Elordada naşaqorlyq jäne esırtkı biznesımen küreste qalalyq polisiia departamentı üzdıksız jäne belsendı jūmystar jürgızedı. Äsırese, internet-resurstar arqyly esırtkınıŋ sintetikalyq türlerın qosa alǧanda, satu jäne jetkızu arnalary boiynşa faktılerdı anyqtauǧa erekşe nazar audarylady.
stana qalasy Polisiia departamentı Esırtkıge qarsy ıs-qimyl basqarmasynyŋ bastyǧy, polisiia polkovnigı Rustam Gasizovtyŋ aituynşa, jyl basynan berı qalada 739 esırtkı qylmysy anyqtalsa, onyŋ 107-sı esırtkı satumen ainalysatyn tūlǧalarǧa qatysty bolǧan. Bügınde äsırese, sintetikalyq esırtkınıŋ zaŋsyz ainalymy mäselesı ötkır tūr. Biyl 9 aida zaŋsyz ainalymnan 263 kelı esırtkınıŋ ärtürlı türlerı, onyŋ ışınde 43,5 kelı «sintetikalyq» esırtkı zattary tärkılengen.
– Biyl elordada sintetikalyq esırtkını jasaityn 5 zerthana anyqtalyp, olardyŋ qylmysynyŋ joly kesıldı. Elorda tūrǧyndary men qonaqtary üşın Astana qalasy Polisiia departamentınıŋ bastamasymen «Smart Astana» elektrondy platformasynda, «Esırtkıge jol joq» ündeu joldau» qosymşasynda joba äzırlenıp, ıske qosyldy. Atalǧan platforma polisiia qyzmetkerlerıne graffiti suretterın, paraqşalardy jäne t.b. joiu boiynşa jedel şaralar keşenın qabyldauǧa mümkındık beredı, esırtkıge qatysy bar internet-dükenderdı jarnamalaudyŋ barlyq anyqtalǧan faktılerge zaŋdy ıs-äreketterı ötınış beruşını Telegram arnasy arqyly atqarylǧan jūmys turaly habardar etedı, – deidı basqarma bastyǧy.
Būl jūmysta azamattar erekşe belsendılık tanytuda. Olardyŋ mälımetı boiynşa biyl sintetikalyq esırtkını satatyn 60 sait būǧattalyp, graffitidı jarnamalaityn onlain dükenderı joiylǧan. Esırtkı tūtynuşylardyŋ sanyn azaitu maqsatynda jasöspırımder men jastar arasynda profilaktikalyq jūmystar küşeitılıp, oqu oryndarynda därıster men sabaqtar ötkızılgen. Odan bölek, esırtkınıŋ ziiany turaly derektı jäne körkem filmder körsetılıp, interaktivtı sabaqtar ötkızıledı. Joǧary oqu oryndarymen memorandumdar jasalǧan. Studenttermen kezdesulerde esırtkı qylmysyna qarsy küreske qatysty problemalyq mäseleler talqylanady, olar keiın būl derekterdı ǧylymi eŋbekterınde qoldanady.
– Studentterdıŋ ata-analary üşın bızdıŋ basqarma qyzmetkerlerı äleumettık jelılerde jäne jeke päter ielerı chattarynda «Kämeletke tolmaǧandardy esırtkı qoldanu faktılerın anyqtau üşın üide ekspress-testıleu mümkındıgı turaly» aqparattyq baǧdarlamany ıske qosty. Biyl naşaqorlyqtyŋ aldyn alu boiynşa 238 profilaktikalyq ıs-şara ötkızıldı. Jürgızılıp jatqan jūmystarǧa memlekettık organdar, Ükımettık emes ūiymdar, jastar qozǧalysynyŋ volonterlerı, 15 sport ūiymy belsendı qatysuda. Būqaralyq aqparat qūraldarynda, onyŋ ışınde respublikalyq basylymdarda esırtkıge qarsy 367 basylym jariialandy, – deidı ol.
Memleket basşysynyŋ tapsyrmalaryn oryndau maqsatynda, sondai-aq 2023-2025 jyldarǧa arnalǧan «Qazaqstan Respublikasynda naşaqorlyqpen küres jönındegı keşendı ıs-şaralar jospary» aiasynda äkım apparatymen barlyq müddelı memlekettık organdarǧa jäne Ükımettık emes ūiymǧa qajettı qarajat böle otyryp, naşaqorlyqqa qarsy maqsatty profilaktikalyq ıs-şaralardy ıske asyruda «Astana – esırtkısız qala!» jospary äzırlenude.
