Astananyŋ Triatlon saiabaǧynda 60 el sportşylarynyŋ IRONMAN saiysyna biyl älemnıŋ tükpır-tükpırınen 1200-den asa sportşy jinaldy.
Būqaralyq jarystyŋ saltanatty aşyluyna Mädeniet jäne sport ministrı Ashat Oralov, elorda äkımınıŋ orynbasary Erlan Bekmūrzaev, BI Group direktorlar keŋesınıŋ töraǧasy Aidyn Rahymbaev, «Freedom Life» kompaniiasy direktorlar keŋesınıŋ müşesı Azamat Erdesov qatysty.
«IRONMAN jarysy jyl saiyn elorda törınde ūiymdastyrylyp kele jatyr. Biylǧy jarysqa 1200 qatysuşy tırkelıp, onyŋ 400-ı şetelden kelgen. Aldaǧy uaqytta būl aituly ıs-şara jalǧasyn tabady dep senemın» dep atap öttı Mädeniet jäne sport ministrı Ashat Oralov özınıŋ qūttyqtau sözınde.
Şeteldık qatysuşylardyŋ köpşılıgı Ündıstannan keldı – 150 sportşy. Sondai-aq Ūlybritaniia, Germaniia, Polşa, Şveisariia, İtaliia, AQŞ siiaqty elderden de köptegen sport turisı keldı.
Jarystyŋ eŋ jas qatysuşysy – 18 jasta, al eŋ egdesı 76 jastaǧy Marat Baltabaev boldy.
«Triatlon saiysyna (1,9 şaqyrym jüzu, 90 şaqyrym velosipedpen jüru, 21 şaqyrym jügıru) qatysudy josparlap otyrmyn. Negızı, byltyr osy belestı baǧyndyruym kerek edı. Alaida jarys bastalmas būryn bır jıgıttıŋ gidrokostiummen jüzgen yŋǧailyraq degen keŋesın tyŋdap, alǧaş ret kiımmen jüzıp edım. Bıraq gidrokostium yŋǧaisyz bolyp, jarysty erte aiaqtauǧa mäjbür bolǧan edım. Biyl būl qatelıktı qaitalamai, jarys märesıne jetudı közdep otyrmyn» dedı özınıŋ erık-jıgerımen köpşılıkke ülgı bolyp jürgen Marat Baltabaev start syzyǧynyŋ aldynda tūryp.
Biyl jarystyŋ qaşyqtyǧy 2-ge bölındı, atap aitqanda, jartylai – 1,9 şaqyrymǧa jüzu, 90 şaqyrymdy velosipedpen ötu, 21 şaqyrymǧa jügıru. Ekınşı bölıgı – tolyq qaşyqtyq boiynşa, iaǧni 3,8 şaqyrymǧa jüzu, 180 şaqyrymdy velosipedpen ötu, 42 şaqyrymǧa jügıru.
IRONMAN jarysy biyl Astanada törtınşı ret ūiymdastyryldy. Qatysuşylar sany jyldan-jylǧa köbeiıp otyr. Jarys jeŋımpazdary men jüldegerlerı diplommen, altyn, kümıs jäne qola medalmen marapattaldy. Sondai-aq demeuşıler esebınen baǧaly syilyqtarǧa ie boldy.
