Prezident Qasym-Jomart Toqaev Qarjylyq monitoring agenttıgınıŋ töraǧasy Janat Elimanovty qabyldady. Memleket basşysyna agenttıktıŋ byltyr atqarǧan jūmystary turaly esep berıldı.
Prezidentke biznestıŋ qylmystyq proseske qatysyn azaitu üşın agenttıktıŋ jüielı jūmystar jürgızıp jatqany jönınde baiandaldy. Soŋǧy tört jylda tırkelgen ıster sany ekı ese kemıgen.
Janat Elimanovtyŋ aituynşa, jalǧan şot-fakturalar jazyp beru arqyly salyq töleuden jaltaruǧa kömektesıp, qarjyny qolma-qol aqşaǧa ainaldyratyn myŋnan astam firmanyŋ qyzmetı toqtatyldy. Sondai-aq 110 zaŋsyz oiynhana men alkogol önımın şyǧaratyn 44 jasyryn seh joiyldy.
Memleket basşysyna qarjy piramidalaryn joiu jönındegı tapsyrmasynyŋ oryndalu barysy turaly mälımet berıldı. Byltyr qarjy alaiaqtarynyŋ qyzmetın jarnamalaityn 13 myŋ veb-paraqşa men akkaunt būǧattaldy. Sondai-aq 29 qarjy piramidasynyŋ joly kesılıp, zardap şekken azamattardyŋ 8,3 milliard teŋge kölemınde şyǧyny öteldı. Jalpy qabyldanǧan şaralardyŋ nätijesınde qūny 300 milliard teŋgeden asatyn aktivter qaitaryldy.
Qasym-Jomart Toqaevqa agenttık üilestıruımen qarjyny jylystatuǧa qarsy ūlttyq jüiege reforma jürgızılgenı jönınde baiandaldy. Būl qoldanystaǧy zaŋnamany halyqaralyq FATF ctandarttarymen barynşa säikestendıruge mümkındık berdı. Kezdesu soŋynda Memleket basşysy qarjy piramidalarynyŋ qyzmetı men alaiaqtardyŋ qitūrqy äreketterınıŋ jolyn kesu jūmystaryn jalǧastyrudy, sondai-aq adal biznestı qorǧauǧa, qarjylyq jäne ekonomikalyq qylmystarǧa qarsy küres şaralaryn küşeitudı tapsyrdy.
