Köne zamannan – bügınge deiın
Astana qalasynyŋ memlekettık mūraǧatynda QR Ata Zaŋy künıne orai «Ǧasyrlar elegınen ötken Qazaqstan Konstitusiiasy» atty körme aşyldy.
Onda Qazaq handyǧy däuırındegı zaŋdar jiyntyǧy, patşalyq Resei zamanyndaǧy dala zaŋdary, qazaqtan şyqqan tūŋǧyş zaŋgerler turaly mälımetter, «Alaş orda» partiiasynyŋ baǧdarlamasy, Keŋes kezeŋınıŋ zaŋnamalyq aktılerı men şeteldık avtorlardyŋ Qazaqstan jönındegı eŋbekterınen tūratyn qūndy qūjattar qosyldy.
Köşpendıler zamanynan täuelsız Qazaqstan memleketı qūrylǧanǧa deiıngı kezeŋdı qamtyp, elımızdıŋ zaŋdyq-qūqyqtyq qalyptasuy men damuyn körsetu maqsatynda aşylǧan körmeden Täuke hannyŋ «Jetı jarǧy» zaŋynyŋ üzındısınen bastap, Qazaq handyǧynyŋ kartasyn köre alamyz.
«Qazaqtan şyqqan alǧaşqy zaŋgerler kımder? Körmenı köruge kelseŋızder, būl sūraqqa da jauapty taba alasyzdar. Reseidıŋ üzdık joǧarǧy oqu oryndarynda bılım alyp, bırneşe şaqyrylymdaǧy Memlekettık duma deputattarynyŋ qūramynda ūlttyq müddenı qorǧaǧan tūŋǧyş qazaq zaŋgerlerı turaly mūraǧat qūjattary būl körmenı aişyqtap tūr. Atalmyş qūjattardyŋ bırazy el nazaryna alǧaş ret şyǧarylyp otyrǧanyn aita keteiın. Ahmet Bırımjanov, Jaqyp Aqbaev, Tūrar Rysqūlov, Janşa Dosmūhamedov, Älihan Bökeihanov, Uälithan Tanaşev, Barlybek Syrtanov, Abdolla Temırov, Sälımgerei Jantörin, Aidarhan Tūrlybaev syndy Alaşorda qairatkerlerınıŋ qūjattary, olardyŋ «Aiqap» jurnalynda jariialanǧan maqalalary köpşılıktı qyzyqtyrary sözsız» deidı qalalyq mūraǧattyŋ mūraǧatşysy Şara Battalǧazieva.
Būl qūjattarǧa qosa, «Alaş orda» partiiasynyŋ baǧdarlamasy men 1917 jyly Orynbor qalasynda ötken Jalpyqazaq sezınıŋ nätijesınde qabyldanǧan partiianyŋ hattamasy men qarary, HH ǧasyr basyndaǧy Alaş ziialylarynyŋ fotosuretterı de oryn alǧan. Körmede sol zaman tynysynan habar beretın basqa da mälımetter molynan qamtylǧan.
Amanǧali QALJANOV