Bas memlekettık sanitar därıger Erlan Qiiasovtyŋ Qazaqstan Respublikasy Parlamentı Mäjılısı jäne mäslihattary deputattarynyŋ sailauynda dauys berudı ūiymdastyru jäne ötkızu kezınde COVID-19 koronavirustyq infeksiiasynyŋ taraluynyŋ aldyn alu jönındegı şaralar turaly qaulysy şyqty.
«Halyq densaulyǧy jäne densaulyq saqtau jüiesı turaly» Qazaqstan Respublikasynyŋ 2020 jylǧy 7 şıldedegı Kodeksınıŋ 104-babynyŋ 1-tarmaǧyna säikes, Qazaqstan Respublikasy Parlamentı Mäjılısı jäne mäslihattary deputattarynyŋ sailauynda dauys berudı ūiymdastyru jäne ötkızu kezınde halyq arasynda COVID-19 koronavirustyq infeksiiasynyŋ taraluynyŋ aldyn alu, azamattardyŋ ömırı men densaulyǧyn qorǧau maqsatynda QAULY ETEMIN: Qazaqstan Respublikasy Parlamentı Mäjılısı jäne mäslihattary deputattarynyŋ sailauynda dauys berudı ūiymdastyru jäne ötkızu kezınde COVID-19 koronavirustyq infeksiiasynyŋ taraluynyŋ aldyn alu jönındegı qosa berılgen algoritm bekıtılsın» delıngen qūjatta.
Sonymen qatar oblystardyŋ, Nūr-Cūltan, Almaty jäne Şymkent qalalarynyŋ äkımdıkterı: epidemiologiialyq jaǧdaidy baǧalau matrisasyna säikes 2020 jylǧy 25 jeltoqsannan bastap 2021 jylǧy 5 qaŋtarǧa deiın künıne deiıngı kezeŋde täuekelı joǧary jäne ortaşa aimaqtarda «qyzyl» jäne «sary aimaqtarda» bolatyn öŋırlerde sailau komissiialarynyŋ müşelerın, senım bıldırılgen adamdardy, baiqauşylardy PTR ädısımen COVID-19-ǧa testıleudı (būdan ärı – PTR-testıleu) ūiymdastyrudy jäne ötkızudı qamtamasyz etedı. Eldı mekender bölınısınde PTR-testıleuge jatatyn adamdardyŋ tızımderın jasaidy jäne «Respublikalyq elektrondyq densaulyq saqtau ortalyǧy», «Äleumettık medisinalyq saqtandyru qory» filialdaryna jäne QR DSM Sanitariialyq-epidemiologiialyq baqylau komitetınıŋ aumaqtyq departamentterıne ūsynady. Sailau prosesıne barlyq qatysuşylar: 1) bır ret qoldanylatyn medisinalyq nemese qorǧanyş maskalaryn (būdan ärı – maskalar) taǧu rejimın saqtauy; 2) qoldy dezinfeksiialau üşın antiseptikalyq qūraldardy paidalanuy; 3) adamdar arasynda bır-bırınen kemınde 1,5-2 metr äleumettık qaşyqtyqty saqtauy; 4) qol alysudy ne tıkelei bailanystyŋ basqa da türlerın boldyrmauy qajet.