Elordada qūrylysy ūzaqqa sozylǧan, 500 ülesker qarjysyn salǧan problemaly tūrǧyn üidıŋ qūrylysynyŋ bırınşı kezeŋı aiaqtalyp, paidalanuǧa berıldı. Jaqynda 135 ülesker päterlerın aldy. Qazır ekınşı kezeŋ boiynşa jūmystar qyzu jürgızılıp jatyr.
«Elordada qūrylysy ūzaqqa sozylǧan, problemaly nysandardyŋ bırın aiaqtadyq. «Territoriia komforta-1» tūrǧyn üi keşenınıŋ tarihy 2004 jyly bastalǧan. Üidı tehnikalyq tekseru barysynda ǧimarattyŋ apatty jaǧdaida ekenı anyqtaldy. Būrynǧy qūrylys saluşy tehnikalyq standarttarǧa säikes kelmeitın beton markasyn qoldanǧan, al plitalar arasynda tüiısken jerı saqtalmaǧan. Qūrylysşylar aitqandai, būl üi paidalanuǧa berılse, köp ūzamai qirap, tūrǧyndar astynda qalatyn edı.
Apatty jaǧdaidaǧy köppäterlı tūrǧyn üi keşenınıŋ barlyq blogyn būzu boiynşa auqymdy jūmys jürgızıldı. Onyŋ ornyna jaŋa tūrǧyn üi keşenı salyndy, eŋ bastysy – qauıpsız. Mūnda bas-aiaǧy 500-den astam ülesker bar. Üidı aiaqtau ekı kezeŋnen tūrady. Alǧaşqy 135 ülesker köpten kütken päterın aldy, olar būl kündı 17 jyl boiy küttı. Ekınşı kezeŋ boiynşa jūmys jürıp jatyr.
2019 jyldyŋ jazynda qala boiynşa barlyǧy 16 myŋ ülesker otbasy bolǧan, 2,5 jyl ışınde 13 myŋ üleskerdıŋ problemasy şeşıldı. Mäselen, biyl 57 köppäterlı tūrǧyn üi keşenınıŋ qūrylysy aiaqtaldy. Būl 7 myŋ üleskerdıŋ problemasyn şeşuge mümkındık berdı.
Jaŋa 2022 jyly taǧy 40 köppäterlı tūrǧyn üidı, 2023 jyly 20 köppäterlı tūrǧyn üi-donor saludy josparlap otyrmyz. Osylaişa, 2023 jyly elordada qūrylysy ūzaqqa sozylǧan üilerdıŋ problemasyn tolyq şeşudı josparlap otyrmyz. Qūrylys jūmystarynyŋ aiaqtaluy Memleket basşysynyŋ tıkelei baqylauynda» dep mälım ettı Nūr-Sūltan qalasynyŋ äkımı Altai Kölgınov «Territoriia komforta-1» problemalyq tūrǧyn üi keşenınen päterlerın alǧan qala tūrǧyndarymen kezdesken sätınde.
