Aldaǧy sailauǧa qoǧamdyq monitoring jürgızu aiasynda Nūr-Sūltandaǧy sailaudy beipartiialyq baiqau ortalyǧynyŋ ökılderı halyqaralyq baiqauşy, TMD missiiasy ştabynyŋ basşysy Evgenii Koziakpen bırlesıp, sailau uchaskelerın aralady.
«21 jeltoqsannan bastap bız Qazaqstanǧa keludegı basty missiiamyzǧa kırıstık. Ortalyq ştabymyz elordada ornalasqan. Qazır öŋırlerdıŋ sailauǧa daiyndyq jūmystarymen tanysudamyz. Bügın Nūr-Sūltandaǧy bırqatar sailau uchaskelerıne baru mümkındıgı tudy. Dauys beru bölmesınde qajettı närsenıŋ bärı bar. Sailauşylardyŋ, senımdı tūlǧalar men baiqauşylardyŋ qauıpsızdıgı men qorǧaluy üşın qabyldanǧan epidemiiaǧa qarsy şaralarǧa nazar audarudamyz. Kabinada perdeler bolmaidy, degenmen jasyryn dauys beru ädısı saqtalady. Menıŋşe, qauıpsızdık tolyǧymen qamtylǧan. Bız dauys beruge qatysatyn barlyq saiasi partiialardyŋ sailau ştabtarymen kezdesu ötkızdık» dedı Evgenii Koziak.
Onyŋ aituynşa, sailauǧa 20-ǧa juyq diplomatiialyq korpus ökılderı ūzaq merzımdı baiqauşy retınde tartylǧan. Sailau künı baiqauşylardyŋ negızgı bölıgı keledı. Qazır TMD Missiiasy ştabynyŋ 200-den astam baiqauşysy Ortalyq sailau komissiiasynda akkredittelgen. Nūr-Sūltan boiynşa 240 sailau uchaskesınde 500 baiqauşy sailau barysyn baqylamaq. «Bız barlyq uchaskelerdı qamtyp otyrmyz. Barlyq baiqauşylarymyz Baiqauşy tärtıbı turaly Kodekspen tanysty. Bızde arnaiy jedel jelı bar. Äzırge elorda boiynşa ötınışter tüsken joq, öŋırlerden keibır uchaskelerde mäjbürlep dauys beru faktılerı turaly şaǧymdar tüstı. Ştab mūndai jaǧdailarǧa barynşa jauap beredı. Beipartiialyq baiqau ortalyǧynan ärbır uchaskede ekı baqylauşy bolady» dep tüsındırdı Beipartiialyq baiqau ortalyǧynyŋ qalalyq ştab basşysy Tölegen Künädılov.
