy audany 0,14 gektar aumaqty qūraityn ekı nysan boiynşa 63 jer telımın satyp alu şartymen tanystyrdy.
– Satyp alynatyn jer telımderı Täuelsızdık daŋǧyly men Şarl de Goll köşesı qiylysynda japsarlastyra salynǧan orynjailar men parkingı bar köppäterlı tūrǧyn üi keşenı qūrylysyna arnalady. Al ekınşı nysan Ş.Qūdaiberdıūly daŋǧyly men Manas köşesı qiylysyndaǧy tura osyndai tūrǧyn üi keşenı bolmaq. Jer telımderınıŋ menşık ielerı ūsynylǧan ötemaqy somasymen tanystyryldy. Olardyŋ jazbaşa kelısımderı bar, – dedı baiandamaşy.
Atalǧan jūmystarǧa qatysty mäselelerdı «Elorda qūrylys» kompaniiasy Ükımet bölgen qarjy esebınen retteidı. Būl nysandar aiaqtalmaǧan üleskerlık qūrylys sanatyna jatady.
Qalalyq orta sapasy jäne baqylau basqarmasynyŋ basşysy Däulet Dosqūlovtyŋ aituynşa, tūrǧyn üi keşenınıŋ atauy «Altyn būlaq». «Nūrly jer» baǧdarlamasynyŋ aiasynda onyŋ qūrylysyna garajdar men saiajailardy satyp alu josparlanǧan. Tiıstı jūmystarǧa qarjy salynǧan. Būl jaǧynan eşqandai mäsele tuyndap otyrǧan joq.