Elordada «Astananyŋ tömen kömırtektı damuǧa köşuınıŋ ädısnamasy men tetıkterı» atty taqyrypta seminar öttı. Oǧan qala äkımınıŋ orynbasary Qosman Aitmūhametov qatysty.
Jiynnyŋ maqsaty – bas şahardyŋ tömen kömırtektı damuǧa köşu strategiiasynyŋ ädısnamasyn äzırleu turaly jūrtşylyqty habardar etu jäne Parij klimattyq kelısımı aiasynda ıske asyru tetıkterın talqylau közdelgen.
Seminardy elorda äkımınıŋ orynbasary Qosman Aitmūhametov aşyp, ol öz sözınde klimattyŋ özgeruı qalanyŋ qalypty ömırıne ülken qauıp tudyratynyn jetkızdı.
– Astana äkımdıgı parniktık gazdar men qaldyqtar şyǧaryndylaryn azaitu, energiia tiımdılıgın arttyru jäne halyqqa ekologiialyq bılım beru üşın ūzaq merzımdı strategiialyq şaralar äzırleu turaly şeşım qabyldady. Bügınde qaladaǧy JEO-2-da keŋeitu jūmystary jürgızılude. Byltyr №2 qazandyq ıske qosylyp, qaldyqtar şyǧaryndylardyŋ kölemı azaidy. Būl baǧyt ta jūmys älı de jalǧasady. Juyrda osy sala boiynşa üş jylǧa arnalǧan ıs-şaralar jospary bekıtıledı. Bırlesıp jūmys ısteu üşın oǧan qoǧamdyq bırlestıkter men halyqaralyq ūiymdardy qosyp otyrmyz. Qazır qalaǧa sūiyq otyn tartu mäselesı jan-jaqty talqylanuda. Bız «QazTransGazAimaq» kompaniiasymen memorandumǧa kelıp, atalǧan aksionerlık qoǧamnyŋ investisiialyq esebınen 2019 jyldyŋ soŋyna deiın gaz qūbyryn ötkızsek dep otyrmyz. Eŋ aldymen JEO-1 jäne JEO-2-nıŋ ystyq su qazandyqtaryn gazǧa auystyramyz. Odan keiın JEO-1 audanynda ornalasqan Köktal-1, Köktal-2 jäne N.Tılendiev köşesınıŋ bır bölıgın sūiyq otynmen qamtamasyz etemız. Mūnyŋ barlyǧy ekologiianyŋ jaqsaruyna septıgı tiedı dep oilaimyn, – dedı äkım orynbasary.
Şara aiasynda QR Energetika ministrlıgı Ekologiialyq retteu jäne baqylau komitetı töraǧasynyŋ orynbasary Zūlfyhar Joldasov, Aziia damu bankınıŋ ökılı Na Von Kim, Qazaqstan ekologiialyq qauymdastyǧy prezidiumynyŋ müşesı Saltanat Raqymbekova söz alyp, elımızdegı tömen kömırtektı damuǧa köşu şeŋberınde onyŋ damu strategiiasyn äzırleu, halyqaralyq ūiymdardyŋ qarjylai jäne saraptamalyq kömegı, şeşımder men jobalarǧa azamattyq qoǧamnyŋ qatysuynyŋ maŋyzdylyǧyn basa atap öttı.
Sondai-aq, seminarǧa alystan ädeiı at arytyp kelgen Aziia damu bankı tūraqty damu jäne klimat boiynşa mamany Frederik Asselain, Reseidegı joǧarǧy ekonomika mektebı ortalyǧynyŋ direktory Georgii Safonov, Konrad Adenauer atyndaǧy qordyŋ Qazaqstandaǧy ökıldıgınıŋ jetekşısı Tomas Helm qatysyp, öz oilaryn ortaǧa saldy.
Jiyn qorytyndysynda qalalyq äkımdıktıŋ Tabiǧi resurstar jäne tabiǧatty paidalanudy retteu basqarmasyna Aziia damu bankınıŋ qoldauymen elordanyŋ tömen kömırtektı damuǧa köşu strategiiasynyŋ ädısnamasyn negızdeu üşın halyqaralyq jäne ūlttyq sarapşylardan qūralǧan jūmys tobyn qūru, mäslihat jäne qoǧamdyq keŋespen bırlesıp, bas şahardyŋ 2018-2021 jyldarǧa arnalǧan keşendı josparynyŋ jobasyn talqylauǧa qoǧamdyq tyŋdaular ūiymdastyru jaiynda ūsynystar aityldy.
Azamat ESENJOL
