Qaladaǧy iKOMEK109 bıryŋǧai bailanys ortalyǧyna jyl basynan berı 2 millionnan astam ötınış kelıp tüsken. 1 million 760 myŋnan astam ötınış bırınşı qoŋyraudan-aq öŋdelıp, tūrǧyndardyŋ talap-tılegı qanaǧattandyryldy.
Ortalyq ıske qosylǧannan bergı aralyqta 6 millionnan astam ötınış qabyldanǧan eken. iKOMEK109 qyzmetı qala tūrǧyndarynyŋ aryz-şaǧymdary men talap-tılegın qamtamasyz etude qaladaǧy 1 myŋnan astam ūiymmen bailanysty jolǧa qoiǧan.
iKOMEK109 bailanys ortalyǧy halyqpen özara ıs-qimyldyŋ bıryŋǧai nüktesıne ainaldy. 109-dy tergen tūrǧyndar su tartu, jylytu, qoǧamdyq kölık, elektrmen jäne gazben jabdyqtau, densaulyq saqtau, abattandyru siiaqty 2500 mäsele boiynşa ötınış bıldıre alady. Bügınde tūrǧyndardan tüsken mäselelerdıŋ 86,6 paiyzy bırınşı qoŋyraudan-aq şeşımın tauyp jatyr. Tūrǧyndar özderın mazalaǧan sūraqtyŋ jauabyn aluda, şeşımın küterde 109-dan bölek Telegram-botta, qala äkımdıgınıŋ saitynda, iKOMEK109 jäne Smart Astana mobildı qosymşalarynda da öz ötınışterın qaldyra alady.
Jyl basynan bastap qaladaǧy 16 myŋnan astam beinebaqylau kamerasynda täulık boiy baqylau arqyly iKOMEK109 baqylau ortalyǧy 13 myŋnan astam qūqyq būzuşylyqty anyqtady.
