İgılıktı ısterge jeteleidı
Biyl Özbek elınıŋ Qazaqstan Respublikasyndaǧy jyly bolyp jariialandy. Jyl aiasynda bırşama şaralar ötıp jatyr. Olardyŋ ortasynda özımız de jürmız. Men – qazaqtyŋ özbegımın. Ony maqtan tūtamyn. Ata dästürımızdı jalǧastyryp, öz dınımnen, dılımnen ajyramaǧanyma quanamyn. Tüp qazyǧymnyŋ nyq boluyna özım jasap jatqan qazaq elınıŋ keŋdıgı, ūlttar saiasatynyŋ saltanaty der edım.
Osy oraida, Qazaqstan halqy bırlıgı künınıŋ qarsaŋynda ötken kezektı alqaly jiynǧa toqtalmai öte almaimyn. Ol – jyl saiyn aldaǧy jyldyŋ baǧytyn anyqtap beretın, Qazaqstan halqy Assambleiasynyŋ Sessiiasy. Kezektı HHVI sessiia «Bes äleumettık bastama – qoǧamnyŋ äleumettık bırlıgınıŋ tūǧyry» taqyrybynda öttı.
Menıŋ özım, elımızdegı myzǧymas bırlıktıŋ ūiytqysy ärı tatulyq pen bırlıktıŋ kepılındei bolǧan Qazaqstan halqy Assambleiasynyŋ bır müşesı retınde osy jiyndy asyǧa küttım. Ondaǧy aitylatyn sessiia töraǧasy Nūrsūltan Äbışūlynyŋ tūjyrymdary kündelıktı ıstep jürgen şaruama da basqa közben qarap, onyŋ tereŋ maǧynasyna boilauǧa jeteleidı. Bızderdı igılıktı jūmystarǧa jūmyldyryp, ömırdıŋ mänın tabuǧa itermeleidı. Elımızdıŋ tükpır-tükpırınen kelıp, jinalys mınberıne jarysa şyǧyp, Elbasyǧa arnap aitylǧan ärıptesterımnıŋ lebızderı de köŋılden şyǧyp jatty. Sonyŋ ışınde Astana qalasynyŋ özbek etno-mädeni ortalyǧynyŋ töraǧasy Şerzod Pulatovtyŋ Prezidentke joldaǧan qūrmetke toly alǧys sözıne tolyqtai qosylamyn. El üşın, Otan üşın jan aiamai jūmys jasaǧan Elbasyǧa dän rizaşylyǧymyz jüregımızdıŋ tükpırınen şyǧady. Būl Elbasymyzdyŋ baǧdarlamasy boiynşa alǧa qoiǧan negızgı mındetterın oryndauǧa qūlşyna kırısuge bastaidy.
Mıne, men 20 jyl boiy nan pısıru käsıbımen ainalysyp kelemın. Astananyŋ naubaiymyn dese de bolady. Jūmysym özıme qatty ūnaidy. İısı būrqyraǧan ystyq nan ärbır janūianyŋ dastarhanynda bolsa eken dep tıleimın. Nan bolsa, än de bolady. Men bastaǧan jūmys käsıbımnıŋ eŋbek ötılı Astana qalasynyŋ mereilı jasymen teŋ eken. Qūrdas desem de bolady. Käsıbım men Bas qalam köz aldymda ösıp, örken jaidy. Sodan da elordanyŋ damuyna müddelı bolyp, tabysymnyŋ bır bölıgın qaiyrymdylyq qoryna bölemın. Egde tartqan qarttarǧa, Ūly Otan soǧysynyŋ ardagerlerıne, Qarttar üiıne, köp balaly otbasylaryna qolymnyŋ ūşyn berıp, kömegımdı aiamauǧa tyrysudamyn. Özımnıŋ jūmysym arqyly qalamyzdyŋ körkeiuıne, dostyǧymyzdyŋ nyǧaia tüsuıne, halqymyzdyŋ tynyştyǧyn qorǧauǧa osylaişa atsalysudamyn.
Qazaqstan Respublikasyndaǧy özbek «Dostyq» etno-mädeni ortalyǧynyŋ töraǧasynyŋ orynbasary retınde respublikamyzda özbek mädenietın nasihattauǧa da aralasudamyn. Ärbır merekege jaiylǧan dastarhandy özbektıŋ ūlttyq taǧamy palau jäne pätır nanymen toltyryp, yrysyn arttyru – men üşın ardaqty ıs. Öz basym osyndai keşter arqyly ekı tuysqan el tatulyǧy nyǧaia tüsedı dep oilaimyn.
Odan basqa ūlt ökılderı men qalalyq etnomädeni ortalyqtarynyŋ töraǧalarymen osyndai mol dastarqan basynda da kezdesıp jatamyz. Osyndai otyrysta Astana qalasynyŋ 20 jyldyq toiy jäne Özbek elınıŋ Qazaqstan Respublikasyndaǧy jylyna qatysty ne aitarymyz bar, nenı nasihattap, būqaraǧa nenı jetkızuımız kerek degendei ışkı mäselelerdı bırlese şeşemız. Mūndai sätterde oiymyz bır jerden şyǧyp, bır-bırımızdı tüsınıp, tılı men dılıne, ūlty men ūlysyna qaramastan bırge tuǧan bauyrdai sezınemız. Onyŋ qūpiiasy – düniedegı bar berekenıŋ bastauy, jaqsy künımızdıŋ belgısı qasiettı nannyŋ arqasynda der edım.
Dara joldy jazbai tanyp, bar yqylasymyzdy beibıtşılık pen kelısım jolyna audaryp, dūrys taŋdau jasauǧa serpın bergen halqymyzdyŋ basşysy, Elbasyǧa alǧysymyzdy bıldıremın.
Osyndai mamyrdyŋ merekelı sätterınde Qazaqstan Respublikasynyŋ bairaǧy jelbırei bersın degım keledı.