Eŋbek joly syn saǧatta bastalǧan

Eŋbek jolyn byltyr ǧana №10 qalalyq emhanada bastaǧan därıger Nazerke Mūratova – koronavirus­pen küreste asa auyr haldegı nauqastardy emdeuge jūmyldyrylǧan jas maman. Şyǧystan arman quyp elordaǧa kelgen qyzdyŋ Astana medisina universitetınde 7 jyl oqyǧan eŋbegı bosqa ketpedı. Ol elde ındet bastalǧanda öz erkımen qalalyq Ftiziopulmonologiialyq ortalyqqa auysyp, 6 nauryzdan 24 tamyz­ǧa deiın – 5,5 ai boiyna jaǧdaiy auyr jandardyŋ janyn saqtap qalu üşın kürestı.Jas maman elordada auyr ındetpen alǧy şepte küresuge bel şeşe kırıskenın alystaǧy anasy men tuystarynyŋ uaiymdaityndaryn bılıp, üş aiǧa deiın aitpady. Al özı elge virus infeksiiasy jetıp, ındet taraǧanda eş qoryqpastan oqşaulanǧan emdeu ornynda jūmys ısteuge bırden kelısımın bergen. Sebebı medisina qyzmetkerlerı qorǧanyş qūraldarymen qamtamasyz etılıp, ortalyq ışınde saqtyq şaralary tolyq saqtalǧan edı.
– Mūnda jūmys ısteu oŋai boldy dei almaimyn. Öitkenı bız auyr jäne asa auyr haldegı pasient­terdı qabyldadyq. Qanşama adam derttı jeŋe almai köz jūmdy. 2 aidan keiın intensivtı terapiiada jūmys ıstei bastadym. Ondaǧy nauqastardyŋ jaǧdaiy öte auyr boldy. Pasient­terde, äsırese, psihologiialyq küizelıs küştı, ölıp qalamyz ba degen qorqynyşpen bırden baibalam salatyndar köp kezdestı. Tüsken sätte olardan analiz alyp, zerthanalyq instrumentaldy zertteu jürgızdık. Kün saiyn simptomatikalyq em taǧaiyndap otyrdyq. Auyr haldegı pasientterde qosymşa sozylmaly aurular boldy. Olarǧa vibrolangpen massaj jasauǧa bolmaityn edı. Sondyqtan nauqastarǧa medbikelerden bölek, özımız de drenajdy massaj jasaitynbyz. 90-nan asqan şaǧynda ındetke ılıkken keibır ata-äjelerdıŋ özı sauyǧyp kettı. Emdelıp şyqqanda bızdıŋ ­quanyşymyzda şek bolmaityn, sony zor jetıstık sanap, töbemız kökke jetkendei sezımde boldyq, – deidı Nazerke därıger.
Pasientterdıŋ taǧy bır qorqynyşy – olar oksigenoterapiiada jasandy dem alu apparattaryna qosylǧandyqtan, sol ottegıge tä­ueldı bolyp qalamyz ba dep qauıptenuı edı. Därıgerler sondyqtan kün saiyn ottegı berudı az-azdan, bırtındep azaityp otyrǧan. Söitıp psihologiialyq jäne fizikalyq tūrǧyda olardyŋ jailap jasandy dem aluǧa täueldılık deŋgeiın tömendetken.
Jer şaryna tosynnan kelgen qauıptı dertpen küres därıgerler üşın ärı synaq, ärı zor täjıribe boldy. Sebebı ökpesınıŋ basym bölıgı zaqymdanǧan nauqastardy sondai qiyn jaǧdaidan şyǧaryp alu oŋai emes edı. Bıraq būl aq halattylardyŋ qolynan keldı. Onyŋ üstıne Nazerke siiaqty asa auyr haldegı nauqastardy emdegen mamandar pasientterdıŋ qant diabetı, arterialdy gipertoniia siiaqty qosalqy aurularynyŋ da asqynbauy üşın bar küşın saldy.
– Basynda 2 apta tubdispanserde tūrdyq. Qataŋ tärtıptı rejimde jattyq, tıptı syrttan zat alyp berıp jıberu qiyn edı. Sosyn bızdı Hilton qonaqüiıne köşırdı. Jūmysqa aparatyn arnaiy avtobustar bölındı. Ol jerde taǧy 2 ai tūrdyq. Alǧaşqy karantin alynyp tastalǧan soŋ Ramada Plaza qonaqüiıne ornalastyrdy. Onda 1 ai tūrǧannan keiın pandemiia şaryqtau şegıne jetken kezde pasientter köbeiıp kettı. Būl qonaqüidı provizorlyq ortalyq etıp aşty da, bız QR DSM rūqsatymen üiımızden qatynaityn boldyq, – deidı därıger.
Qazır barlyǧymyzdy koronavirustyŋ ekınşı tolqyny turaly derekter qyzyqtyrady. Sondyqtan därıgermen tıldessek, dereu sony sūraimyz. Emhanada jūmys ıstegen kezdegı öz täjıribesıne süiene otyryp jas därıgerdıŋ aitqany, ädette küzde statistika boiynşa balalar arasynda tūmau köbeiedı. Tūmau keide pnevmoniiaǧa ūlasyp jatady. Sol sebeptı de ındettıŋ ekınşı tolqyny balalarǧa qatys­ty boluy mümkın degen äzırge boljam ǧana. Būl rette de därıgerler qorqynyşqa boi aldyrmai, profilaktikalyq şaralardy küşeituge köŋıl bölu kerek deidı.
Nazerkenıŋ ındetpen küresuıne onyŋ stasionarda jūmys ısteu­ge degen qyzyǧuşylyǧy da sebep bolǧan. 5 jyl bakalavriat, 2 jyl internaturada oqydy. 1 jyl jūmys ıstedı. Biyl ol grantpen rezidenturaǧa tapsyrdy. Endı ekı jyl oqyp, sony bıtırgen soŋ bolaşaqta otbasylyq medisina bo­iynşa stasionarda jūmys ıstegısı keledı. Söitıp mektep qabyrǧasynda 9-synypta jürgende paida bolǧan bala armanyn tolyqtai jüzege asyrmaq.