Elordadaǧy kinoteatrlar tekserıldı. Sanitarlyq-epidemiologiialyq baqylau basqarmasy «Han-Şatyr» jäne «Keruen» sauda oiyn-sauyq ortalyqtaryndaǧy kinoteatrlarǧa bas sūǧyp, sanitarlyq talaptardyŋ qanşalyqty saqtalatynyn anyqtady.
«Jalpy, nätijeler qanaǧattanarlyq. Araqaşyqtyq belgılerın jaŋartu, sondai-aq kinoteatrlardan şyqqan kezde äleumettık araqaşyqtyqty saqtau turaly bırqatar eskertpeler aityldy. Osy eskertulerdı tüzetkennen keiın kinoteatrlar öz jūmysyn jalǧastyra alady» dedı Nūr-Sūltan qalasynyŋ investisiialar jäne käsıpkerlıktı damytu basqarmasynyŋ sauda jäne servistık qyzmettı damytu bölımınıŋ basşysy Ruslan Ydyrysov.
Elordadaǧy kinoteatrlar 26 jeltoqsannan bastap jūmysyn qaita bastady. Oryndar sanyn 30 paiyzdan asyrmai, körermenderdı ekı oryn saiyn jäne qatar boiynşa şahmat tärtıbımen otyrǧyzu arqyly küşeitılgen sanitarlyq-epidemiologiialyq talaptardy saqtai otyryp jūmys ısteude. Jūmys, demalys jäne mereke künderındegı jūmys uaqyty – 10:00-den 24:00-ge deiın, aksiialar ötkızılmeidı. Karantin jäne şekteu şaralaryn būzu faktılerı anyqtalǧan jaǧdaida kinoteatrlardyŋ jūmysy toqtatylady.