Ötken täulıkte Qazaqstanda 11524 adamnyŋ koronavirus infeksiiasyn jūqtyrǧany anyqtalyp, ındet 7 esege artty. Onyŋ ışınde eŋ köp auru Nūr-Sūltan qalasynan, bas qalada bır täulıkte 4 639 nauqas tırkeldı. Sonyŋ saldarynan nauqastardyŋ bır täulıkte anyqtalatyn sany 800-den 5,5 myŋǧa deiın östı. Al koronavirus infeksiiasyn jūqtyrǧandardyŋ jalpy sany 1 061 432-ge jettı.
Nūr-Sūltan qalalyq Sanitarlyq-epidemiologiialyq baqylau departamentınıŋ mälımetınşe, keşe elordada koronavirus ındetınıŋ tez taraluyna bailanysty epidemiologiialyq jaǧdai şielenıse tüsken.
Qaŋtardyŋ 16 künınde 36 347 derek anyqtaldy. Būl 2021 jylǧy jeltoqsanda tırkelgen 2 737 jaǧdaidan 12 ese joǧary. «Omikron» koronavirusynyŋ jaŋa ştamy virustyŋ basqa mutasiialaryna qaraǧanda tezırek taralady. Sol sebeptı COVID-19-ben auyryp şyqqandar jäne 2021 jyldyŋ nauryz-qyrküiek ailarynda vaksinalanǧan tūrǧyndar da äbden jūqtyruy mümkın. Qala boiynşa, qazırgı uaqytta 244 824 adam revaksinasiiadan ötuı qajet (aqpan, nauryz, säuır, mamyr, mausym, şılde ailarynda vaksinanyŋ tolyq kursyn alǧandar), olardyŋ 27 874-ı nemese 11,3 paiyzy – qaita vaksinalanǧan adamdar. Nūr-Sūltan qalasynyŋ Sanitarlyq-epidemiologiialyq baqylau departamentı epidemiologiialyq qauıpsızdık şaralaryn saqtau qajettıgın eske salady.
Osyǧan orai ötken apta soŋynda Densaulyq saqtau ministrı Ajar Ǧiniiat, elordanyŋ qoǧamdyq densaulyq saqtau basqarmasy, emhanalar men infeksiialyq stasionarlar basşylarynyŋ qatysuymen epidemiologiialyq ahual mäselelerı boiynşa qalalyq ştabtyŋ otyrysy öttı. Nūr-Sūltan qalasynyŋ äkımı Altai Kölgınov elordada epidemiologiialyq ahualdy tūraqtandyru boiynşa qandai şaralar qabyldanyp jatqany turaly aitty.
Elorda äkımınıŋ mälımetı boiynşa, bırınşıden, 14 qaŋtardan bastap mobildı brigadalar täulık boiy toqtamaityn jūmys tärtıbıne köştı. Tiısınşe qosymşa maşinalar sany bölındı. Būǧan medisina mekemelerı men medisina qyzmetkerlerı tolyǧymen jūmyldyryldy. Kürdelı epidemiologiialyq jaǧdai kezındegıdei kolledjder men universitetterdıŋ studentterı de qosymşa jūmysqa tartylatyn bolady. Ekınşıden, koll-ortalyqtar ıske qosyldy. «Ambulatoriialyq qyzmetterdıŋ jūmysyn küşeittık, sebebı eŋ ülken küş aldymen osy emhanalarǧa tüsedı. Alǧaşqy medisinalyq-sanitarlyq kömek ūiymdarynda koronavirus mäselelerı boiynşa koll-ortalyqtar jūmys ıstei bastady» dedı äkım sözınde. Üşınşı, qosymşa infeksiialyq stasionarlar aşyldy. Al tösek-oryn sany 1200-den 1,5 myŋǧa deiın köbeitıldı. Sonymen qatar PTR-zerthanalardyŋ täulıktık quaty 15 myŋǧa deiın östı. Törtınşı, Pfizer vaksinasyn aluşylar sanaty keŋeitıldı. Qala tūrǧyndaryn vaksinasiialau, revaksinasiialau jūmysy qatar jürgızıledı. Revaksinasiia üşın QazVac, Sinopharm jäne Pfizer qoljetımdı. Al Pfizer ekpesı jüktı jäne bala emızetın balalarǧa arnalǧan, endı ony 60 jastan asqan adamdarǧa, sondai-aq medisina qyzmetkerlerıne qoldanyluda. Vaksinasiia üşın Sputnik, QazVac, Pfizer (jüktı jäne bala emızetın analar, balalar üşın) ekpelerı bar. Vaksinasiia punktterı medisinalyq mekemelerde, sondai-aq «Abu Dabi Plaza», «Keruen», «Euraziia», «Aziia park» SOO-larynda, sol siiaqty «Nūrly jol» TJ vokzalynda ornalasqan. «Şūǧyl türde vaksinasiiadan, revaksinasiiadan ötkenıŋız abzal. Öz densaulyǧyŋyzǧa ziian keltırmeŋız. Koronavirus ındetımen aldyŋǧy şepte üşınşı jyl qatarynan küresıp kele jatqan därıgerlerımızge auyrtpalyq tüsırmeŋız» dep jazdy elorda äkımı.
Epidemiologiialyq ahual naşarlaǧan soŋ elordada jedel järdem jūmysy qyza tüstı. Künıne 2500-ge juyq pasientten şaqyrtu tüsıp jatyr. 17 qaŋtardaǧy jaǧdai boiynşa Qazaqstan öŋırlerındegı epidemiologiialyq ahualdy baǧalau matrisasyna säikes, elımızde «sary» aimaqta bır oblys qana qaldy, qalǧandary – «qyzyl» aimaqta. Sonymen «qyzyl» aimaqta: Nūr-Sūltan, Almaty, Şymkent qalalary, Atyrau, Almaty, Aqtöbe, Aqmola, Şyǧys Qazaqstan, Batys Qazaqstan, Jambyl, Maŋǧystau, Qaraǧandy, Qyzylorda, Qostanai, Pavlodar, Soltüstık Qazaqstan oblystary. «Sary» aimaqta: Türkıstan oblysy. «Jasyl» aimaqta eşbır öŋır joq. Eske sala ketsek, keşe Şyǧys Qazaqstan men Soltüstık Qazaqstan oblystary «sary» aimaqta bolǧan edı. 2022 jylǧy 16 qaŋtardaǧy mälımet boiynşa, Qazaqstanda 9 062 324 adam koronavirusqa qarsy vaksinanyŋ I komponentın saldyrdy. Būl turaly QR Densaulyq saqtau ministrlıgı Telegram kanalyna sılteme jasap habarlady. Sondai-aq koronavirusqa qarsy vaksinanyŋ II-komponentın 8 620 751 adam saldyrdy.
