Aqparat jäne qoǧamdyq damu ministrlıgı Memleket basşysy bekıtken «Täuelsızdık ūrpaqtary» grantyn taǧaiyndau jönındegı konkurstyŋ bastalǧany turaly habarlaidy.
Konkursqa 14-29 jas aralyǧyndaǧy jastar ümıtker bola alady.
2022 jyly konkurs şeŋberınde 30 grant berıledı, olardyŋ ärqaisysy 3 million teŋgeden bolady.
Grantty taǧaiyndaudyŋ maqsaty belsendı şyǧarmaşyl jastar qauymdastyǧyn qalyptastyruǧa baǧyttalǧan jastardyŋ jaŋa jäne qoldanystaǧy bastamalaryn memlekettık qoldau bolyp tabylady. Ony aluǧa konkurstyq ötınımderdı qabyldau aiaqtalǧan kezde jasy 14-ten kışı emes jäne jasy 29-dan ülken emes Qazaqstan azamattary ümıtker bola alady.
Granttar Qazaqstan azamattaryna kelesı baǧyttar boiynşa jaŋa ideialar men bastamalardy ıske asyru üşın konkurstyq negızde berıledı:
«Ǧylym» – ǧylymnyŋ basym sektorlarynda jaŋa ǧylymi jobalar men zertteulerdı ıske asyru üşın;
«Mädeniet» – Qazaqstannyŋ mädeni mūrasyn tanymal etuge, halyqtyq mädeni dästürler men önerdı ılgerıletuge baǧyttalǧan jobalardy ıske asyru üşın;
«Aqparattyq tehnologiialar» – jaŋa IT-şeşımder men jobalardy, onyŋ ışınde bastauşy startap-jobalardy ıske asyru jäne äzırleu üşın;
«Biznes» – ekonomikanyŋ basym sektorlarynda jaŋa biznes-ideialardy ıske asyru üşın;
«Media» – jaŋa media-jobalardy, onyŋ ışınde jastar üşın tanymdyq, paidaly, qyzyqty kontenttı qūru jönındegı jobalardy ıske asyru üşın.
Ümıtkerlerdıŋ konkurstyq ötınımderı (qaǧaz nūsqada) aǧymdaǧy jylǧy 14 tamyzǧa deiın myna mekenjai boiynşa qabyldanady: Nūr-Sūltan qalasy, Mäŋgılık el daŋǧyly 8, «Ministrlıkter üiı» Äkımşılık ǧimaraty (14-kıreberıs); bailanys telefondary: 8(7172)74-12-78, 8(702-000-88-12).
Elektrondyq nūsqany poşta arqyly generation.kaz@gmail.com jıberu kerek. Konkurstyq ötınımder memlekettık nemese orys tılderınde qabyldanady.
