Nūr-Sūltan qalasynyŋ äkımı Altai Kölgınov praimerizdıŋ qoǧam üşın maŋyzyn aita kelıp, mügedekter problemasyn qozǧaǧan Ardaq Otorbaevtyŋ baǧdarlamasy ūnaǧanyn jetkızdı. Būl turaly äkım Instagram paraqşasynda mälım ettı. 
«Praimeriz qalanyŋ damuy men qala tūrǧyndarynyŋ ömırın jaqsartudaǧy jaŋa tūlǧalardy, ideialar men közqarastardy anyqtauǧa mümkındık berdı. Qatysuşylardyŋ ūsynystarynda egjei-tegjeilı jazylǧan maŋyzdy baǧyttardyŋ bırı erekşe qajettılıgı bar adamdar üşın jaǧdai jasau men jaqsartu köterılgen bolatyn» deidı qala äkımı.
Altai Kölgınov öz sözınde mügedekter qoǧamdyq bırlestıgın basqaratyn qatysuşy Ardaq Otorbaevtyŋ baǧdarlamasy ūnaǧanyn erekşe atap öttı.
«Ardaq mümkındıgı şekteulı adamdardyŋ qandai qiyndyqtarǧa tap bolatynyn jaqsy bıledı. Kem degende, sol pandustardy alyŋyz — olar, ruhy myqty adamdar kün saiyn qiyndyqtarǧa kezıgedı. Qalada ne jaqsartu kerektıgın olardan artyq eşkım bılmeidı» dep jazady äkım.
Sözın jalǧai otyryp, Ardaq Otorbaevqa äkımdıkten jaŋa qyzmet ūsynǧanyn mälım ettı.
«Barlyq mäselenı bırge qarastyryp, şeşımın tabu üşın Ardaqty keŋesşı lauazymyna şaqyrdym. Qosymşa bılım alu men jūmysqa ornalastyru, sondai-aq bızdıŋ oŋaltu ortalyqtarymyzda emdeu ädısterın taŋdau siiaqty jaǧdailardy jasau boiynşa bırlesıp jūmys ısteimız. Ortalyqtar jelısın ūlǧaittyq, jaŋa üilerdıŋ bırınşı qabattarynda äleumettık nysandar aştyq, oŋaltu ortalyqtaryn saldyq. İnvataksi sanyn ekı ese ūlǧaittyq, bıraq būl şaralar jetkılıksız. Erekşe qajettılıgı bar adamdarǧa kedergısız orta qūru üşın osy baǧytta odan ärı jūmys ısteimız» deidı Altai Kölgınov.
