Qazaqstan janküierlerı asyǧa kütetın jarystyŋ bırı qazaq küresınen ötetın «Qazaqstan barysy» turnirı boldy. Biyl elorda törınde töselgen boz kılemde 41 baluan baǧyn synady.
Astana qalasy äkımdıgınıŋ qoldauymen, respublikalyq qazaq küresı federasiiasy ūiymdastyratyn bairaqty bäsekege qatysuşylar sany biyl köbeidı. Olai bolatyny jaŋadan aşylǧan oblystardyŋ baluandary da küreske qosyldy.
Tüste bastalǧan alapat beldesulerdıŋ aqtyq bölıgıne, ädettegıdei, tört baluan ırıktelıp şyqty. Aldymen turnirdıŋ qola jüldesı sarapqa salyndy. Būl beldesude pavlodarlyq Mūhtar Dälelhanūly jeŋıske jettı. Al aqtyq synda barlyq qarsylasyn qoǧadai japyryp kelgen jambyldyq Ǧalymjan Qyryqbai men «Äsker barysy» Nūrdäulet Jarylǧapov jolyqty. Künımen küresken baluandar būl joly bırınşı kezekte qatelık jıbermeuge tyrysty. Osylaişa aŋdysyp ötken kürestıŋ negızgı uaqyty teŋ aiaqtaldy. Al beldesu bäsekesınde Ǧalymjan Qyryqbai ailasyn asyryp kettı. Söitıp aqtaulyq baluan «Qazaqstan barysy» ataǧyn jeŋıp aldy. Al Qazaqstan Qaruly küşterınıŋ namysyn qorǧaǧan Nūrdäulet Jarylǧapov kümıs jüldege qol sozdy.
«Barystardyŋ» bäsekesın tamaşalaǧan Mädeniet jäne sport ministrı Ashat Oralov pen Astana qalasy äkımınıŋ orynbasary Eset Baiken, sonymen qatar, qazaq küresınıŋ ardagerlerı jeŋımpaz baluandardy jeŋısımen qūttyqtap, jüldenı tabys ettı.
Biylǧy jarystyŋ jalpy jülde qory 40 million teŋge boldy. Al «Qazaqstan barysy-2023» jeŋımpazy 25 million teŋge syiaqyny qanjyǧasyna bailady.
