Ūlttyq kinony qoldau ortalyǧy memlekettık qoldauǧa ümıtker kinojobalardy ırıkteudıŋ bırınşı kezeŋıne ssenariiler men ssenarii josparlaryn qabyldaudyŋ aiaqtalǧanyn habarlaidy. Elektrondy türde tırkelgen ssenariiler men ssenarii josparlarynyŋ jalpy sany – 465.
«2024 jyly animasiialyq, derektı jäne oiyn filmderınıŋ ärtürlı sanattary boiynşa bırşama ötınım kelıp tüstı. Animasiia salasynda 44 ötınım berılgen, onyŋ 37-sı saraptamalyq keŋestıŋ qarauyna jıberıldı, al 7-euı qabyldanbady. Derektı filmder sanatynda 70 ötınım berıldı, onyŋ 57-sı saraptama keŋesıne jıberıldı, al 13-ı qabyldanbady. Oiyn filmderıne keletın bolsaq, 351 ötınım tüstı, onyŋ 277-sı saraptama keŋesınıŋ qarauyna berıldı, al 74-ı qabyldanbady. Ötınımderdıŋ qabyldanbau sebepterı: ötınımderdıŋ bır joba boiynşa bır kompaniiadan qaita berıluı, ssenariiler men ssenarii josparynyŋ bolmauy, kompaniiadan konkurstyŋ bır baǧytyna ekeuden artyq ötınım tüsuı. Qalǧan ötınımder saraptama keŋesınıŋ qarauyna joldandy», – dep mälımdeidı ortalyqtyŋ baspasöz qyzmetı.
Konkursqa qatysu üşın qūjattardy qabyldau 12-18 säuır aralyǧynda jürgızıldı. Atap ötu kerek, 10 säuırde Almatyda kinoindustriia ökılderımen kezdesu ūiymdastyryldy, sonymen qatar 8-18 säuır aralyǧynda üş baǧyt boiynşa konsultasiialyq qoldau şaralary jürgızıldı. Astana jäne Almaty qalalaryndaǧy ortalyq keŋsesınde jeke konsultasiialar, telefon qoŋyraulary arqyly sūraqtarǧa jauap berıldı, äleumettık jelıde jaŋa erejege, konkursqa qatysty qajettı mälımetter jariialandy.
