Astanadaǧy qalalyq ftiziopulmonologiia ortalyǧynda 1966 jyldan berı ökpe hirurgiia bölımşesı pasientterge qyzmet körsetıp keledı. Bölımşenıŋ basty mındetıne torakaldı qyzmet körsetu jatady.
Atalǧan ortalyqtyŋ A ǧimaratynyŋ 4-qabatynda ornalasqan bölımşede plevraǧa punksiia jasau, parietaldy plevranyŋ biopsiiasy bar torakoskopiia, segmenttık rezeksiialar, torakoskopiialyq segmenttık rezeksiialar, bırıktırılgen rezeksiialar, EKV, lobektomiia, torakoplastika, Boguş, Biork ädısterı boiynşa otalar, fragmentasiondy, selektivtı torakoplastika, ökpe men plevranyŋ aşyq biopsiiasy, bulla tıgu; kavernoplastika siiaqty basqa da san aluan ota türlerı jasalady. Ataluy qiyn ärı tüsınıksız, bıraq adam densaulyǧy üşın öte maŋyzdy aǧza – ökpemen bailanysty jasalatyn ota jūmysyn bılıktı därıgerler atqarady.
Bölımşe meŋgeruşısı Qarjaubai Äskerovtıŋ qaramaǧynda 3 hirurg, 11 medbike, 11 palata tazalyqşysy eŋbek etedı. Olar aiyna 15-20 ota jasap, ortalyqtyŋ bölımşesınde jatyp emdeletın nauqastardyŋ odan ärı kütımı men babyna da jauapty bolady.
– Byltyr bölımşede keude quysyna 234 ota jasaldy. Būl – ota türlerınıŋ ışınde eŋ köbı. Qandai auyr türı bolmasyn otalardy oidaǧydai jasauǧa mamandardyŋ bılımı men täjıribesı jetedı. Özımnıŋ būl salada jürgenıme 28 jyldan asty. Al hirurg mamandarynyŋ eŋbek ötılı 8-13 jyldy qūraidy. Bärı de – joǧary jäne bırınşı sanattaǧy maman därıgerler. Bölımşemız zamanaui medisinalyq qūral-jabdyqtarmen tolyǧymen qamtamasyz etılgen. Mamandar da jetkılıktı, olar ünemı bılıktılıgın artyryp otyrady, – deidı bölımşe meŋgeruşısı.
Ortalyqtyŋ hirurgiia bölımşesıne tek elordalyq ǧana emes, özge öŋırlerden de nauqastar kelıp, ota jasatady. Mäselen, köbıne Şyǧys jäne Soltüstık Qazaqstan oblystary, sonymen qatar Qazaqstannyŋ basqa da öŋırlerınen kelıp jatady.
Bölımşede 18 jastan joǧary nauqastarǧa qyzmet körsetıledı. Jalpy bölımşenıŋ basty erekşelıgı – ökpedegı barlyq özgerısterge qatysty otalardy jasau, iaǧni joǧaryda aitylǧandai, bırneşe türlı otalardy jasau sonymen qatar operasiialyq materialdy bırden bakteriologiialyq, gistologiialyq tekserulerge jıberıp, diagnozdy az uaqyt ışınde anyqtau jäne emdı der kezınde bastauǧa qol jetkızu. Būl tek ökpe hirurgiia bölımınıŋ jūmysy, ortalyqta odan bölek, ökpeden tys hirurgiialyq bölımşe de bar.
