Prezident tapsyrmasyna orai elımızdıŋ barlyq aimaǧynda «Sifrlyq Qazaqstan» baǧdarlamasy sättı jüzege asuda. Osy baǧytta monopolisterdıŋ qyzmetterı «bır tereze» qaǧidaty boiynşa bırıktırılıp, barlyq qyzmet körsetu salasy sifrlandyryldy. Halyqtyŋ ömır süruıne yŋǧaily jaǧdai jasau maqsatynda alǧaşqylardyŋ bırı bolyp bas qalada qolǧa alynǧan jobanyŋ bırı – iQala.
Ol 2019 jyly Astana qalasy äkımdıgınıŋ bastamasymen «Astana – adaldyq alaŋy» jobasy aiasynda qūryldy. iQala qalalyq qyzmetter ortalyǧy JŞS direktorynyŋ orynbasary Talǧat Baltabekovtıŋ aituynşa, atalǧan ortalyqty qūrudaǧy basty maqsat – tūrǧyn üi-kommunaldyq şaruaşylyq ūiymdarynyŋ qyzmetterın aludy oŋailatu, äkımşılık kedergılerdı qysqartyp, sybailas jemqorlyq täuekelderın azaitu jäne boldyrmau, barlyq qyzmetterdı bır jerde aluǧa yŋǧaily jaǧdai jasau. Sondai-aq osy ortalyqtyŋ qyzmetı qaǧazbastylyqty joiyp, halyqtyŋ sifrlyq sauatyn arttyru, tūrǧyn üi sektorynyŋ qyzmetterın avtomattandyru prinsipterıne de negızdelgen. Qazır qala tūrǧyndary kommunaldyq ūiymdardyŋ ornalasqan jerın ızdep äurege tüspeidı, būl rette qyzmetterdı bır jerde jetkızuge şarttar jasasu mümkındıgı paida boldy.
2022 jylǧy 1 mamyrdan bastap iQala qalalyq qyzmetter ortalyǧy boiynşa operatorlyq qyzmet Astana qalasynyŋ Sifrlandyru jäne memlekettık qyzmetter basqarmasyna berıldı. Al ortalyqtyŋ jūmysy «Qalalyq qyzmetter ortalyǧy» JŞS-ke jüktelgen.
Bügınde būl ortalyq Äzırbaijan Mämbetov köşesı boiyndaǧy 24-üide ornalasqan. Onyŋ būrynǧy ornyn özgertuge äsırese egde adamdardyŋ ötınış-tılegı türtkı boldy. Öitkenı osy baǧytta qoǧamdyq kölık köp jüredı jäne būl jer qala tūrǧyndarynyŋ kelıp-ketuıne de öte yŋǧaily.
Biyl jyl basynan berı 143000-nan astam adam ortalyqta qyzmet aldy. Qazırgı uaqytta ortalyq 144 qyzmet türın körsetedı
– iQala qalalyq qyzmetter ortalyǧy üş baǧytta qyzmet körsetedı. Bırınşıden, onlain, iaǧni tūrǧyndar barlyq kommunaldyq qyzmettı onlain formatta www.ns.gov.kz qalalyq qyzmetter portalynan ala alady. Ekınşıden, qalalyq qyzmetter ortalyǧynyŋ front-ofisıne kelıp tıkelei konsultasiia aluǧa bolady jäne bızdıŋ ortalyqta aldyn ala qyzmet körsetıledı. Ortalyq front-ofisınıŋ jūmysy Qazaqstan Respublikasy Prezidentı Äkımşılıgınıŋ ökılderı men Qazaqstan Respublikasy Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ ökılderıne baru barysynda oŋ baǧasyn aldy, – dedı T.Baltabekov.
Jyl ötken saiyn elorda halqynyŋ sany ösuımen bırge olardyŋ sūranysy da arta tüsude. Mäselen, eger 2019 jyldyŋ mausym-jeltoqsan aiynda ortalyq 3701 qyzmet körsetse, 2020 jyly – 69560 qyzmet, 2021 jyly 148586 qyzmet körsetken. Biyl jyl basynan berı 143000-nan astam adam ortalyqta qyzmet aldy.
– Qazırgı uaqytta ortalyq 144 qyzmet türın körsetedı. Onyŋ ışınde jyljymaityn mülık iesı auysqan jaǧdaida, kommunaldyq mekemelermen şart jasasu, tehnikalyq jäne bıryŋǧai tölem şartyn aluǧa sūranys köp. Osyǧan orai, bügıngı taŋda Astana qalasynyŋ äkımdıgı men «Azamattarǧa arnalǧan ükımet» memlekettık korporasiiasy» KEAQ bırlese otyryp, kommunaldyq qyzmet türın elektrondy formatqa köşırdı. Endı elordalyqtar iQala ortalyǧynyŋ keŋsesıne kelıp nemese portal arqyly jylu men auyz sudy, elektr energiiasyn tūtynu jäne tūrmystyq qatty qaldyqtardy şyǧaru qyzmetıne kelısımşart jasai alady, – dedı direktordyŋ orynbasary.
Būl rette, astanalyqtar tek 1414 nömırınen SMS habarlamaǧa jauap berıp, saualnamadan ötıp, jeke derekterın paidalanuǧa rūqsat beruı qajet. Al bes minuttan keiın barlyq qajettı kelısımderdıŋ jasalǧany turaly habarlama keledı.
Proaktivtı qyzmettıŋ negızgı mındetı – qyzmet körsetu üderısın avtomattandyru, qaǧazbastylyqtan qūtylu, sondai-aq sybailas jemqorlyqtyŋ aldyn alu.
Qazır astanalyqtar arasynda gazdandyru mäselesı özektı. Osyǧan bailanysty iQala-ǧa «QazTransGaz Aimaq» AQ-tyŋ qyzmet türlerı engızıldı. Tabiǧi gazdan bölek, ortalyq gaz jüiesımen kelısımşartqa otyru qyzmetı sifrlandyryldy. Sonymen bırge köppäterlı tūrǧyn üiler aiasynda elordanyŋ negızgı energiiamen jabdyqtauşy kompaniialarymen, atap aitsaq, «Astana qalalyq jaryq», «Smart Energy Hub» jäne «Temırjolenergo» JŞS-pen bırqatar jūmys jürgızıldı jäne bügınde olarmen portal arqyly şart jasasuǧa bolady.
– Bız elordadaǧy ūiymdarmen jūmysty jalǧastyramyz jäne portalǧa qyzmetterdı köbırek qosudy josparlap otyrmyz. Osylaişa, qala tūrǧyndarynyŋ ömır süruıne yŋǧaily jaǧdai jasaimyz. iQala portalynda jäne jūmys künderı käsıporynnyŋ front-ofisınde täulık boiy qyzmet körsetıledı. Astana qalasy äkımınıŋ tapsyrmasy boiynşa tūrǧyn üi qūrylysynyŋ qarqyn aluyna bailanysty 2023 jyly iQala qalalyq qyzmetter ortalyǧynyŋ front-ofisterı qataryn köbeitıp, olardy halyq köp şoǧyrlanǧan elordanyŋ Esıl jäne Almaty audandarynyŋ aumaǧynda da aşudy josparlap otyrmyz, – dedı T.Baltabekov.
iQala – äleumettık joba. Ol qala tūrǧyndarynyŋ, elorda bilıgı men kommunaldyq qyzmetterdıŋ özara ıs-qimylynyŋ jaŋa formatyna jol aşyp otyr.
«Astana – adaldyq alaŋy» jobasyna säikes, sybailas jemqorlyqqa qarsy ıs-qimyldyŋ jaŋa qūraldaryn engızu üşın jobalyq menedjment qoldanyldy. Joba azamattardyŋ mınez-qūlqynyŋ sybailas jemqorlyqqa qarsy modelın odan ärı damytuǧa jäne sybailas jemqorlyqtan bas tartu atmosferasyn qūruǧa baǧyttalǧan.
