Bügınde elordanyŋ eŋbek naryǧyndaǧy jai-küi tūraqty.
2013 jyldyŋ bırınşı jartyjyldyǧynda qalalyq Jūmyspen qamtu ortalyǧyna 6085 adam habarlasypty.
Derekterge sensek, 3447 adam (56,6%) äleumettık qorǧauǧa alynǧan. Onyŋ ışınde 1131 adam jūmysqa ornalastyrylǧan; 1408 adam qoǧamdyq jūmyspen qamtylyp, 519 adam käsıptık daiarlaudan ötıptı. «Jūmyspen qamtu – 2020» baǧdarlamasyna qatysuşy 256 adam äleumettık kelısımşartqa otyrdy.
Jyl basynan berı ekonomikanyŋ türlı salasynan 9619 jaŋa jūmys oryndary aşyldy. Onyŋ 6598 -ı – şaǧyn biznes sektorynda.
Tūraqty ötkızılıp tūratyn bos oryndar järmeŋkesı jūmysqa ornalastyru mümkındıkterın keŋeitu maqsatynda ūiymdastyrylady. Jyl basynan berı ondai şara üş märte ötkızıldı. L.N.Gumilev atyndaǧy Euraziia ūlttyq universitetınıŋ bazasynda turizm boiynşa ötkızılgen bos oryndar järmeŋkesıne 700-ge tarta oqu oryndarynyŋ studentterı men mektep tülekterı qatysyp, jūmys ızdeuşılerge myŋnan astam bos jūmys oryndary ūsynylǧan bolatyn. Sonymen qatar, järmeŋke aiasynda «Nūr Otan» HDP-men bırlesıp, «Dūrys taŋdau jasa» aksiiasy ūiymdastyryldy. Mektep bıtıruşı tülekter qaladaǧy jäne oqu oryndaryndaǧy gazdänekerleuşı, elektrik, kran maşinisı, tokar, qonaq üi, meiramhana jäne turistık qyzmet körsetu mamandyǧyna oqytylatyny jönınde maǧlūmat aldy. Kolledj ökılderı oqu ornynyŋ materialdyq-tehnikalyq bazasyn tanystyratyn taǧandar men bukletter daiyndady. Temırjol vokzaly audanynda ötkızılgen järmeŋke osy töŋırektegı özın-özı jūmyspen qamtyǧan azamattardy (päterdı jalǧa beruşıler, taksi jürgızuşılerı, jük tasuşylar jäne t.b.) jūmysqa tartudy maqsat ettı.
Ǧalamtorda jūmyssyzdyq deŋgeiın tömendetu maqsatynda qūrylǧan www.job.astana.kz portaly jūmys ısteidı. Endı jūmys ızdestıruşıler öz tüiındemelerın joldai otyryp, bos jūmys oryndarymen tanysa alady, al jūmys beruşıler öz kezegınde, qajettı mamandardy tabu mümkındıgıne ie boldy.
Sonymen qatar, biyl nauryz aiynan «Elordanyŋ eŋbek naryǧy» («Stolichnaia birja truda») gazetı jaryq köre bastady. Gazet aiyna bır ret, qazaq jäne orys tılderınde 8 bet bolyp basylady. Negızgı maqsaty – jūmyssyzdardyŋ, onyŋ ışınde jastardyŋ arasynda qūqyqtyq sauattylyqty arttyru, jūmyspen qamtu, mamandyq alu, uaqytşa jūmyspen qamtamasyz etu jönınde tolyqqandy aqparatpen qamtamasyz etu.
Jūmyspen qamtu salasyndaǧy atqarylǧan jūmystardyŋ körsetkışterı osyndai.
Jūmyssyzdyq deŋgeiı
2012 jyly – 5,7%,
2013 jyldyŋ 1 toqsanynda – 5,6%
2013 jyldyŋ 1 toqsanynda elordanyŋ ekonomikalyq tūrǧydan belsendı halyq sany 433,9 myŋ adamdy, jūmyspen qamtylǧan halyq sany 409,7 myŋ adamdy, jūmyssyzdar sany 24,2 myŋ adamdy qūrady.
Aigül UAISOVA
