Soŋǧy kezde äleumettık jelıde qazaqstandyqtardyŋ jalaulatyp tüsken suretterı men jazbalary qaptap kettı. Qaladaǧylar kök bairaǧymyzdy balkondaryna ılse, auyl-aimaqtaǧy jūrt at üstınde kök tumen atoi salyp jür. Söitsek, ükımettıŋ jaŋa qaulysyna sai, jeke jäne zaŋdy tūlǧalarǧa patriottyq sezımın bıldıru üşın tudy ǧimaratta, päter balkonyna jäne merekelık ıs-şara ötetın jerlerde ıluge rūqsat berılıptı.
Esterıŋızde bolsa, qazan aiynda ǧana Prezident Qasym-Jomart Toqaev memlekettık tudyŋ qoldanys aiasyn keŋeitu kerektıgın aitqan edı. Nūr-Sūltan qalasynda volonterler bırqatar nysandardyŋ balkonyna kök tudy ılgennen keiın tūrǧyndar da ılıp äketıp, üilerınıŋ terezesı men balkondaryna basty rämızımızdı ornalastyrǧan. Qala tūrǧyndarynyŋ aituynşa būl aksiia merekelık köŋıl-küi syilap, patriottyq sezımdı arttyra tüsedı. Al ūiymdastyruşylar būl şara el arasyndaǧy tatulyq pen bırlıktı küşeiterıne senımdı.
«Menıŋ tuym. Menıŋ Otanym!» aksiiasy bırneşe ai būryn bastalsa da, ūlyq merekemız täuelsızdık künı aiasynda tuǧa degen syilastyq pen elge degen mahabbat erekşe körınıs tapty. Elorda tūrǧyndary da chellendjge bır kısıdei atsalysty. Aitalyq, «Duman» qonaq üiınıŋ qarsy aldyndaǧy terezeler men balkondarǧa 30 tu ılındı. Qazaqstan Respublikasynyŋ ülken tuy «Han şatyr» sauda oiyn-sauyq ortalyǧynda ornatyldy. Şahar tūrǧyndary men ükımettık emes ūiymdar balkondarǧa tu ılıp, qūrmet körsettı. Chellendjge onnan asa ūiym qatysqan. Mereke künderı qalanyŋ ortalyq köşelerınıŋ (Täuelsızdık, B.Momyşūly, Saraişyq, Syǧanaq, A.Baitūrsynūly, Respublika J.Taşenev jäne t.b.) boiyna da Qazaqstan Respublikasynyŋ tulary jelbıredı.
«Är qazaq balasy üşın täuelsızdıkten tereŋ, azattyqtan asyl ūǧym joq şyǧar. Mıneki, qanşama ǧasyr armandaǧan kök tuymyz kögımızde jelbırep tūr. Elbasymyz aitqandai, täuelsızdıktı qoldan ūşyryp alu – babalar amanatyna qiianat. Sondyqtan ūlt bolyp keler ūrpaqqa täuelsızdıktı aman-esen tabys etudı Alla näsıp etsın. Är qazaqtyŋ şaŋyraǧyna bereke, bırlık tıleimın. Eldıgımız jasai bersın!» deidı änşı, sportşy İbragim Eskendır.
Äleumettık jelılerden #MenıŋTuym #MenıŋTuymMenıŋOtanym #MoiFlagMoiaRodina #SvetMoeiRodiny #BızdıŋOrtaqMereke #NaşObşiiPrazdnik heştegterı arqyly chellendj aiasynda jariialanǧan jazbalar, fotosuretter men videolardy köre alasyzdar. Sondai-aq aksiiaǧa şetelde bılım alyp jatqan studentter de qatysty.
Köktem QARQYN
