– Menıŋ ömırımde Elbasymyz Nūrsūltan Äbışūlymen ötken kezdesuler erekşe este qaldy. Ülken belesterdı baǧyndyryp, elımız üşın aianbai eŋbek etuge jıger berdı.
Alǧaş ret maǧan Qazaqstan Respublikasynyŋ Tūŋǧyş Prezidentın köru baqyty Qazaqstan halqy assambleiasynyŋ 2009 jyly ötken «Ūlttyq bırlık – bızdıŋ strategiialyq taŋdauymyz» atty 15-sessiiasynda būiyrdy. Ol kezde men elordalyq özbek etnomädeni ortalyǧy töraǧasynyŋ orynbasary lauazymynda qyzmet etıp jürdım. Sessiianyŋ barlyq qatysuşylary sekıldı Qazaqstan Prezidentın osyndai joǧary deŋgeidegı ıs-şarada körıp, tälımı men keŋesterın tyŋdap, özımdı Qazaqstan halqynyŋ bırlıgı men kelısımınıŋ qajettı qūramdas bölıgı retınde sezındım.
Sessiia soŋynda Tūŋǧyş Prezidenttıŋ sözın tyŋdai otyryp, zor şabyt alyp, yntalandym. Däl sol kezde men eldegı beibıtşılık, kelısım jäne tūraqtylyq saiasatyn ıske asyruǧa jan-jaqty öz ülesımdı qosyp, kömek körsetuım kerek dep şeşım qabyldadym. Menıŋ aldymda tūrǧan eŋ bırınşı mındet elordalyq özbek etnomädeni ortalyǧynyŋ qyzmetın jaqsartyp, ony tiıstı deŋgeige jetkızu boldy.
Būdan keiın de Elbasymen Qazaqstan halqy assambleiasynyŋ ökılderı qatysqan türlı alaŋdarda, Nauryz merekesı, Qazaqstan halqynyŋ bırlıgı künı, sondai-aq QHA-nyŋ jyl saiynǧy sessiialarynda bırneşe ret kezdesu būiyrdy.
2014 jyly Qazaqstan halqynyŋ bırlıgı künın toilau kezınde elorda äkımdıgı salǧan etnoauylda etnostyq ǧimarat üilerı aldynda dastarhanymyzdy jaiyp, Tūŋǧyş Prezidenttı qarsy aldyq. Nūrsūltan Äbışūly bızge jaqyndaǧanda, qoşemet körsetıp, aqsaqaldarymyz onyŋ dana saiasaty üşın ülken alǧystaryn bıldırdı. Elbasymyzǧa altyn jıppen kestelengen han şapanyn syiǧa tartudy jäne şyǧys bileuşılerınıŋ (sallia) bas kiımın tapsyrudy ötındı. Ülkenderdıŋ būl rizaşylyǧyna Elbasy qatty quandy. Bızge alǧysyn bıldırıp: «Al endı men sūltanǧa ūqsadym ba?» dep äzılmen jauap berdı.
Dästür boiynşa elordadaǧy barlyq ülken ıs-şaralar özbek palauynsyz ötpeidı. Ülken qazandarda osy ūlttyq taǧamdy daiyndap, elorda tūrǧyndary men qonaqtaryna däm ūsynamyz. 2014 jyly Bırlık künın toilau kezınde taǧy da palau daiyndadyq. Bızdıŋ auylymyzǧa Tūŋǧyş Prezident kelıp, üsteldıŋ ortasynda tūrǧan özbek şelpegı men palauynyŋ dämın tatqannan keiın ortalyǧymyzǧa keluşıler sany kürt artty. Elbasy kelgende bız azdap abdyrap, asqa qajettı qūraldardy ūsyna bastadyq, bıraq ol: «Bızdıŋ ata-babalarymyz ärqaşan qolymen tamaqtanǧan jäne sol dästürlerdı ūmytpauymyz kerek» dep, öz qolymen özbek şelpegın syndyryp, bızdıŋ palauymyzdyŋ dämın tatty. Bız üşın būl sät ömır boiy jadymyzda qaldy.
Maǧan Elbasymen türlı ıs-şaralarda, sonyŋ ışınde dıni sipattaǧy kezdesulerde jolyǧuǧa mümkındık bergen taǧdyr üşın Allaǧa şeksız alǧys aitamyn. Nūrsūltan Äbışūly jyl saiyn qasiettı Ramazan aiynda oraza ūstaǧan jandardy auyzaşarǧa şaqyrady.
Osy joldaǧy etken eŋbegım men Otanǧa degen süiıspenşılıgım nazardan tys qalǧan joq. 2019 jyldan bastap men Nūrsūltan Äbışūlynyŋ assambleiadaǧy qoǧamdyq orynbasary lauazymynda öz ülesımdı qosyp kelemın. Elımızdegı beibıtşılık pen kelısım ideiasyn jüzege asyruda ülken küş-jıgerımdı jūmsap, kömegımnıŋ tiıp jürgenıne quanyştymyn. Men üşın Elbasymen serıktes, joldas jäne pıkırles bolu – ülken abyroi jäne jauapkerşılık. Öitkenı ol kısınıŋ barlyq oilary men tılekterı ärqaşan halyq pen el qamqorlyǧyna baǧyttalǧan. Elbasynyŋ sözınen halqymyzdyŋ bolaşaǧyna şynaiy alaŋdauşylyq pen niettestık ärqaşan baiqalady.
Nūrsūltan Äbışūly Qazaqstannyŋ barlyq etnostaryn bır şaŋyraq astyna bırıktırude köp jūmys atqardy. Sonyŋ arqasynda bız tatu, yntymaqtastyqta ömır sürudemız. Bızdıŋ endıgı mındetımız – beibıtşılık pen kelısımdı ūzaǧynan saqtau üşın qolymyzdan kelgennıŋ bärın jasau. Būl – dästürdı bolaşaq ūrpaqqa tabystau.
Şerzod PULATOV,
Qazaqstan halqy assambleiasy müşesı,
Nūr-Sūltan qalasy özbek
etnomädeni ortalyǧynyŋ töraǧasy
