Bas qala tūrǧyndary Alaş tasjoly boiyndaǧy köpırdıŋ kürdelı jöndeluı ūzaqqa sozylyp ketkenıne narazy. Ol jerdegı jūmystyŋ qaşan aiaqtalatyny jönınde qalalyq Kölık jäne jol-kölık infraqūrylymyn damytu basqarmasynyŋ baspasöz qyzmetı habarlady.
Halyq arasynda «bükır» degen atauy bar köpır būǧan deiın apatty dep tanylyp, onyŋ sol jaǧyndaǧy qozǧalys 2021 jyldyŋ qaŋtar aiynan bastap avtokölıkter üşın jabylǧan bolatyn. Ol arqyly qozǧalys 2022 jyldyŋ jazynda aşyldy. Bügınde ötkeldıŋ oŋ jaǧy jöndeldı.
Ol kezde köpır apatty dep tanylyp, onyŋ bır bölıgıne, atap aitqanda, jol ötpesınıŋ avariialyq bölıgıne kürdelı jöndeu jürgızılgen edı. Joba boiynşa 140 metr köpır salyndy. Sonymen qatar köpırdıŋ ekı jaǧynan 700 metrden asfalt töseldı. Sondai-aq metall estakadanyŋ jüru bölıgı jöndelgen bolatyn.
Astanadaǧy Alaş tasjoly boiyndaǧy köpırdı jöndeu jūmysy sodan berı älı de jalǧasuda. Qala tūrǧyndary ony tezırek aiaqtaudy sūrap otyr.
Qalalyq Kölık jäne jol-kölık infraqūrylymyn damytu basqarmasynyŋ baspasöz qyzmetı habarlaǧandai, Alaş tasjolyndaǧy köpırdıŋ sol jaǧynda deformasiialyq tıgıste asfaltbeton jabynynyŋ ışınara deformasiiasy paida boldy. Osyǧan bailanysty köpır apatty dep tanyldy jäne sol jaqtaǧy kölık qozǧalysy jabyldy. Bügınde avtokölıkter jol ötpesınıŋ oŋ jaǧymen ekı jaqqa da qatynauda.
Basqarma mälımetınşe, köpırdegı tolyqqandy qozǧalys osy jyldyŋ küzınde qaita bastalady.
«Memlekettık saraptamanyŋ oŋ qorytyndysyn alǧan tiıstı joba äzırlendı. Qazırgı uaqytta jūmys jürgızılude. Küzde jol ötpesınıŋ sol jaǧynda da qozǧalys qamtamasyz etıledı dep josparlanyp otyr» delıngen vedomstvo taratqan habarlamada.
