Respublikalyq «Taza Qazaqstan» ekologiia nauqany aiasynda Astanada vandalizmge qarsy baǧyttalǧan «Toqta, vandal!» aksiiasy öttı. Is-şaranyŋ ötuıne Saryarqa audany äkımdıgı, qalalyq Polisiia departamentınıŋ esırtkı qylmysyna qarsy küres basqarmasy, elordalyq mäslihat deputattary, ükımettık emes ūiym ökılderı jäne «Astana jastary» jastar resurstyq ortalyǧynyŋ volonterlerı ūiytqy boldy.
Aksiia qala mülkın qorǧauǧa, qoǧamdyq oryndarda tärtıptı saqtauǧa baǧyttalǧan. Bötennıŋ mülkın qasaqana büldıru äkımşılık jauapkerşılıkke äkep soǧady. Vandalizm jasaǧandar jazasyz qalmaidy.
«Vandalizm qoǧam mülkıne ziian tigızu ǧana emes, tūrǧyndardyŋ qauıpsızdıgı men jailylyǧyna qauıp töndıretının eskergen jön. Būl aksiia qoǧamdyq mülıktıŋ bülınuıne jol bermeudı, sondai-aq azmattardyŋ sanasy men jauapkerşılıgın arttyrudy nasihattaidy. Jalpy ärbır azamat qala tazalyǧyna nemqūraidy qaramauy qajet. Äsırese jastar vandalizm äreketınıŋ aldyn alyp, taza ärı qauıpsız orta qalyptastyruǧa atsalysqany dūrys» dedı elorda Jastar saiasaty basqarmasynyŋ basşysy Samat İbraev.
«Toqta, vandal!» aksiiasy qalada dästürlı türde volonterlerdıŋ qatysuymen ötedı. Onyŋ aiasynda qoǧamdyq oryndarda reid ötedı. Būl turaly Astana qalasy Polisiia departamentı esırtkı qylmysyna qarsy küres basqarmasynyŋ bölım bastyǧy, polisiia podpolkovnigı Sergei İlinyh keŋırek tarqatty.
«Saiabaqtar, aulalar, köşelerdegı mülıktı büldıretın būzaqylyq äreketterdıŋ aldyn alu boiynşa tūraqty negızde bas qalada reid ötıp, aldyn alu boiynşa jūmys jüredı. Onyŋ barysynda esırtkını jasyryn, bürkemelep nasihattauǧa tyrysatyn köşe jarnamalary joiylady. Naşaqorlardyŋ köbeie tüsuıne esırtkını taratuşy men satuşylardyŋ, nasihattauşylardyŋ ülesı mol. Olar bilbord, pilon siiaqty jarnama qūrylǧylaryn da, graffiti syzbalardy da astyrtyn paidalanyp, «ūn, «tūz», «kır juu ūntaǧyn» satamyz» dep jalǧan jarnama beretını anyqtalyp otyr. Atalmyş äreketter üşın jarnama beruşıler 2019 jyldan berı Qylmystyq kodekstıŋ 299-1-baby boiynşa 3 jyldan 6 jylǧa deiın bas bostandyǧynan aiyrylady. Soŋǧy kezderı oǧan jasöpırımder tarapynan qyzyǧuşylyq baiqalady. Sondyqtan osyndai reid ne aksiia barysynda jastarmen tüsındıru jūmysy jürgızıledı. Olarǧa esırtkı qylmysy üşın qylmystyq jauapkerşılık 14 jastan bastalatynyn eskertemız» dedı S.İlinyh.
«Toqta, vandal!» aksiiasy aldaǧy uaqytta qalanyŋ basqa da audandarynda ötedı dep josparlanǧan. Oǧan mektep oquşylary, studentter jäne qalanyŋ özge belsendı jastary tartylady.
