Keşe Nūr-Sūltan qalasy mäslihatynyŋ Äleumettık-mädeni damu mäselelerı jönındegı tūraqty komissiia otyrysynda köpbalaly otbasylardy äleumettık qoldau şaralaryn küşeitu ūsynyldy. Ol üşın mäslihattyŋ būrynǧy keibır şeşımderıne özgerıster engızu kerek. Būl ūsynystarmen Jūmyspen qamtu jäne äleumettık qorǧau basqarmasynyŋ basşysy Säule Nūrǧojina tanystyrdy.
Onyŋ aituynşa, atauly äleumettık kömek alatyn köpbalaly analarǧa tısterın protezdeu men tısterın emdetuge järdem beru şeşıldı. «Būrynnan būl kömektı Ūly Otan soǧysy qatysuşylary men mügedekterı, mümkındıgı şekteulı jandar men zeinetkerler alady. Endı būl sanatqa köpbalaly analar da qosylady. Olardy jylytu mausymy kezınde qatty otynmen qamtamasyz etudı, būl kömek türın 8 ailyq eseptık körsetkışten 16 ailyq eseptık körsetkışke ösırudı ūsynamyz» dedı basqarma basşysy.
