Byltyr Astanada «Qoǧamdyq baqylau kartasy» jobasy jüzege asyryla bastady. Atalmyş joba azamattarǧa biudjet qarajatyn paidalanudaǧy būzuşylyqtardy anyqtauǧa jäne tiıstı organdarǧa habarlauǧa mümkındık beredı. Elordanyŋ būl täjıribesı biyl basqa öŋırlerge de taratylady. Osy turaly Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ ötken jyldyŋ qorytyndysy jäne osy jylǧa qoiǧan maqsattaryna arnalǧan alqa otyrysynda agenttık töraǧasy Alik Şpekbaev mälımdedı. Is-şaraǧa Prezident Äkımşılıgınıŋ Memlekettık qyzmet jäne kadr saiasaty bölımınıŋ meŋgeruşısı Marat Däueşov, Parlament Senaty töraǧasynyŋ orynbasary Sergei Gromov, Parlament Mäjılısı töraǧasynyŋ orynbasary Vladimir Bojko, Astana äkımı Baqyt Sūltanov, belgılı sarapşylar qatysty.
HALYQ BIýDJETTI BAQYLAI ALADY
«Qoǧamdyq baqylau kartasy» ıske qosylǧaly äleumettık jelıler jäne call-ortalyq arqyly kelıp tüsken habarlamalar negızınde halyqtyŋ äleumettık köŋıl-küiıne äser etetın 2,2 myŋnan astam mäsele şeşılgen.
Jobany jetıldıru barysynda «Astanadaǧy interaktivtı qoǧamdyq baqylau kartasy» äzırlendı. Būl karta qūrylysqa, nysandardy jöndeuge jäne kütıp ūstauǧa bölıngen biudjet qarajatyn anyq körsetedı. Kez kelgen adam 24 saǧat boiy fotosuretter men beinejazbalardy tırkei otyryp, būzuşylyqtar jaily habarlai alady.
Atalǧan jobalar jaŋa kommunikasiiany igeru jäne sifrlandyru däuırınıŋ talaptaryna sai daiyndaldy. Alqa otyrysyna qatysqan Astana qalasynyŋ äkımı Baqyt Sūltanov sifrlandyru äkımdık jūmysyndaǧy strategiialyq baǧytqa ainalyp otyrǧanyn aityp, būl tarapta qalada atqarylyp jatqan ısterge toqtaldy.
SİFRLANDYRU KÖRSETKIŞI KÖBEIDI
Ötken jyly Astana äkımdıgı körsetken memlekettık qyzmetter körsetkışın jariialaǧan qala basşysy olardyŋ 73 paiyzy elektrondy formatta atqarylǧanyn aitty. Körsetıletın memlekettık qyzmetter sany da öse tüsken. Sonyŋ arqasynda sifrlandyru deŋgeiı 43,6 paiyzdan 48 paiyzǧa ūlǧaiǧan.
«Biyl elorda äkımdıgınıŋ aqparattyq jüielerı arqyly 40 şaqty körsetıletın memlekettık qyzmet avtomattandyrylyp, ortalyq memlekettık organdardyŋ 14 aqparattyq jüiesımen bırıktırıledı. Halyqpen alşaqtyqty qysqartu maqsatynda «Aşyq äkımdık» tūjyrymdamasyn jüzege asyryp, kedergısız qyzmet körsetuge köştık. Qala tūrǧyndaryna yŋǧaily bolu üşın äkımdıktıŋ bırınşı qabatynda 15 qūrylymdyq bölımşenıŋ «bır tereze» qaǧidatymen jūmys ısteitın kabinetterı ornalasty» dedı B. Sūltanov. iKomek qalalyq monitoring jäne jedel äreket etu ortalyǧynyŋ halyqqa bergen keŋesterı bır jyldyŋ ışınde 4 esege öskenın aitqan qala basşysy anyqtalǧan problemalardy şeşu maqsatynda Astana äkımdıgınıŋ bazasynda Damudyŋ qalalyq akseleratory qūrylǧanyn jetkızdı. Qazırgı taŋda būl jobanyŋ aiasynda qalada jüielı türde oryn alatyn 19 mäsele qaralyp jatyr. Atap aitsaq, onyŋ ışıne qūdyqtardyŋ, qoǧamdyq kölıktıŋ, jasyl jelektı kütıp ūstaudyŋ, päter böludıŋ, t.b. osy siiaqty mäseleler kırıp otyr.
Damudyŋ qalalyq akseleratorynyŋ erekşelıgı – tuyndaǧan mäselelerdı şeşuge memlekettık organdardan bastap, qoǧamdyq bırlestıkter, qalanyŋ belsendı tūrǧyndary, ǧalymdar, käsıpkerler jäne mäselenı şeşuge müddelı barşa adam tartylady. Qorytyndysynda mäselenı köp degende 100 kün ışınde şeşu josparlanyp otyr.
«Būl jobany damytu mäselesı men qalada Qyzmetterdı körsetudıŋ qalalyq ortalyǧyn aşu jūmysy jeke baqylauymda tūr. Ortalyq aşylǧanda säulet, qūrylys jäne jer telımderın alu salalary boiynşa azamattardy aqparattandyru, körsetıletın memlekettık qyzmetterdıŋ qoljetımdılıgı mäselelerı bıraz şeşıledı. Jarqyn mysal retınde «Astana – adaldyq alaŋy» jobasynyŋ aiasynda atqarylǧan ısterdı aituǧa bolady. Qazır būl joba vedomstvoaralyq qarym-qatynastyŋ üzdık ülgısıne ainaldy. Sonyŋ arqasynda halyqtyŋ kündelıktı ömırınde kezdesetın problemalar, olardyŋ tūrmysyna kerı äser etetın, tūrǧyndardy mazalaityn mäseleler anyqtalyp jatyr» dedı Astana äkımı.
Ötken jyldyŋ qaraşa aiynda Saryarqa audany äkımdıgınıŋ «Open space» formatynda front keŋsesınıŋ aşylǧany da nätije berdı. Sonyŋ ülgısımen elordanyŋ özge de memlekettık organdary transformasiialanady.
Būl joba arqyly qalanyŋ emhanalarynda halyqaralyq standarttar talaptaryna sai keletın sifrly aqparattyq kioskıler ornalastyrylyp, balalar alaŋdary salynyp, Ahualdyq ortalyq qūryldy, basqa da jaŋaşyldyqtar engızıldı.
TRASFORMASİIа TABYSTY ÖSIRDI
Baqyt Sūltanov Elbasynyŋ tapsyrmasymen Astanany damytu ısınde basymdyq berıletın negızgı baǧyttar qaita qaralyp, elordany jaily, jahandyq qalaǧa ainaldyru üşın «20 naqty bastama» baǧdarlamasy äzırlengenın aitty. Mūnda äleumettık igılıkter sapasynyŋ halyq üşın joǧary jäne qoljetımdı boluy, qalalyq ortany transformasiialau, kölık jüiesın damytu, «Aqyldy» tehnologiialar men innovasiialardy qoldanu basty nazarǧa alyndy.
Soŋǧy on jylda Astana halqynyŋ sany ekı esege ösıp, qala äkımdıgınıŋ ştaty 10 paiyzǧa qysqarǧan. Ortaşa eseppen alǧanda, äkımdıktıŋ bır qyzmetkerıne 1275 tūrǧynnan keledı. Būl el aimaqtarymen salystyrǧanda 4 ese köp.
«Osyǧan orai belgılengen josparlardy jüzege asyryp, tiıstı mejege jetu üşın äkımdıkte transformasiia jürgızıldı. Äkımşılık-basqaru personalyn ekı esege qysqartu esebınen beiındık lauazymdar köbeiıp, az adam jūmys ısteitın qūrylymdar 30-dan 22-ge azaidy. Bügınde negızgı funksiialardy atqarumen personaldyŋ 80 paiyzy jäne äkımşılık qyzmetkerlerdıŋ 20 paiyzy ainalysyp jatyr. Būryn būl körsetkış säikesınşe 68 jäne 32 paiyz bolǧan» dedı qala basşysy.
Ötken jyly Astana äkımdıgı Memlekettık qyzmet ısterı jäne sybailas jemqorlyqqa qarsy ıs-qimyl agenttıgımen bırge Elbasy ūsynǧan «100 naqty qadam» ūlt jospary aiasynda eŋbekaqy töleudıŋ faktorlyq-baldyq modelı qanatqaqty jobasyna kırdı. Sonyŋ arqasynda memlekettık qyzmetkerlerdıŋ tabysy ösıp, jūmys nätijelıgı de artty.
QALADA QARJY ÜNEMDELDI
Būǧan qosa, bırqatar körsetkışter boiynşa biudjet qarjysy ünemdeldı. Atap aitqanda, äkımşılık-basqaru personalyn qysqartu 151 mln teŋgenı ünemdedı. Bes jyl ışınde būl arqyly 755 mln teŋgenı ünemdeu közdelude. Sol siiaqty vedomstvolyq kölıkten bas tartyp, taksige auysu, bırqatar salada qarjylyq şyǧyndardy oŋtailandyru da qarjyny ünemdeuge jol aşqan.
Byltyr memlekettık satyp alular boiynşa ünemdeu 22,1 mlrd teŋgenı qūrady. Al jalpy ötken jyly 27,6 mlrd teŋge ünemdelıp, kommunaldyq menşıkke 200 mlrd teŋgenıŋ mülkı qabyldandy. 2023 jylǧa deiın memlekettık satyp alular salasynda ünemdeudı eseptemegende ünemdeudıŋ jalpy kölemı 26,4 mlrd teŋgenı qūraidy dep boljanuda.
«Astananyŋ damuy – Memleket basşysynyŋ erekşe nazarynda. Ol – tūtas elımızdıŋ erteŋge degen ükılı ümıtı men senımınıŋ körınısı. Sondyqtan elordaǧa degen talap ta, talǧam da qaşanda joǧary. Astanada jüzege asyrylyp otyrǧan igı bastamalardyŋ barlyǧy qala tūrǧyndarynyŋ äleuetın köteruge baǧyttalǧan. Būl ıstıŋ tübınde elorda men elımızdıŋ bügıngı berekesı, erteŋgı igılıgı jatyr» dep tüiındedı sözın B.Sūltanov.
