Astana qalasy ortalyqtandyrylǧan kıtaphanalar jüiesıne qarasty bes kıtaphananyŋ bazasynda qoǧamdyq-mädeni ortalyqtar tegın jūmys ısteidı. Sonda aşylǧan üiırmeler men klubtardyŋ negızgı mındetterı – balalar men eresekterdıŋ bos uaqytyn tiımdı ūiymdastyru, jeke tūlǧany jan-jaqty damytu, aqparattyq mädeniettı qalyptastyru.
Kün saiyn №15 köpşılık kıtaphanada aǧylşyn tılı, artterapiia, şahmat jäne toǧyzqūmalaq üiırmelerınıŋ sabaqtary ötedı. Al №5 köpşılık kıtaphanada aptasyna bır ret «Flora» atty ösımdıkterdı süietınder kluby müşelerınıŋ otyrysy ūiymdastyrylady.
Sondai-aq «Jetıstıkke jetu joly» ıskerlık ädebiettı süietınder kluby jūmys ısteidı. Negızgı mındet – klub müşelerın psihologiia, biznes jäne kommunikasiia salasyndaǧy özın-özı damytuǧa, qoǧamda tūlǧany beiımdeuge, ıskerlık mansabyn qūruǧa yqpal etetın ädebiettermen tanystyru. Ai saiyn klub otyrysyna qatysuşylar «Iskerlık ädebiet» jaŋalyqtarymen tanysyp, būryn oqylǧan basylymdardy talqylai alady.
Balalardyŋ suretşı bolu armanyn jüzege asyru üşın №3 köpşılık kıtaphanada apta saiyn suret salu, eresekter men balalarǧa arnalǧan art-terapiia kurstary ötedı. Artterapiia ömırdıŋ jaŋa tüsterın aşuǧa arnalǧan. «Qolöner» kursynda balalar paidaly jäne jaǧymdy interer şeşımderınıŋ üilesımın bırıktıre otyryp, sändık qolöner jasaidy.
№12 köpşılık kıtaphanadaǧy «Tıldık qoǧamdastyq» kluby äleumettık-mädeni jäne ıskerlık salalarda qarym-qatynas jasauǧa, memlekettık tılde oqytuǧa yqpal etedı. Oǧan Astana qalasy Tılderdı damytu jäne arhiv ısı basqarmasyna qarasty «Ruhaniiat» ortalyǧy mamandary, ūstazdary şaqyrylyp, olar memlekettık tıldı oqytudan tegın kurstar jürgızedı. Jalpy oqu kursy – 4 ai, sabaqtar aptasyna 3 ret ötedı. Kurstar aiaqtalǧannan keiın bılım aluşylar testıleuden ötedı, sertifikattar alady.
№4 balalar kıtaphanasynyŋ «Negeşter» kluby bastauyş synyp jasyndaǧy balalardyŋ oi-örısın keŋeituge yqpal etedı. Kıtaphana qyzmetkerlerı aptasyna ekı ret klub müşelerın şaqyrady. Ösımdıkter men januarlar älemıne engızedı. Bırge oqyǧan kıtaptardy, ertegılerdı talqylaidy. Balalarǧa ışkı älemın aşuǧa mümkındık berıledı.
«Jeleznodorojnyi» kentındegı qart adamdardyŋ bos uaqytyn ötkızuge arnalǧan №4 köpşılık kıtaphananyŋ janyndaǧy «Äjetai» kluby müşelerı aptasyna bır ret kıtaphanaǧa jinalady. Olar bos uaqyttaryn kıtaptar arasynda ötkızedı, äŋgımelesedı, salauatty ömır saltyn ūstanu täjıribelerımen bölısedı. Kıtaphana qyzmetkerlerı olarǧa därıgerlermen, zaŋgerlermen, psihologtarmen jäne t.b. kezdesuler ūiymdastyrady.
