Elordada mümkındıgı şekteulı jandarǧa arnalǧan 22 myŋ äleumettık infraqūrylym nysandaryn beiımdeu boiynşa «Kedergısız keleşek» partiialyq jobasy jüzege asyryluda.
Nur Otan partiiasynyŋ «Özgerıs joly: ärkımge laiyqty ömır!» sailaualdy baǧdarlamasy aiasynda elordada erekşe qajettılıkterı bar adamdar üşın infraqūrylymdy jaqsartu, sonyŋ ışınde pandustarmen, beiımdelgen liftılermen, därethanalarmen, zaǧip jandarǧa arnalǧan baǧyttauşy belgılermen qamtamasyz etu boiynşa auqymdy jūmys jürgızılude.
Bügınde elordada erekşe qajettılıkterı bar 30 myŋǧa juyq adam tūrady, olardyŋ 7 myŋnan astamy – 18 jasqa deiıngı balalar. Olar üşın qalada bırqatar qoldau jäne jan-jaqty kömek körsetu şaralary qarastyrylǧan. Sonymen qatar, olar üşın kedergısız orta qūru boiynşa tūraqty jūmys jürgızılude.
Mäselen, 2021 jyly 260-qa juyq densaulyq saqtau, bılım beru, mädeniet, sport, şaǧyn jäne orta biznes nysany, memlekettık mekeme, HQKO, Qazpoşta filialdary, äuejai jäne vokzal mümkındıgı şekteulı jandarǧa yŋǧaily bolu üşın barlyq qajettı zattarmen tolyq jabdyqtaudy josparlap otyr. Olardyŋ 157-sı beiımdelse, taǧy 102 – sı ışınara, būl nysandardyŋ menşık ielerı eskertulerdı joiu boiynşa jūmystar jürgızude.
Sonymen qatar, audan äkımdıkterınıŋ jūmys toptary pasporttau men beiımdeuge jatatyn äleumettık maŋyzy bar nysandardyŋ tızımın jasady. Bügınde 259 nysan pasporttaldy.
Qalanyŋ pasporttalǧan jäne beiımdelgen obektılerı turaly barlyq aqparat «Mügedek adamdardy äleumettık qorǧau» aqparattyq portalynda «Qoljetımdılıktıŋ interaktivtı kartasy» (inva.gov.kz) bölımınde jariialanatynyn atap ötu qajet.
Bügıngı taŋda Nūr-Sūltan qalasynda 6 oŋaltu jäne äleumettık ortalyq jūmys ısteidı, olar ömırlık qiyn jaǧdaiǧa tap bolǧan adamdarǧa, zeinetkerlerge, mümkındıgı şekteulı adamdarǧa kömek körsetedı.
Mysaly, ömırde qiyn jaǧdaiǧa tap bolǧan adamdardy qaita äleumettendıru ortalyǧy 20 jylǧa juyq jūmys ıstep keledı. Bügınde ortalyqtan 80-nen astam adam kömek pen qoldau alady.
Mekemenıŋ kündızgı bölımı 180 tösek-orynǧa, tüngı bölımı 50 tösek-orynǧa eseptelgen. Ortalyqta äleumettık-tūrmystyq, zaŋgerlık, psihologiialyq, ekonomikalyq, mädeni-eŋbek qyzmetterı körsetıledı. Sondai-aq mamandar qūjattardy qalpyna keltıruge, qarttar üiıne jäne mügedektıkke räsımdeuge kömektesedı. Qyzmet aluşylar ortalyqta 1 aidan 1 jylǧa deiın bola alady.
Köktal tūrǧyn alabynda «Şarapat» äleumettık qyzmet körsetu ortalyǧy mügedek jandardyŋ jäne zeinetkerlık jasqa tolǧan, öz betınşe qyzmet körsete almaityn jäne densaulyq jaǧdaiy boiynşa kömekke mūqtaj adamdardyŋ stasionar jaǧdaiynda täulık boiy tūraqty nemese uaqytşa tūruyna arnalǧan. Ortalyq mamandary sondai-aq mügedek balalarǧa üide kütım körsetu jaǧdaiynda jäne özıne-özı qyzmet körsetu qabıletın ışınara joǧaltqan jäne bögde adamnyŋ qoldauyna mūqtaj qart azamattarǧa kömek körsetedı.
«Nūrly jürek» äleumettık qyzmet körsetu ortalyǧynda psihonevrologiialyq patologiiasy bar 3 jastan 18 jasqa deiıngı erekşe balalar tūrady, olarǧa densaulyq jaǧdaiy boiynşa täulık boiy kütım men medisinalyq qyzmet qajet.
Sondai-aq elordada tūrmystyq zorlyq-zombylyqqa ūşyraǧan äielderge arnauly äleumettık qyzmet körsetetın «Ümıt» daǧdarys ortalyǧy jūmys ısteidı.
«Qamqor» äleumettık qyzmet körsetu ortalyǧy psihonevrologiialyq aurulardan zardap şegetın, kütımge, tūrmystyq jäne medisinalyq qyzmet körsetuge mūqtaj 18 jastan asqan adamdardyŋ täulık boiy jäne tūraqty tūruyna arnalǧan.
Azamattarǧa jan-jaqty kömektı «Janūia» otbasy institutynyŋ ortalyǧy men elordanyŋ Halyqty jūmyspen qamtu ortalyǧy ūsynady. Mūnda kez kelgen adam zaŋgerlık, psihologiialyq keŋes ala alady, biznes salasyn meŋgerudı üirenedı, «bır tereze» qaǧidaty boiynşa Memlekettık qyzmetterdı alady, jūmysqa ornalasady jäne taǧy basqalar.
Elordada erekşe qajettılıkterı bar azamattar bırqatar oŋaltu qyzmetterımen qamtamasyz etılgen.
Jeke oŋaltu baǧdarlamasyna säikes 2021 jyly oŋaltu qyzmetterımen 21 myŋnan astam adam qamtyldy.
Sondai-aq erekşe qajettılıkterı bar adamdar «İnvataksi» qyzmetın paidalana alady, onda bügınde arbamen jürgenderge, közı körmeitın adamdarǧa jäne mümkındıgı şekteulı balalarǧa arnalǧan arnaiy jabdyqtalǧan 50 avtomaşina jūmys ısteidı.
Osy jyldyŋ basynan bastap tasymaldaumen 1 869 adam qamtyldy, onyŋ ışınde 803 bala.
Sonymen qatar, osy sanattaǧy adamdarǧa qalalyq jolauşylar kölıgı marşruttarynda tegın jol jüru, ekı jylda bır ret tıs protezdeu qyzmetterı ūsynylady.
Elordada mümkındıgı şekteulı jandar üşın bılıktı qyzmetkerlerı bar ekı zamanaui sport keşenı bar.
Onyŋ bırınşısı – Aqşoqy köşesı, 2 mekenjaiynda ornalasqan paralimpiadalyq jattyǧu ortalyǧy. Ortalyq mügedek jandarǧa tolyqtai beiımdelgen. Işınde jattyǧu zaly, jekpe-jek zaly jäne köpfunksionaldy oiyn zaly bar. Olar parapauerlifting, paradziudo, parataekvondo, üstel tennisı, ūlttyq sport türlerı, otyryp voleibol oinau, golbol, bochcha, arbamen bileu siiaqty sport türlerımen ainalysuǧa mümkındık beredı.
Ekınşı nysan – «Tarlan» mūz arenasy (Tūran daŋǧyly, 5/1). Mūnda qalalyq hokkei jäne sledj-hokkei komandalary ainalysady, mümkındıgı şekteulı adamdar, olardyŋ tuystary men dostary üşın jappai syrǧanau ötkızıledı.
