Juyrda ötken Ükımettıŋ keŋeitılgen otyrysynda Memleket basşysy Nūrsūltan Nazarbaev tabysy az azamattardy qoldau boiynşa tiıstı tetıkterdı äzırlep, baspanasy joq adamdarǧa «7-20-25» baǧdarlamasy arqyly qaryz berıp, olardy tūrǧyn üimen qamtu boiynşa tapsyrmalar jüktegen edı. Bır otbasynyŋ bes balasyn ört jalmaǧan Astanadaǧy qaiǧyly oqiǧadan keiın Elbasy köŋıl aita kele, mūndai jaǧdai qaitalanbas üşın barlyq tiıstı şaralardy qabyldau kerektıgın alǧa tartty.
Osy aptada Ükımettıŋ janynan elımızdıŋ azamattarynyŋ tabysyn arttyru jäne tūrmys sapasyn jaqsartu, sondai-aq köpbalaly otbasylarǧa qoldau şaralaryn küşeitu jönındegı jūmys toby qūryldy.
Premer-ministrdıŋ orynbasary Erbolat Dosaev basşylyq etetın būl toptyŋ qūramy «Nūr Otan» partiiasynyŋ, äleumettık-ekonomikalyq blok, infraqūrylymdyq damu, ışkı ıster jäne jergılıktı atqaruşy organdardyŋ ökılderınen tūrady. Komissiia jūmysyna beiındı ÜEŪ, sarapşylar men jūrtşylyq ökılderı tartylady. Jūmys toby ekı ai ışınde Memleket basşysy tapsyrmalaryn oryndau boiynşa keşendı şaralar qabyldauy qajet.
İndustriia jäne infraqūrylymdyq damu ministrı Jeŋıs Qasymbek «Nūrly jer» baǧdarlamasy boiynşa köpbalaly otbasylarǧa jalǧa berıletın baspanalar saludy ūsyndy. Ol Ükımet üiınde ötken baspasöz mäslihatynda Astanada bolǧan qaiǧyly oqiǧaǧa qatysty pıkır bıldırıp, osyndai mälımdeme jasady.
«Bız köpbalaly otbasylarǧa qosymşa päterler salu üşın qarajat qarastyryp jatyrmyz. «Nūrly jer» baǧdarlamasy boiynşa jylyna osyndai otbasylar üşın jalǧa berıletın 700 päter salynsa, endı olardyŋ sanyn ekı-üş ese arttyru kerek. Būl ūsynysty bızdıŋ ministrlık atynan Ükımetke engızemız» dedı Jeŋıs Qasymbek.
6 aqpan künı «Astana» konsert zaly aldyndaǧy alaŋda köpbalaly analar jinalyp, özderınıŋ äleumettık mäselelerın köterdı. Aua raiynyŋ qolaisyzdyǧyna bailanysty jinalǧandar konsert zalyna şaqyrylyp, olardyŋ ötınışterın jetkızuge arnaiy jaǧdailar jasalyndy. Qozǧalyp otyrylǧan mäselelerın eskere kele, tūrǧyndardy qala äkımınıŋ orynbasarlary Ermek Amanşaev pen Asqar Amrin, Jūmyspen qamtu jäne äleumettık baǧdarlamalar, Bılım jäne Qoǧamdyq densaulyq saqtau basqarmalarynyŋ basşylary qabyldady.
Kezdesu barysynda pıkır bıldıruşıler tarapynan tūrmys jaǧdailaryn jaqsartu jönınde türlı ötınışter aityldy. Analar tapsyrǧan ötınışterde tiıstı tärtıpke säikes aryz beruşınıŋ öz aty men äkesınıŋ aty, tegı, tūrǧylyqty jerınıŋ mekenjaiy tolyq körsetıluı tiıs. Alaida ötınış tüsırgender aty-jönderı men telefon nömerlerın ǧana körsetken. Astana äkımdıgı zaŋ normalaryn saqtau, köpbalaly analardyŋ bırde-bırınıŋ mäselesın nazardan tys qaldyrmau üşın olardyŋ mekenjaiyn naqtylap, qalada tırkeude tūrǧanyn anyqtau maqsatynda uchaskelık inspektorlarǧa ötınışpen şyqty. Uchaskelık inspektorlar būl ötınıştı oryndau barysynda köpbalaly analar tarapynan tüsınbeuşılıkter tuyndaǧan.
Qazırgı taŋda Astana äkımdıgınıŋ janynan arnaiy jūmys toby qūrylyp, köpbalaly analardyŋ ötınışterı qarastyryluda. Osy jūmys aiasynda azamattardyŋ tūrmys jaǧdaiyn tekseru, mūqtajdyqtaryn bılu maqsatynda mobildı top qūryldy. Olar köpbalaly analardyŋ tūrǧylyqty jerlerın aralap, olardyŋ tūrmys-tırşılıgımen tanysty. Onyŋ nätijesınde audan äkımdıkterı köpbalaly otbasylarǧa kömek körsetu tetıkterın qarauda. Aldaǧy uaqytta Astana qalasy äkımdıgıne ötınış qaldyrǧan analarmen qala basşylyǧynyŋ kezdesuı ūiymdastyrylady. Analardyŋ tūrmystyq mäselelerın öz uaqytynda şeşu maqsatynda qūzyrly organdar tiıstı şaralar qoldanady. Al şeşımı ūzaq merzımdı alatyn jäne aitarlyqtai resurstardy qajet etetın mäseleler boiynşa naqty oryndaluy merzımı jauapty memlekettık organdarǧa bekıtıle otyryp, är mäsele boiynşa Jol kartasy äzırlenıp, ıs-şaralar jospary naqtylanady.
