Elordada biznespen ainalysatyn adamdardyŋ sany jyldan jylǧa artyp keledı. Būl jönınde käsıpkerlerdıŋ jyl saiynǧy VI konferensiiasynda qala äkımı Altai Kölgınov mälım ettı. Bügınde astanada 100 myŋǧa tarta käsıpkerlık subektılerı tırkelgen. Būǧan köp jaǧdaida käsıpkerlerge memlekettık qoldau igı äser etıp otyr.Tek köşe saudasynda 1,5 myŋ adam jūmyspen qamtylǧan. Elordada basqa qalalarǧa qaraǧanda jūmyssyzdyq deŋgeiı tömen – 4,5 paiyz. Jalpy, respublika boiynşa ol 4,9 paiyzdy qūraidy. Sarapşylar mūny, eŋ aldymen qalada azamattardyŋ öz ısın aşuǧa qolaily orta qalyptasuymen bailanystyrady. 
– Memleket basşysy halyqqa Joldauynda şaǧyn jäne orta biznes – qala men auyldy damytudyŋ berık negızı ekenın atap öttı. Öitkenı būl – biudjetke tüsetın salyqtar men jaŋa jūmys oryndary. Bügınde otandyq biznesmender äleumettık nysandardyŋ aşyluyna erekşe köŋıl böle bastady, – dedı qala äkımı A.Kölgınov.
Qazırgı künı äleumettık baǧytta jūmys ısteitın jeke menşık nysandar sany artyp keledı. Qalada 213 jekemenşık balabaqşa, 14 jekemenşık emhana, 23 myŋǧa juyq oquşy ornymen qamtamasyz etıp otyrǧan mektepter bar.
Altai Kölgınov qala äkımdıgı men «Atameken» ŪKP bırlesıp biznesmender «bır tereze» qaǧidaty boiynşa barlyq qajettı qyzmetterdı ala alatyn «bizneske arnalǧan ükımet» alaŋyn ıske qosudy josparlap otyrǧandaryn aitty.
Äleumettık käsıpkerlıktı damytu üşın «1000 oryn – köşe saudasy» jobasy tabysty jūmys ısteude. Joba aiasynda 1,5 myŋnan astam jūmys orny aşylyp, 1 milliardtan astam jeke investisiialar tartylǧan.
«Atameken» ŪKP Nūr-Sūltan qalasy öŋırlık käsıpkerler palatasynyŋ direktory Almat Jünısovtyŋ aituynşa, «1000 oryn – köşe saudasy» jobasy boiynşa äleumettık osal toptar üşın sauda nüktelerın berıledı.
Soŋǧy 10 jylda ŞOB subektılerınıŋ sany 5 ese östı. Būl salada halyqtyŋ 60 paiyzǧa juyǧy jūmyspen qamtylǧan. Önım şyǧaru kölemı 800 mlrd teŋgeden 5 trln teŋgege deiın östı. Biznes ökılderımen kezdesuler jüielı türde ötedı. Qala äkımı käsıpkerlerdı «bizneske arnalǧan ükımet» alaŋynda jeke qabyldaidy.
