Elordada erekşe tıgın sehy jūmys ıstei bastady. Erekşelıgı sol, ondaǧy qyzmetkerler – mümkındıgı şekteulı jandar. Soǧan qaramastan olar kiım-keşek, arnaiy jäne sport kiımderın, ekosömke, toi jabdyqtary sekıldı kündelıktı tūrmysqa asa qajettı köptegen dünielerdı tapsyrys boiynşa tıgumen ainalysuda.
Tıgın sehynyŋ iesı Aiagöz Şneider de mügedekter qatarynan. Aqmolada tuǧan ol bıraz jyldar bas qalada lauazymdy qyzmet atqarady. Uaqyt öte kele, taǧdyrdyŋ jazuymen joldasynan aiyrylyp, insult alady. Bıraq qol qusyryp qarap otyra almai, ekı qolǧa bır jūmys ızdeidı. Mümkındıgı şekteulı jandy köp jerde jūmysqa alǧysy kelmeitını şyndyq. Talai tabaldyryqty tozdyrsa da, jūmysqa ornalasa almaidy.
Söitıp jürgende pandemiia bastalady. Qala äkımdıgınıŋ qoldauymen «Atameken» ŪKP «Biznes bastau» baǧdarlamasy boiynşa käsıpkerlıktı meŋgergen tıgınşı üide otyryp, balalarymen bırge maska tıgıp, ony sata bastaidy.
«Künıne 500-600 maska tıgıp şyǧardyq. Keiın qala äkımımen kezdesıp, maǧan tūraqty jūmys kerektıgın aittym. Olar maǧan: «Maska tıgedı ekensız, mümkın tıgın sehyn aşasyz?» dedı. Söitıp äkımdıktıŋ qoldauymen, demeuşılıktıŋ arqasynda «Jibek» atty tıgın sehyn aştym. Qazır tıgın sehy ǧimaratyn jaldap otyrmyn» deidı A.Şneider.
Käsıbın aşqan kezden bastap ol jūmysqa tek özı sekıldı erekşe jandardy aludy maqsat ettı. Sebebı mūndai jandardyŋ jūmys tappai qinalatynyn käsıpker jaqsy bıledı.
«Qyzmetımızge Instagram, Facebook paraqşamyz arqyly jarnama jasaimyz. Tapsyrystar äleumettık jelı arqyly kelıp jatady. Kiım tıgemız, onyŋ ışınde syrt kiım, äiel köilekterı, arnaiy jäne sport kiımderı bar. Odan bölek, qyz ūzatu jabdyqtaryn da äzırleimız. Sosyn bızde jūmysta «senıŋ mındetıŋ, menıŋ mındetım» degen tüsınık joq. Bärımız bır üidıŋ balasyndai ūiymşyldyqpen äreket etemız. Bır-bırımızge kömektesemız. Mysaly, şūǧyl tapsyrys tüsse basqa ıstı qoia tūryp, tapsyrysty tez oryndap beruge kırısemız» deidı käsıpker.
Ötken jyldyŋ mausym aiynda aşylǧan tıgın sehynda qazırgı künı 9 mügedek eŋbek etıp jür. Solardyŋ bırı – 60 jastaǧy İvan Bures. Ol – bala künınen II toptaǧy mügedek. Būǧan deiın bıraz jyldar teledidar, radio, telefon jäne taǧy basqa tehnikalyq qūraldardy jöndeu mehanigı bolyp jūmys ıstegen. Keiın köru qabıletınıŋ tömendeuıne bailanysty käsıbın toqtatuǧa tura keledı.
– Tıgın sehyna kütpegen jerden jūmysqa ornalastym. Menıŋ aǧaiyndy bauyrymnyŋ estu qabıletı tömen, soǧan jūmys ızdep jürgenbız. Nätijesınde ötken jyldyŋ qyrküiegınen bastap ekeumız de osy sehqa jūmysqa kırdık. Men jürgızuşımın, jūmysşylardy tasymaldaumen ainalysamyn. Qalǧan uaqytta ışkı ūsaq-tüiek şarualarǧa järdemdesemın, tıptı keide men de tıgemın» deidı ol. Erekşe seh iesı Aiagöz Şneider aldaǧy uaqytta tıgın tıgıp, öz ısın aşuǧa niettı jandardy üiretıp-oqytudy josparlap jür.
Gülbarşyn ÖKEŞQYZY
