Keşe elorda äkımı Altai Kölgınov Memleket basşysy Qasym-Jomart Toqaevtyŋ atynan belsendı erıktıler men azamattarǧa «Halyq alǧysy» medalın tabystady.
«Qalalyqtar pandemiia kezınde ūiymşyldyq tanytty, jaqyndaryna kömektesıp, Covid-19 taralmauyna özderınıŋ ülesın qosty. Erıktıler baqylau – ötkızu beketterınde kezekşılık atqardy, dezinfeksiia jasauǧa qatysty, jedel ştabta da jūmys ıstedı. Azamattarymyzdyŋ tūrmysy tömen sanattaryna därı-därmek, azyq-tülık pen qorǧanuǧa arnalǧan zattardy taratty. Bırlesken eŋbektıŋ arqasynda jaǧdaidy tūraqtandyra aldyq» dep atap öttı Altai Kölgınov.
Memleket basşysy qaiyrymdylyq, volonterlık ūiymdar jäne biznes salasy ökılderımen onlain kezdesude qaiyrymdylyq pen volonterlık pandemiia kezınde jalpyūlttyq deŋgeige jetıp, äleumettık normaǧa ainala bastaǧanyn aitty. Prezident volonterlık qyzmettı damytu, qaiyrymdylyq jäne mesenattyqty qoldau – memlekettıŋ ūzaq merzımdı basymdyǧy ekenın atap öttı. Elbasy bastamasy boiynşa qūrylǧan «Bız bırgemız» qory myŋdaǧan otbasyǧa qarjylai kömek körsettı, qalalyqtar joǧary äleumettık jauapkerşılık tanytty» dep jazdy elorda äkımı özınıŋ instagram paraqşasynda.
Kezdesude qūramyna volonterlık ūiymdar men qozǧalystardyŋ barlyq ökılı kıretın bıryŋǧai platforma qūru mäselesı talqylandy. Būl eşkım şet qalmas üşın mūqtaj adamdarǧa jeke-jeke kömek körsetuge mümkındık beredı. Būǧan qosa bölıngen kömektıŋ aşyqtyǧy qamtamasyz etıledı. Sondai-aq jiynda volonterlık ūiymdardy damytu jäne qoldaudyŋ bırqatar baǧyttary jaily söz qozǧaldy.
Soŋynan qala basşysy Prezident atynan belsendı erıktıler men azamattarǧa «Halyq alǧysy» medalın tabystady. Qiyn kezeŋde aianbai eŋbek etken jandarǧa alǧys aitty.
