Körnektı kompozitorǧa qūrmet
Erteŋ, 22 mausym künı Kongress-holda Astana qalasy memlekettık akademiialyq filarmoniiasynyŋ körnektı kompozitory, belgılı muzykatanuşy Ahmet Jūbanovty eske aluǧa arnalǧan «Ǧasyrlar pernesı» atty konsertı ötedı. Qazaqstan Respublikasy täuelsızdıgınıŋ 25 jyldyǧy aiasynda ötetın keşte äigılı kompozitordyŋ şyǧarmalary oryndalady.
Qazaq KSRO-nyŋ halyq ärtısı, akademik Ahmet Jūbanov ūltymyzdyŋ muzyka önerın, keşe ötken sal-serılerımızdıŋ mūralaryn bır jüiege keltıru jaǧynan mol eŋbek sıŋırdı. Basqasyn aitpaǧanda, onyŋ esımı qazaqtyŋ tūŋǧyş käsıbi halyq aspaptary orkestrınıŋ (qazırgı Qūrmanǧazy atyndaǧy qazaq memlekettık akademiialyq halyq aspaptary orkestrı) qūryluynyŋ basynda tūr. Ol halyq küilerın orkestrge laiyqtap, notaǧa tüsırdı jäne qazaq muzykasyn kürdelı aspaptyq simfoniialyq şyǧarmalarmen baiytty. Sondai şyǧarmalardyŋ qatarynda «Täjık biı», «Qazaq bilerı», «Tölegen Toqtarov», «Ariia», «Vokaldyq siuitasy», «Abai siuitasy», t.b. tuyndylar bar.
Būǧan qosa, akademiktıŋ «Ǧasyrlar pernesı», «Zamana būlbūldary», «Qūrmanǧazy», «Qazaq halyq kompozitorlarynyŋ ömırı men şyǧarmaşylyǧy», «Qazaq halqynyŋ muzykalyq mädenietı», «Än-küi sapary» siiaqty eŋbekterı ūlttyq önertanu ǧylymyna sübelı üles bolyp qosyldy.
Kompozitor retınde qazır el auzynda jürgen «Qarlyǧaş» siiaqty köptegen än men küi, romanstardyŋ, horlar men aspaptyq simfoniialyq jäne vokaldyq şyǧarmalardyŋ avtory atandy. Latif Hamidimen bırge «Abai» (1944) jäne «Tölegen Toqtarov» (1947) operalaryn jazdy. «Qūrmanǧazy» operasyn bastap, ony keiınnen qyzy Ǧaziza Jūbanova aiaqtady.
Konsertte kompozitordyŋ şyǧarmalaryn astanalyq filarmoniianyŋ Qazaq orkestrı (körkemdık jetekşısı jäne bas dirijery, professor, QR eŋbek sıŋırgen qairatkerı Aitqali Jaiymov, dirijery, QR Mädeniet qairatkerı Nūrlan Bekenov) oryndaidy. Endeşe, tamaşa keşten qalyp qoimaiyq, aǧaiyn!
Amanǧali QALJANOV