Därıger – jauapkerşılıgı joǧary mamandyq. Bas auyryp, baltyr syzdaǧanda olarsyz künıŋ qaraŋ. Rasymen de, aq halatty abzal jandar köpşılık üşın qūddy bır adam ömırınıŋ araşaşysy bolyp körınedı.
Bıraq bes sausaq bırdei emes qoi. Sol siiaqty aq halattylardyŋ arasynda da nauqastyŋ jaǧdaiyna bei-jai qaraityndary bar eken. Byltyr tūrǧylyqty mekenjaiymyz boiynşa balamyz Respublikalyq diagnostikalyq ortalyqta tırkeude bolǧan. Älbette, ondaǧy därıgerlerdıŋ bılıktılıgınde, zamanaui apparattarda, qyzmet körsetu sapasynyŋ joǧarylyǧynda, tıptı dälız ben kabinetterdıŋ keŋdıgınde, jalpy, emdeluşıler üşın jaǧdaidyŋ barynşa qarastyrylǧandyǧynda mın joq. Qataŋ tärtıp te ornaǧan onda. Iаǧni därıgerdıŋ qabyldauyna aldyn ala jazylyp qoimasaŋyz, kezeksız kıru qiyn. Bırde balamyz tūmauratyp, därıgerge qaraluǧa bır kün būryn jazylyp, ertesınde uaqytynan keşıkpei barǧanbyz. Bızdıŋ uchaskenıŋ därıgerı özı auyryp qalypty, jūmysta bolmai şyqty. Sodan onyŋ ornyna qabyldauy kerek bolǧan basqa uchaskenıŋ därıgerınıŋ aldyna bardyq. Bıraq ol qanşalyqty auyryp, mazasyzdanyp tūrsa da, balany qabyldamai, kerı qaitardy. «Osy üşın jūmystan şyǧaryp jıberse de, basqa uchaskenıŋ adamdaryn qarap otyratyn uaqytym joq. Maǧan ol üşın aqşa tölemeidı» degen älgı därıger Gippokrat antyna pysqyrmady da. Osy jaǧdaidan soŋ basqa emhanaǧa auysuǧa tura keldı.
