Balkon men bölmenı qosu zaŋdy ma?
Jaŋadan alǧan baspanaŋyzdyŋ ışkı jobasy yŋǧaisyzdyq tudyryp, üiıŋızdıŋ ışın taryltyp tūr ma? Ädette, mūndai şaqta köpşılık balkondy törgı bölmege nemese asüige qosqandy jön köredı. Al būl qanşalyqty zaŋdy? Būl oidy jüzege asyru üşın ne ısteu kerek?
Eŋ maŋyzdysy!
1-qadam. Balkon men bölmenıŋ özgeretın tūsyna eskizdelgen jobadaǧy nūsqasyn äzırleu. Būl jobany arnaiy lisenziiasy bar mamandar ǧana daiyndaidy.
2-qadam. Astana qalasy Säulet, qala qūrylysy jäne jer qatynastary basqarmasynyŋ rūqsatyn alu. Rūqsat berılmei tūryp, balkon men bölmenı bırıktıruge bolmaidy. Ötınıştı HQO-ǧa nemese basqarmanyŋ özıne baryp jazuǧa bolady.
3-qadam. Päter audanynyŋ özgergenı turaly qorytyndymen bırge päterge tehnikalyq tölqūjatqa naqty qaita josparlaumen tapsyrys beru.
4-qadam. Päterdı qoldanysqa engızu üşın akt alu qajet. Būl da Astana qalasy Säulet, qala qūrylysy jäne jer qatynastary basqarmasy arqyly jüzege asady.
5-qadam. Tehnikalyq sipattamalardyŋ özgerısterı turaly aktını Ädılet departamentıne tırkeu qajet.
Mynadai qūjattar qajet:
ötınış; jeke kuälık; tehnikalyq jobalau; engızıletın özgerıstıŋ eskizdı jobasy; jyljymaityn mülıktı ielenuge qūqyq belgıleitın qūjattar; eger bölme men balkondy bırıktıru maŋaiyndaǧy körşılerge äser eter bolsa, olardyŋ notarialdy kelısımı.
Baspaldaq astyndaǧy qoima
Päterıŋızde artyq zattar qoiatyn oryn joq pa? Alaida podezd ışındegı baspaldaqtyŋ asty bos, sony qoima retınde paidalanǧyŋyz kele me? Ol üşın ne ısteu kerek?
Maŋyzdy mälımet:
* «Tūrǧyn üi qatynastary turaly zaŋ» boiynşa köpqabatty tūrǧyn üidegı şatyrdyŋ, baspaldaqtyŋ astyŋǧy bölıgı, lift, podezd, jertöle sekıldı oryndar sol üide tūratyn jandarǧa ortaq oryn, iaǧni jekemenşık bolyp eseptelmeidı.
* Tūrǧyndardyŋ bırı qoima retınde baspaldaqtyŋ, şatyrdyŋ astyn, jertölenı paidalanǧysy kelse, sol podezde tūratyn üi ielerınıŋ kemınde 2/3 kelısımın alu nemese kondominium obektısın basqaru organynyŋ şeşımımen paidalanu şart etıledı.
* Osydan keiın Astana qalasy Säulet, qala qūrylysy jäne jer qatynastary basqarmasynyŋ rūqsatyn alu şart. Rūqsat berılgennen keiın qauıpsızdık maqsatynda qoima ışıne ört signalizasiiasyn jäne tütındı syrtqa şyǧaratyn qūrylǧy ornatu şart etıledı.
Qajet qūjattar tızımı:
PİK-ke ötınış; jeke kuälık; tūrǧyndardyŋ notarialdanǧan kelısımı; Astana qalasy Säulet, qala qūrylysy jäne jer qatynastary basqarmasynyŋ rūqsaty. Mıne, osy şarttar tolyǧymen atqarylǧannan keiın būl zaŋdy qoima retınde esepteledı.
ESTE ŪSTAU QAJET!
* Balkon men bölme arasyn bırıktırmes būryn tıreuışterı, qabyrǧalary ǧimarattyŋ maŋyzdy bölıkterı emestıgıne köz jetkızu kerek.
* Tūrǧyn üidegı jalpy jylu jüiesıne ziian keltırmes üşın jylu batareiasyn balkonǧa ornatuǧa bolmaidy. Balkon jylumen qamtamasyz etılmeitın tūsy bolǧandyqtan, jylu energiiasy būl orynǧa eseptelmegen.
* Qūrylys normalary men erejelerıne bailanysty balkon apattyq jaǧdaidaǧy qosymşa esık bolyp esepteledı. Al 5-qabattan, iaǧni 15 metrden joǧary qabattaǧylary evakuasiialyq şyǧu közı bolyp sanalady. Sondyqtan, mıne, osy qabattaǧy päter ielerı balkondy ışkı bölmemen bırıktıruıne bolmaidy.
* Arhitektor, injener sekıldı mamandardyŋ kömegınsız balkon men bölme arasyn bırıktıruge bolmaidy. Mamandar aldymen zertteu jürgızıp, qabyrǧanyŋ maŋyzdylyǧyn anyqtaidy. Kerı jaǧdaida ǧimaratta jaryqşaq paida boluy, tıpten opyrylyp, adam ömırıne qauıp tudyruy mümkın.
* Balkon aumaǧyn jylytu üşın jylytylǧan eden jüiesın, qosymşa elektr jabdyǧyn paidalanǧan jön.
Bos jūmys oryndary
Jüielık äkımşı – 1 adam (jalaqysy – 80 myŋ tg) «Otel Kaspii Astana» JŞS
Avtomobildı kran maşinisı – 1 adam (jalaqysy – 140 myŋ tg) «Bazis Construction» JŞS Astana qalasyndaǧy filialy
Baǧyttyq avtobus jürgızuşısı – 10 adam (jalaqysy – 250 myŋ tg) №8 avtobus parkı
Tamaq önımderın tieuşı-tüsıruşı – 1 adam (jalaqysy – 70 myŋ tg-den 90 myŋ tg-ge deiın) «Sesna-Astyq» konsernı
Qauıpsızdık tehnikasy boiynşa injener – 1 adam (jalaqysy – 130 myŋ tg) «AIE Logistics» JŞS
Baǧdarlamalyq jasaqtamany äzırleuşı – 1 adam (jalaqysy – 174 myŋ tg) «Fortebank» AQ
Äue qozǧalysynyŋ koordinatory – 1 adam (jalaqysy – 220 myŋ tg) «Qazaeronavigasiia» RMK
Bankomattar mehanigı – 1 adam (jalaqysy – 312 myŋ tg) «Fortebank» AQ
Bölşek biznes baǧytynyŋ jetekşı sarapşysy – 1 adam (jalaqysy – 243 myŋ tg) «Fortebank» AQ
Bölşek biznes baǧytynyŋ bas menedjerı – 1 adam (jalaqysy – 138 myŋ tg) «Fortebank» AQ
Operasiialyq qyzmetterdı qoldau jönındegı bas menedjer – 1 adam (jalaqysy – 105 myŋ tg) «Fortebank» AQ
Jabdyqtardy jinaqtau jönındegı injener – 1 adam (jalaqysy – 55 myŋ tg) №32 mektep-gimnaziia
Şet tılı mūǧalımı – 1 adam (jalaqysy – 50 myŋ tg) №32 mektep-gimnaziia
Şaştaraz önerı jäne dekorativtı kosmetika oqytuşysy – 1 adam (jalaqysy – 100 myŋ tg)
Astana menedjment jäne biznes kolledjı
Arnaiy psihopedagogika mamandyǧy boiynşa psiholog – 1 adam (jalaqysy – 90 myŋ tg)
Astana menedjment jäne biznes kolledjı
Üi-jailardy jinap-tazalauşy – 6 adam (jalaqysy – 90 myŋ tg) «GLB» JŞS
Tärbie ısı jönındegı tälımger – 1 adam (jalaqysy – 80 myŋ tg) №82 «Daryn» mamandandyrylǧan liseiı
