Jaŋa jylytu mausymynda elordadaǧy tuberkulezge qarsy dispanser, 6 balabaqşa, 7 mektep, arnaiy mektep-internat, «Şarapat» äleumettık qyzmet körsetu ortalyǧy jäne 1 kolledj gazǧa qosylady. Qazırgı kezde būl nysandarda arnaiy jöndeu jūmysy jürıp jatyr.
Jaqynda qalalyq mäslihat deputattary aldaǧy jylytu mausymynda gazben jylytuǧa köşetın äleumettık nysandardy aralap, olardyŋ jaǧdaiymen jaqynyraq tanysyp qaitty. Nūr-Sūltan qalasy mäslihatynyŋ hatşysy Erlan Kanalimovtyŋ aituynşa, äleumettık nysandardyŋ gazǧa auysuy qarjyny 3,5 ese ünemdeuge mümkınık beredı.
«Salystyrmaly türde aitar bolsaq, ötken jyly atalmyş 16 nysandy dizel otynymen qamtu üşın 1 mlrd 400 mln teŋge qajet bolsa, gazǧa qosylǧannan keiın şyǧyn tek 440 mln teŋgenı qūraidy. Gazdandyrudyŋ özın-özı aqtauy şamamen 2 jylda tolyǧymen öteledı. Aldaǧy uaqytta mäslihattyŋ kezektı otyrysynda özge äleumettık nysandardy gazǧa qosu mäselesın qarastyramyz» dedı E.Kanalimov.
Osyǧan orai, deputat Arailym Qūmarjanova da pıkır bıldırıp, Kartalinskaia, 62 mekenjaiynda ornalasqan №20 orta mektep turaly aityp berdı («Agroqalaşyq» audany).
Elorda äkımdıgı şahardy tabiǧi gazǧa köşıru jūmysyn jalǧastyryp jatyr. Bügıngı taŋda qala boiynşa 680 km-den astam gaz taratu jelısı salyndy, kvartalışılık jelıler tartyldy. 14 myŋ abonent gazǧa qol jetkızdı, 6 myŋnan astam abonent tehnikalyq şart aldy, sonymen qatar qaladaǧy barlyq üidıŋ 25 paiyzdan astamy, naqtyraq aitsaq, 3,6 myŋnan astam üi gazǧa qosyldy
«Mekteptıŋ avtonomiialyq jylytudan gazben jylytuǧa köşuı tūrǧyndar üşın jaqsy jaŋalyq boldy. Mektep aumaǧynda ornalasqan gaz jabdyqtaryn qarap şyqtyq. Endı osy qarajat esebınen ünemdelgen qarjyny bılım beru mekemesı mekteptegı özektı problemalardy şeşuge baǧyttai alady» dedı mäslihat deputaty.
Atalmyş mekteptıŋ jäne «Agroqalaşyqtyŋ» barlyq audanyndaǧy basty problemanyŋ bırı – balalar men jastar üşın bos uaqytyn ötkızetın orynnyŋ bolmauy. Halyq qalaulysy gazǧa auysudan ünemdelgen qarjyǧa osy audannyŋ balalary men jastary üşın demalys ortalyǧyn nemese dene şynyqtyru-sauyqtyru ortalyǧyn aşu qajet dep esepteidı. Būl tek balalardaǧy qajetsız energiiany syrtqa şyǧaru üşın ǧana emes, bastysy, öskeleŋ ūrpaq ökılderınıŋ boiyna moraldyq qūndylyqtardy qalyptastyru üşın qajet ekenın atap öttı.
«Eger balalardyŋ boiyndaǧy küş-jıgerdı qazır dūrys baǧytqa jūmsamasaq, keiın ökınıp qaluymyz äbden mümkın» dedı A.Qūmarjanova.
Mäslihat deputaty Güljamal Japarova gazben jylytudyŋ basty artyqşylyǧy janarmaidyŋ baǧasyna bailanysty ekenın atap öttı.
– Bızdıŋ elımızdegı tabiǧi gaz – öte arzan otyn. Tūrǧyn üiler men äleumettık nysandardy gazben jylytuǧa köşudıŋ artyqşylyǧy köp, olardyŋ bırı – jüienıŋ berıktıgı, senımdılıgı jäne ekologiialyq tazalyǧy. Elordadaǧy gazben jylytuǧa köşetın äleumettık nysandardy aralau barysynda bız gaz qazandyǧyn basqarudyŋ avtomattandyrylǧan jüiesımen tanysuǧa mümkındık aldyq. Aldaǧy uaqytta äleumettık sala obektılerın gazben jylytuǧa köşıru boiynşa jūmys jalǧasady, – dedı deputat.
İä, elorda äkımdıgı şahardy tabiǧi gazǧa köşıru jūmysyn jalǧastyryp jatyr. Bügıngı taŋda qala boiynşa 680 km-den astam gaz taratu jelısı salyndy, kvartalışılık jelıler tartyldy. 14 myŋ abonent gazǧa qol jetkızdı, 6 myŋnan astam abonent tehnikalyq şart aldy, sonymen qatar qaladaǧy barlyq üidıŋ 25 paiyzdan astamy, naqtyraq aitsaq, 3,6 myŋnan astam üi gazǧa qosyldy.
Üiıne gaz kelgelı ot jaǧu maşaqatynan qūtylǧan tūrǧyndar quanyşyn jasyra alar emes. Bekjıgıt Nūrqanūly solardyŋ qatarynan. Jasy ūlǧaiǧan saiyn kömır tasyp, kül şyǧarudan qiyndyq körgen zeinetker biyl būrynǧydai peş jaqpaityny üşın qala bilıgıne rizaşylyǧyn jetkızdı.
– Endı üidı tabiǧi gazben jylytamyz, tamaq pısıru üşın de gaz satyp almaitynymyzdy oilap, quanyp jürmın. Byltyr kömır qymbattap kettı. Aǧaş otyn da arzan bolǧan joq. Äkımdıktıŋ arqasynda bıraz şaruamyz şeşıldı, endı kömır ızdep şarşamaimyz, – dedı elordalyq zeinetker.
Bügınde Saryarqa jäne Almaty audandary tolyǧymen gazdandyryldy. Qala äkımınıŋ mälımdeuınşe, qazırgı kezde Baiqoŋyr men Esıl audanynda, atap aitsaq, «İlinka», «Ürker», «Öndırıs», «Prigorodnyi», «Telman» eldı mekenderı, sol siiaqty «Family Village», «Garden Village» şaǧyn audandarynda gaz qūbyrynyŋ qūrylysy bastaldy. Al «Şūbar» şaǧyn audanynda jobalau jūmysy jürıp jatyr.
Būl rette qala bilıgı bırqatar jeŋıldık qarastyryp otyr. Mäselen, mūqtaj jandardyŋ gazǧa qosyluyna äleumettık kömek bölınedı. Būǧan deiın aitylǧandai, äleumettık kömektıŋ mölşerı ötınış beruşınıŋ gaz jabdyǧyn jetkızuge jäne ornatuǧa bailanysty 130 AEK-ke deiın, iaǧni 413400 teŋgege ūlǧaidy. Sondai-aq elordalyqtardyŋ bärıne tegın negızde esepteuış berılude.
Qala tūrǧyndarynyŋ ötınışın eskere otyryp, öz üiın gazǧa qosu üşın jinalatyn qūjattar tızımı 2 esege qysqardy. Būryn qūjattardy jinauǧa 6 aiǧa deiın uaqyt ketetın. Būl şara Memleket basşysynyŋ «Memlekettık apparattyŋ qyzmetın biurokratiiasyzdandyru jönındegı şaralar turaly» Jarlyǧy aiasynda qabyldandy.
Gülbarşyn ÖKEŞQYZY
