Astana qalasy äkımdıgınıŋ Servis jäne turizm kolledjınde 1 mamyr – Qazaqstan halyqtarynyŋ bırlıgı künıne arnalǧan «Tatulyq – tynyştyqtyŋ tıregı» ūlttar festivalı öttı. Is-şara studentterdı elın, jerın süiuge, bırlık pen yntymaqtastyqqa bauluǧa, özge ūlt ökılderıne qūrmetpen qarauǧa, ūlttyq qūndylyqtarymyzdy maqtan etuge tärbieleu maqsatynda ūiymdastyryldy. Jiynǧa Astana qalalyq Bılım basqarmasy men Korei mädeni ortalyǧynyŋ ökılderı, äleumettık serıktester qatysty.
Atalǧan oqu ornynyŋ bır erekşelıgı – mūnda 29 ūlttyŋ ökılınen studentter bılım alyp jatqandyǧy. Festival barysynda sol studentter bırneşe ūlt ökılderıne bölınıp, bırınşı bölımınde olardyŋ tynys-tırşılıgı, mädenietımen, önerımen tanystyrdy. Ekınşı bölımınde ūlttyq taǧamdar järmeŋkesın ūiymdastyrdy. Saltanatty jiynda Astana qalalyq Bılım basqarmasynyŋ käsıptık jäne tehnikalyq bılım bölımınıŋ basşysy Aqmaral Rahmetollaqyzy men kolledj direktory Saltanat Basyǧaraeva söz söilep, jastardy merekemen qūttyqtady.
– Studentter Qazaqstandy köbırek mekendegen 13 ūlt ökılınıŋ kiımın kiıp, taǧamdaryn daiyndady jäne solardyŋ önerın körsettı. Jalpy kolledjde 1546 bala tamaqtandyrudy ūiymdastyru, turizm, qonaqüi şaruaşylyǧy biznesı, avtomobil kölıkterıne tehnikalyq qyzmet körsetu, jöndeu jäne paidalanu mamandyqtary boiynşa tegın oqidy. Solardyŋ ışınde 29 ūlttyŋ ökılderı bar. Olardyŋ qatarynda öte sirek kezdesetın tabasaran, noǧai, grek, kürt, rumyn, chuvaş, lezgin siiaqty ūlttar kezdesedı. Osy balalardyŋ bärıne ūltyna, dınıne, tılıne qaramai bılım berıp, mamandar etıp tärbielep jatyrmyz. Mūnyŋ bärı elımızdegı etnosaralyq yntymaqtastyqty saqtaudaǧy memlekettık saiasattyŋ jemısı, – deidı kolledj direktorynyŋ tärbie ısı jönındegı orynbasary Dinara Äbeldinova.
Oqu ornynyŋ studentterınen qūralǧan «Ükılı» bi ansamblı «Şaşu» ūlttyq biın oryndap, «Äjeler» ansamblı qazaq halyq änderınen popurri aityp, şaşu şaşyp, keştıŋ basyn bastap berdı. Korei mädeni ortalyǧynyŋ bılım bölımınıŋ qyzmetkerı Dji Ioŋ qūttyqtau sözınde bolaşaqta osy kolledjpen bırlese jobalar jüzege asyruǧa niettı ekenın jetkızdı. Merekelık festivalde oqu ornynyŋ studentterı orystyŋ halyq änderı, özbektıŋ, Kavkaz halyqtarynyŋ, äzerbaijan, kärıs, armian, ūiǧyr, gruzin, türık, qazaq elderınıŋ ūlttyq bilerın bilep, önerımen köpşılıktı täntı ettı. Soŋynda barlyq qatysuşy ūlttar ökılderı Alǧys hattarmen marapattaldy.
