Sonymen, elımızdegı Prezident sailauy da öz märesıne jettı. Būl jolǧy sailauda 6,5 mln qazaqstandyq Qasym-Jomart Toqaevty taŋdady. Qazırgı Prezident sailauşylardyŋ 70,76 paiyz dauysyna ie boldy. Mūndai aqparatty keşe sailaudyŋ aldyn ala qorytyndylaryn jariialaǧan Ortalyq sailau komissiiasy taratty.
Dauys sany boiynşa ekınşı orynda saiasi dodaǧa «Ūlt taǧdyry» qozǧalysynyŋ atynan qatysqan Ämırjan Qosanov ornalasqan. Ol sailauşylardyŋ 16,2 paiyz (1472733 adam) dauysyn jinaǧan.
Üşınşı orynda – 5,2 paiyzben (478153 adam) «aqjoldyq» Daniia Espaeva, törtınşı – 3,2 paiyzben (294271 adam) «auyldyq» Töleutai Raqymbekov, besınşı – 2,7 paiyzben (190304 adam) käsıpodaqtardyŋ ümıtkerı Amangeldı Taspihov, altynşy – 1,82 paiyzben (167249 adam) halyqşyl-kommunist Jambyl Ahmetbekov, jetınşı orynda 0,92 paiyzben «Ūly dala qyrandary» qozǧalysynyŋ jetekşısı Sädıbek Tügel tūr.
Aitpaqşy, keşe tünde jariialanǧan exit poll-dyŋ deregınde säl aiyrmaşylyq bolǧan. «Qoǧamdyq pıkır» zertteu instituty jürgızgen saualnamanyŋ nätijesınde Q.Toqaev – 70,13 paiyz, Ä.Qosanov – 15,39 paiyz, Daniia Espaeva – 5,32 paiyz, Jambyl Ahmetbekov – 3,86 paiyz, Töleutai Raqymbekov – 3,03 paiyz, Amangeldı Taspihov – 1,41 paiyz, Sädıbek Tügel 0,86 paiyz dauys jinaǧan edı.
Megapolister arasynda elorda köş bastady
Jeksenbınıŋ tünınde OSK-da ötken qorytyndy brifingte OSK töraǧasynyŋ orynbasary Konstantin Petrov jalpy tızımdegı 11947995 adamnyŋ 77,4 paiyzy elımızdegı 9920 jäne şeteldegı 48 sailau uchaskesıne kelıp, öz taŋdauyn jasaǧanyn habarlady. Sailau prosesıne baqylauşy retınde ärtürlı şeteldık ūiymdar tarapynan 1013 adam qatysty.
Bır quanarlyǧy, respublikalyq maŋyzy bar üş qalanyŋ ışınen Nūr-Sūltan köş bastap, sailauşylardyŋ 68,9 paiyzy dauys bergen. Şymkenttıkterdıŋ 67,6 paiyzy, almatylyqtardyŋ 52,2 paiyzy sailauǧa qatysty.
Oblystar boiynşa bölıp qarasaq, erekşe belsendılık tanytqan Almaty oblysynyŋ tūrǧyndary eken, onda sailauşylardyŋ 89 paiyzy azamattyq ūstanymyn bıldırgen. 84,9 paiyz körsetkışpen ekınşı orynda Aqtöbe jäne Şyǧys Qazaqstan oblystary, 84,8 paiyzben üşınşı orynda Türkıstan oblysy ornalasqan. Aqmola oblysynda sailauşylardyŋ 83,4 paiyzy, Atyrau oblysynda – 71,2 paiyzy, Jambyl oblysynda – 81,3 paiyzy, Batys Qazaqstan oblysynda – 66,3 paiyzy, Qaraǧandy oblysynda – 77,3 paiyzy, Qyzylorda oblysynda – 81,6 paiyzy, Qostanai oblysynda – 84,1 paiyzy, Maŋǧystau oblysynda – 68,9 paiyzy, Pavlodar oblysynda – 81,2 paiyzy, Soltüstık Qazaqstan oblysynda 79,8 paiyzy dauys bergen.
