KÖGILDIR OTYNNYŊ QYZYǦYN KÖRER ŞAQ ALDA
Gazdy paidalanu – ekonomikalyq tūrǧydan ǧana emes, ekologiialyq tazalyǧy jaǧynan da tiımdı. Astana qalasy bırtındep kögıldır otynǧa köşe bastady.
Ekologiialyq taza otyndy aldymen elordalyq qoǧamdyq kölıkter paidalanuda. Byltyr Prezident künı qarsaŋynda el igılıgıne jaraǧan «Ekotaksiler» tegıs gazben jüredı. Al, biyl qala bilıgı sūiytylǧan otynmen jüretın 350 avtobus satyp almaqşy. Būl jolauşy kölıkterınıŋ 200-ı Astana künı qarsaŋynda jetkızıledı degen jospar bar. Al, qalǧan 150-ı 2014 jyldyŋ soŋyna deiın äkelınetın bolady.
Kölıkterın kögıldır otynmen jürgıze bastaǧan Astananyŋ özıne gaz qaşan keledı? Būl saual, äsırese, qalanyŋ şetkerı aimaqtaryndaǧy jūrtşylyqty tolǧandyryp jürgenı anyq. Aǧymdaǧy jyldyŋ aiaǧyna qarai «Qazmūnaigaz» ŪK Astanaǧa magistraldy gaz qūbyryn tartudy jäne avtomattandyrylǧan ekı gaz taratu stanasasy qūrylysyn jürgızudı josparlap otyr. Eger gazben qamtuǧa arnalǧan alǧaşqy jobalar sättı aiaqtalsa, aldymen şetkı aimaqtaǧy jeke tūrǧyn üi sektorlary men İndustrialdyq parkte kögıldır otyn laulaityn bolady.
Jalpy alǧanda, qalaǧa 1,2 mlrd tekşe metr gaz qajet körınedı.