Esım TANABERGENOV, Astana qalasy Işkı ıster departamentı ardagerler keŋesınıŋ töraǧasy: IŞKI ISTER QYZMETINDE EREKŞE JAUAPKERŞILIK KEREK
Ardager – ardaqty esım. Ūly Otan, Auǧan soǧystary, tyl eŋbegı ardagerlerımen qatar qūqyq qorǧau organdarynda ūzaq jyldar qajyrly eŋbek etıp, qyzmetınıŋ qyzyǧymen qatar beinetın körıp, zeinetke jetken ardagerler barşylyq. Solardyŋ bırı – tyŋ ölkesınıŋ Işkı ıster basqarmasynyŋ avtoinspeksiia bölımınde 28 jyl tynymsyz qyzmet etken Esım Tanabergenov. Qazırgı taŋda da Esım Kärıbaiūly Astana qalasynyŋ Işkı ıster departamentınıŋ Ardagerler keŋesıne töraǧalyq etedı. Jetpıs alty jasqa taiaǧanymen qyzmetıne sergek, qoǧamdyq jūmystarǧa tiianaqtylyqpen aralasyp jür. Ardaqty ardagerdıŋ Işkı ıster qyzmetındegı jetıstıkterı, ǧūmyry men eŋbek jolynda jinaqtaǧan täjırbiesı jas buynǧa ülgı bolar degen oimen Qazaqstan Respublikasynyŋ polisiiasy künı qarsaŋynda sūhbattasqan edık.
– Esım Kärıbaiūly, eŋbek jolyŋyzdyŋ qalai bastalǧandyǧy jaiynda baiandap berseŋız.
– Men 1938 jyly 15 qazanda Aqmola oblysynda qarapaiym otbasynda düniege keldım. Auylymdaǧy orta mektepten bılım alyp, 1957 jyly Mäskeu tübınde bailanysşy bolyp äskerge alyndym. Qarapaiym qazaqtyŋ qara domalaq balasy edık. Bıraq, arman quyp, mamandyq taŋdaityndai mümkındık te bolmady. Äskerdegı boryşymdy ötep, 1960 jyly Aqmolaǧa kelıp, avtojol tehnikumyna tüsıp, 1963 jyly avtotehnik-mehanik mamandyǧyn aldym. Tehnikumdy bıtıre salysymen komissiia köbımızdı auyldyq jerlerge jūmysqa jıberıp jatty. Qalada tuystar tūratyndyqtan ärı Aqmolaǧa bauyr basyp qalǧandyqtan, auylǧa baruǧa zauqym soqpady. Bıraq, amal neşık, şeşım şyǧaratyn komissiia. Söitıp, jaǧdaiymdy tüsındırıp em, sonda komissiianyŋ müşesı, kapitan «saǧan tyŋ ölkesınıŋ Işkı ıster departamentınde avtoinspeksiiadaǧy qyzmettı ūsynsam, qalai qaraisyŋ?» dedı. Men de kelıse kettım. Keiın injenerlık institutty tämamdap, avtoinspeksiiada orynbasar qyzmetın atqaryp, demalysqa şyqtym. Sodan berı är jerde, ärtürlı qyzmet atqardym. Ǧūmyrymda kökeiıme tüigenım – ömırden asqan tärbieleuşı joq eken. İä, ömırden de, qyzmetten de üirengenım mol.
– Kez kelgen qyzmettıŋ qiyndyǧymen qatar qyzyǧy da bolatyny ras. Avtoinspeksiiada qyzmet etıp jürgen kezde sızdıŋ jadyŋyzda jattalyp qalǧan, taŋ qaldyrǧan uaqiǧany aityp berseŋız.
– Ärine, kez kelgen qūqyq qorǧauşy üşın qoǧamdaǧy tärtıptı retteu asqan jauapkerşılıktı talap etetını ras. Qyzyqty da qiyn jaǧdailar olardyŋ qyzmetınde jiı kezdesedı. Men de nebır qyzyqty uaqiǧalardyŋ ortasynda boldym. Ol uaqytta bız mäşinamen emes, motosiklmen jüremız. Bırde bır azamat mas küiınde «KamAZ» jük kölıgın joǧary jyldamdyqpen jürgızıp, zyryldap keledı eken. Bız onyŋ artynan quyp, toqtata almai älekpız. Qanşa tyryssaq ta, onyŋ toqtaityn türı joq. Ärıptesım ekeumız küşpen toqtatuǧa kırıstık. Qasymdaǧy şopyr dosym motosikldı «KamAZdyŋ» däl artyna tırei aidap keledı. Bır būrylysqa kelgende men lezde sekırıp mınıp, äupırımmen töbesınen kep, kürteşemmen aldyŋǧy terezenı jauyp jıberdım. Erıksız toqtady. Sol körınıstı aityp jetkızu qiyn, rasynda esten ketpes oqiǧa boldy.
– Kölıktegı mas adamdy däl sızdıŋ ädısıŋızben toqtatu ekınıŋ bırınıŋ qolynan kele bermeidı. Mūndai qauıptı jaǧdaida käsıbi şeberlık kerek-aq. Sondyqtan, būl äreketıŋız qyzmetıŋızge adaldyq pen qoǧam aldynda jauaptylyqty aŋǧartatyny anyq.
Zeinetkerlıkke şyqsaŋyz da eŋbekten qol üzbei kelesız. Mūnyŋ sebebı nede?
– Osy saualdy qoiatyndar köp maǧan. Taǧy aitaiyn, eŋ aldymen, küş-quatyŋ bolsa, qanşa jasqa kelseŋ de eŋbek etkennıŋ eş aiyby joq. Ardager zamandastarymnyŋ qalauymen, senımımen ūiymǧa töraǧa boldym. Sondyqtan, bastalǧan ıstı abyroimen soŋyna deiın jetkızu kerek dep oilaimyn.
– Densaulyǧyŋyzǧa qalai köŋıl bölesız? Sporttyŋ qandai türlerımen ainalastyŋyz?
– «Denı saudyŋ – jany sau» demekşı, densaulyqqa är kezde de köŋıl bölu kerek. Būl – menıŋ ömırlık qaǧidam. Qazır de sportqa ülken köŋıl bölem. Bala kezımde qazaqşa küreske qatystym. Keiınnen sambomen de şūǧyldandym. «Dinamo» qoǧamdyq bırlestıgınıŋ jüldegerı atanǧan kezderım boldy. Bır sözben aitqanda, eş uaqyt sporttan alystaǧanym emes. Sonyŋ arqasy boluy kerek, 75 jylda bırde-bır ret auyr syrqattanyp körmedım. Şükır, qazır de salauatty ömır saltyn ūstanamyn. Taŋǧy jattyǧular men jaiau jüru özındı sergek sezınuge kömegın tigızedı.
– Eŋbek jolyŋyz jaiynda bırşama habardar boldyq. Otbasyŋyz jaiynda aityp berseŋız.
– Jūbaiym ekeumız ekı ūl men bır qyzdy tärbieledık. Ūlymyzdy ūiaǧa, qyzymyzdy qiiaǧa qondyrdyq. Qazır, Allaǧa şükır, alty nemeremız ben ekı şöberemızdıŋ qyzyqtaryna keneludemız. Sondyqtan, özımdı baqytty adamdar qatarynya qosamyn.
– Qandai marapattaryŋyz bar?
– Bes medalmen marapattaldym. Qazaqstan Respublikasy Işkı ıster departamentınıŋ Ardaqty ardagerı atandym. Basqa da alǧys hattar men maqtau qaǧazdarym bar.
– Käsıbi merekelerıŋız – Qazaqstan polisiiasy künınde jas ärıptesterıŋızge ne tıler edıŋız?
– Künı-tünı, jazdyŋ ystyǧy men qystyŋ suyǧyna qaramastan öz qyzmetın atqaryp jatqan astanalyq polisiia qyzmetkerlerıne abyroi, adaldyq, ızgılık, el tynyştyǧyn qorǧauda airyqşa jıger tıleimın! Eŋ bastysy, qoǧamdy bırlıkpen köteru kerek. Bırlık bar da – tırlık bar.
– Jyly lebızıŋız ben sūhbattyŋyzǧa rahmet!
ASTANA TŪRǦYNDARY MEN QONAQTARYN ŞAQYRAMYZ!
21 MAUSYM KÜNI SAǦAT 10.00-15.00 ARALYǦYNDA «STUDENTTIK» PARKINDE
(QAJYMŪQAN KÖŞESI 1, «RENESSANS» ORTALYǦYNYŊ MAŊY)
POLİSİIа KÜNINE ARNALǦAN ŞARA ÖTEDI.
BAǦDARLAMADA:
– Arnauly tehnika qūraldary men qaru-jaraqtar körmesı;
– «Arlan» AMB jäne Astana qalalyq IID JQAJ ūrysşylarynyŋ körsetılımı;
– Kinologiialyq qyzmet ortalyǧynyŋ arnaiy ız-kesuşı itterımen körsetılımı;
– Astana qalalyq IID poliseiler horynyŋ, IID «Jıger» folklorly ansamblınıŋ jäne estrada jūldyzdarynyŋ qatysuymen ötetın konsert;
– Balalar attraksiony: ürmelı batut, atpen seruendeu, ärtürlı köŋıl köteretın balalar baǧdarlamalary;
– Sporttyq jarystar: gır tasyn köteru, armrestling, şahmattan blis-turnir.
BALALAR BAǦDARLAMALARY MEN SPORTTYQ SAIYSTARDYŊ QATYSUŞYLARY BAǦALY SYILYQTARMEN MARAPATTALADY.
KIRU TEGIN
Äŋgımelesken Sofiia QYLYŞBEKOVA,
Astana qalasy ışkı ıster departamentınıŋ baspasöz qyzmetı
