Astana qalasynyŋ äkımdıgı köşe saudasyn retteu jäne qala infraqūrylymyn jaqsartu maqsatynda arnaiy 1000 sauda orny jobasyn qolǧa alǧany belgılı. Bügıngı taŋda osy joba naqty jolǧa qoiylyp, käsıpkerlerge teŋ konkurstyq negızde jalǧa berılgen oryndarda äsem de sändı sauda pavilondar boi köterıp jatyr. Būl nysandardyŋ 303-ı Esıl audanynda, 305-ı Almaty audanynda al qalǧan 377-sı Saryarqa audanynda oryn tebedı.
Atalmyş joba üş kezeŋ boiynşa ıske asyrylyp jatyr. Alǧaşynda qala äkımdıgınıŋ köşe saudasyn jüzege asyruǧa 274 oryn bölgen bolatyn. Alaida, käsıpkerlerdıŋ ötınışı boiynşa ūsynylǧan oryndar sanyn myŋǧa deiın köbeitu turaly şeşım qabyldanyp, şahardyŋ tūs-tūsyna taǧy 558 sauda nüktesınıŋ tūraǧy belgılendı. Qalǧan oryndar üşınşı kezeŋ boiynşa ıske asyryldy.
Jyljymaly sauda nysandary negızınen 9, 12 jäne 18 şarşy metrge şaqtalyp jasalǧanyn aita ketu kerek. Jobalanǧan būl nysandar üş türlı ülgıde iaǧni – jemıs-jidek, konditerlık önımder jäne nan-toqaş, süt, şūjyq satuǧa arnalyp jasalsa, ekınşısı – gazet satu kioskısı, tıgın şeberhanasy jäne aiaq kiım jöndeu şeberhanasyna laiyqtaldy. Al üşınşı türı – fast fud, susyn, balmūzdaq siiaqty daiyn önımder satatyn oryndar men gül pavilondaryna arnalyp jasalǧan.
Köşe saudasyn tiımdı ūiymdastyru Astanadaǧy oryn tapşylyǧy mäselesın şeşuge mümkındık beredı dep josparlanǧan 1000 orynnyŋ köbı – jyljymaly düŋgırşekter. Būlardyŋ ışınde qos doŋǧalaqty mobildı punkter de bar. Mūndai düŋgırşekter kädımgı arba siiaqty qozǧalyp, köşıp-qonuy jeŋıl bolady. Būlar köp oryn da almaidy, satuşylar bar bolǧany 1 şarşy metr jerde saudasyn jürgıze beredı. Qos doŋǧalaqty nysandarǧa 100 oryn belgılengen.
Äkımdıktıŋ mälımetınşe, būl joba şeŋberınde balalardyŋ oiyn-sauyǧyn ūiymdastyruǧa arnalǧan alaŋdar da qarastyrylǧan. Osyndai 23 alaŋ Esıl audanynda oryn tepken. Onyŋ törteuı D.Qonaev, Dostyq köşelerınde jäne Saraişyq pen Arai köşelerınıŋ qiylysynda bolsa, qalǧanynyŋ bärı «Nūrjol» jelekjolyna ornalasady. Būnyŋ ışınde oiynşyq kölık, segvei jäne özı syrǧanaityn taqtaişalardy jalǧa beretın 1 punkt jūmys ısteidı.
Astana qalasy Käsıpkerlık jäne önerkäsıp basqarmasy qyzmetkerlerınıŋ aituynşa, jyldam tamaqtanu jüiesın ūiymdastyru jäne şaǧyn biznestı damytu maqsatynda bölınıp otyrǧan myŋ orynǧa barlyǧy 1 800 ötınış kelıp tüsken eken. Barlyq talaptarǧa sai dep tabylǧan nysandarmen jeke şartqa qol qoiylyp, osy kelısım şart aiasynda käsıpkerler jer telımın 5-7 jyl merzımge jalǧa alyp jūmystaryn jürgızıp jatyr. Mobildı kofeinia, jyljymaly avtoservis, nan jäne jemıs-jidek düŋgırşıkterı, gül jäne kädesyi dükenderı, sondai-aq strit-fud jüielerınen tūratyn būl sauda nüktelerı qalanyŋ säulet kelbetıne, barlyq sanitarlyq jäne örtke qarsy talaptarǧa tolyqtai jauap beredı.
«Elordanyŋ köşe saudasyna 1000 sauda ornyn bölu täjıribesıne bügınde özge de oblystar qyzyǧuşylyq bıldırıp otyr. Atalǧan joba qalaǧa da, käsıpkerge de qajet. Bır jaǧynan būl köşe infraqūrylymyn jaqsartuǧa, sondai-aq, 7 jyldyŋ ışınde salynǧan investisiiany qaitaruǧa mümkındık beredı» deidı Astana qalasy Käsıpkerlık jäne önerkäsıp basqarmasy bastyǧynyŋ mındetın atqaruşy Ryskül Qauǧabaeva.
Bürkıt NŪRASYL
