Dostyq üiı janynda ūiymdastyrylatyn mädeni ıs-şaralardyŋ denı kärıs horynyŋ qatysuymen ötedı. 2015 jyly Oŋtüstık Koreianyŋ astanasy – Seul qalasynda ötken halyqaralyq festivalınen tabyspen oralǧan ūjymǧa 20 jylǧa juyq uaqyttan berı Läzzat Bolatqyzy Hamzina jetekşılık etıp keledı. «Chen riu» halyq hory bügınde qaladaǧy mamandandyrylǧan balalar üiı, mügedekter men egde adamdarǧa arnalǧan memlekettık mekemelerde jyl saiyn öner körsetudı dästürge ainaldyrdy.
Läzzat Hamzina 1962 jyly Qostanai oblysyna qarasty Jankeldin audanynyŋ ortalyǧy – Torǧai qalasynda düniege keldı. Äkesı Bolat Hamzaūly Qazaq KSR-ıne eŋbek sıŋırgen mädeniet qyzmetkerı, Torǧai, Qostanai öŋırıne belgılı sazger, dirijior, dombyraşy bolsa, anasy Künzipa Tölegenqyzy feldşer, Qazaq KSR-ıne eŋbek sıŋırgen medisina qyzmetkerı bolatyn. Tuǧannan estıp-körıp, tanyǧany ǧajaiyp saz älemı edı, dombyranyŋ qoŋyr kümbırı men küisandyq ünımen oianyp, sol ünmen ūiqyǧa ketetın qyz muzykany ömırıne serık ettı.
Qazaqtyŋ küi önerı, älemdık klassikalyq şyǧarmalardy tyŋdap ösken ol erekşe sezımtal, talǧampaz bolyp qalyptasty. Torǧai orys orta mektebın oidaǧydai aiaqtaǧan soŋ, mamandyq taŋdaǧanda köp oilanbastan hor dirijiorı mamandyǧyna toqtady.
Älı esınde, äkesı «hor mamany jan-jaqty intellektual boluy qajet jäne ol adamnyŋ ūiymdastyru qabıletın damytady» dep otyratyn. Mamandyq alǧan soŋ eŋbek jolyn Torǧaidaǧy özı oqyǧan balalar muzyka mektebınen bastady. Onda fortepiano, muzyka teoriiasy, solfedjio pänderınen sabaq alyp, keiın audandyq Nūrqan Ahmetbekov atyndaǧy mädeniet üiı janyndaǧy hor ūjymyna jetekşılık ettı. Odan soŋ «Ǧasyrlar pernesı» halyq ansamblınıŋ müşesı, keiın sol ansambldıŋ körkemdık jetekşısı boldy. Onyŋ qūramynda Mozambik, Siriia, İordaniia memleketterınde qazaq önerın özge elderge tanytty.
– 10 jylǧa juyq tuǧan jerıme qyzmet etıp, oblys ortalyǧy – Arqalyq qalasyndaǧy Baqytjan Baiqadamov atyndaǧy öner mektebıne şaqyrylyp, qosymşa Torǧai oblystyq filarmoniiasynyŋ «Torǧai äuenderı» folklorlyq ansamblınıŋ jetekşısı, Serke Qojamqūlov atyndaǧy oblystyq muzykalyq teatrynyŋ hormeisterı boldym. Tūrmys qūrǧan soŋ Qostanai qalasyna qonys audardyq. Joldasym – käsıbi sazger, teoretik, orkestr mamany Erbolat Qalievpen bırge Qostanai qalasyndaǧy mädeni-aǧartu uchilişesınde halyq aspaptar bölımın aşyp, sol jerde därıs oqydyq, – dedı Läzzat Bolatqyzy.
1999 jyly elordaǧa qonys audaryp, qala mektepterınde balalar horyn ūiymdastyrǧan ol 2003 jyldan bastap Qazaqstan kärısterı assosiasiiasynyŋ şaqyruymen «Chen riu» halyq horyna jetekşı bolyp taǧaiyndaldy. «Chen riu» halyq hory Astanamyzdyŋ merekelık ıs-şaralarynda, ükımettık konsertterınde öner körsetıp keledı. Hor ūjymynyŋ repertuarynda korei halyq änderı, qazaq halyq änderı, qazaq kompozitorlarynyŋ horǧa arnalǧan şyǧarmalary bar. Öz ısınıŋ bılgırı, şeber muzykant Läzzat Hamzina jetekşılık etetın osy hor ūjymy 2015 jyly Oŋtüstık Koreianyŋ astanasy – Seul qalasynda ötken halyqaralyq festivalge qatysyp, tabyspen oraldy.
Astana qalasyndaǧy Dostyq üiı janynda ūiymdastyrylatyn köptegen mädeni ıs-şaraǧa qatysuymen qatar, būl ūjym elordadaǧy mamandandyrylǧan balalar üiı, mügedekter men egde adamdarǧa arnalǧan memlekettık mekemelerde jyl saiyn öner körsetudı dästürge ainaldyrǧan.
2016 jyly ol Bolat Hamzaūly atyndaǧy qoǧamdyq qor aşyp, sol qordyŋ qūryltaişysy boldy, qor janynan aşylǧan «Turan via sound» inkliuziialyq muzyka terapiia ortalyǧynda erekşe balalarǧa än üiretu, qoǧamǧa beiımdeu jūmysyn qosa atqaryp keledı. Būl qoǧamdyq qor janynda qazaq balalar änderı antologiiasyn jinaqtap şyǧaratyn «Eldana» ortalyǧynyŋ jūmysyn da qolǧa alyp otyr.
Jetıstıkterı de jeterlık. 2013 jyly Qazaqstan Respublikasy Prezidentınıŋ alǧys hatymen, 2021 jyly Qazaqstan halqy assambleiasynyŋ alǧys hatymen marapattaldy. «Qazaqstan halqy assambleiasyna – 25 jyl» merekelık medalı men Qazaqstan kärısterı assosiasiiasy «Qūrmet»
medalınıŋ iesı.
