Nūr-Sūltannyŋ intellektualdy kölık jüiesı Europa, TMD jäne Ortalyq Aziia elderı arasynda 1-orynǧa ie boldy. 12 eldıŋ 40 qalasy ışınde ozyq şyqty. Būl turaly qala basşysy Altai Kölgınov Instagram paraqşasynda baiandady.
IDC Smart City forumynda «aqyldy» qalalardy damytu mäselelerı onlain rejimınde talqylandy.
«Nūr-Sūltanda qalanyŋ qauıpsızdıgı salasynda bırqatar jobalar jüzege asyryldy:
Bırınşı. Köşede aqyldy kameralar ornatudyŋ arqasynda apattar sany 40 paiyzǧa tömendedı, ölım-jıtım ekı esege azaidy. Jol jürısıne qatysuşylar tärtıptı bola bastady.
Ekınşı. Bız «Qauıpsız aula» jobasyn jüzege asyryp jatyrmyz. Tūrǧyndardyŋ ötınışı boiynşa aulalarǧa kameralar ornatamyz. Būl qauıpsızdık deŋgeiın arttyrady: ūrlyqtardyŋ sany, bötennıŋ mülkıne ziian keltıru jäne basqa qūqyq būzuşylyqtar azaidy.
Üşınşı. Qauıpsızdıktı jaqsartu üşın mektepter men balabaqşalar kameralarmen jabdyqtalǧan.
Törtınşı. Bızdıŋ barlyq avtobustar tarifterdıŋ qolma-qol aqşasyz validatorymen jabdyqtalǧan. Būl qarajattyŋ köleŋkelı ainalymy problemasyn şeşuge mümkındık berdı. Pandemiia kezınde bız sifrlandyrudy damytudyŋ qanşalyqty maŋyzdy ekenın köremız, öitkenı kontaktısız tölemnıŋ arqasynda bız virustyŋ taralu qaupın azaita aldyq. Sonymen qatar, bız Face Pay tölem jüiesın engızdık. Būl joba keŋeitılıp, oǧan qosymşa avtobustar kıredı.
Būl baǧyttar – qauıpsız qozǧalysqa jäne qūqyq būzuşylyqtardyŋ sanyn azaituǧa tıkelei qatysty jobalardyŋ bır bölıgı ǧana. Bız sifrlandyrudy barlyq baǧyttarda, sonyŋ ışınde «aqyldy qala» tūjyrymdamasy aiasynda bükıl astanany sifrlandyru boiynşa jūmystardy jüzege asyramyz» dep jazdy qala basşysy Instagram paraqşasynda.
