Memleket basşysy «Altyn sapa» konkursynyŋ jeŋımpazdaryn marapattau räsımıne qatysty. Qasym-Jomart Toqaev öz sözınde Täuelsızdık jyldarynda memlekettıŋ qoldauymen otandyq biznestıŋ jaŋa legı qalyptasqanyn jäne olar ūlttyq ekonomikanyŋ basty qozǧauşy küşıne ainalǧanyn atap öttı.
– İndustriialandyru kezeŋınde elımızde 1300-den astam jaŋa öndırıs ıske qosyldy. Nätijesınde būryn öndırılmegen köptegen tauarlar şyǧaryla bastady. Sondai-aq 200 myŋ jūmys orny aşyldy. Azamattarymyz zaman talabyna sai jaŋa käsıpterdı igerude. Osynyŋ bärı halqymyzdyŋ äl-auqatyn jäne bäsekelık qabıletın arttyruǧa mümkındık beredı. Bızdıŋ maqsatymyz – Qazaqstandy quatty memleketke ainaldyru, – dedı Prezident.
Memleket basşysynyŋ aituynşa, pandemiia men älemdık ekonomikalyq daǧdarysqa qaramastan, 11 aidyŋ qorytyndysy boiynşa öŋdeu önerkäsıbındegı ösım qarqyny 3,3% deŋgeiınde saqtalyp otyr. Biyl İndustriialandyru kartasy aiasynda 20 myŋ jaŋa jūmys ornymen qamtamasyz etetın 200-den astam öndırıs ıske qosyldy. Soŋǧy bes jylda ekonomikadaǧy şaǧyn jäne orta biznestıŋ ülesı 24-ten 32 paiyzǧa artty. Käsıpkerlık saladaǧy jūmyspen qamtu kölemı 21 paiyzǧa, iaǧni 2,8-den 3,4 million adamǧa köbeidı. Būl Ükımet pen «Atameken» Ūlttyq käsıpkerler palatasynyŋ qolaily biznes-ahual qalyptastyru, qarjylai jäne basqa da qoldau şaralaryn ūsynu jönındegı däiektı jūmystarynyŋ nätijesınde mümkın boldy. Biyl bizneske memlekettık qyzmet körsetu merzımın qysqartu, räsımderdı qaita retteu jäne odan ärı jeŋıldetu mäselelerın qamtityn zaŋnamalyq bastamalardyŋ segızınşı toptamasy qabyldandy.
Pandemiia kezınde biznes nesielerdı qaitaru merzımın şegeruge mümkındık aldy, salyqtan bosatyldy jäne basqa da jeŋıldıkter men artyqşylyqtarǧa ie boldy. Körsetılgen qoldaudyŋ jalpy kölemı 1,5 trillion teŋgeden asty.
Qasym-Jomart Toqaev sözınıŋ soŋynda «Altyn sapa» konkursyna qatysqan barlyq biznes ökılderıne alǧys bıldırdı. Jeŋımpazdardyŋ syilyqtaryn Prezidenttıŋ atynan Premer-Ministr Asqar Mamin tapsyrdy.
