Kün suyǧannan berı elordanyŋ kommunaldyq şaruaşylyq salasynyŋ mamandary küşeitılgen tärtıpke köşıp, eŋbek körıgın qyzdyra tüstı. Düisenbı künı tünde Astana qalasynyŋ äkımı Äset İsekeşevtıŋ özı bas bolyp, reidke şyǧyp, jurnalistermen bırge qaladaǧy qar tazalau jūmystaryn aralady.
– Künnıŋ kürt suytyp ketuıne bailanysty jedel ştab toby qūryldy, – dep bastady sözın Astana äkımı. – Bügınde ol täulık boiy jūmys ısteidı. Äsırese, «Astana Tazalyq» käsıpornynyŋ jūmysy qyzyp jatyr desek bolady. Olar qoǧamdyq kölıkter jüretın joldar men jaiau jürgınşıler ötkelderı jäne äleumettık nysandarǧa jauap beredı. Al ärbır aulanyŋ ışındegı qardy päter ielerı kooperativterı tazalau qajet. Ekı kün boiy qalyŋ qar jauǧanyn körıp otyrsyzdar. Sondyqtan basty mındetımız qoǧamdyq kölıkter jüretın joldaǧy qardy tazartyp, olarǧa eşqandai qiyndyq tuǧyzbau qajet, – dedı Äset Örentaiūly. Sondai-aq, ol «Bız qysqy mezgılge mūqiiat daiyndaldyq. Äkım bolyp kelgelı alǧaşqy qys bolsa da, men būǧan sabyrmen qaraimyn» dep jurnalisterge külıp jauap berdı.
Reid barysynda aldymen alǧaşqy toqtaǧan beketımız Saryarqa audany boldy. Audan äkımı Arman Tūrlybek qala basşysyna qar tazalau şaralary joǧarǧy deŋgeide jürgızılıp jatqanyn baiandady. «Qar qalyŋ jauǧannan berı ony tazalau jūmystary üzılıssız jürgızılude. Ol üşın eŋbekkerlerge barlyq jaǧdai jasaldy. Tehnikalarǧa qajettı janarmai qory da jetkılıktı. Qar tazalauşy maşinalardy jol polisiia qyzmetkerlerı alyp jür. Ärine, problema da joq emes. Keibır biznes ökılderı özderınıŋ aumaqtaryndaǧy qardy tazalauǧa asyǧar emes. Sonyŋ äserı kommunaldyq qyzmetke kedergı keltırıp otyr» dedı ol.
Odan keiın elorda basşysy respublika daŋǧylynyŋ boiyndaǧy qar tazalap jatqan tehnikalardyŋ jūmysyn qarady. Osynda Almaty audanynyŋ äkımı Ädılbek Särsembaev öz territoriiasynda atqarylyp jatqan jūmys jaiynda qysqaşa esep berdı.
– Däl qazırgı taŋda köşedegı qar tazalau jūmystaryna 450 tehnika tartyldy. Odan bölek, ışkı tazalauǧa 140 adam bölındı. Negızgı küş Respublika, Abai, Täuelsızdık, A.İmanov jäne Ş.Uälihanov köşelerıne tüsıp tūr. Taŋǧa deiın atalǧan köşeler qardan tazalanyp tūrady, – dep naqtylap aityp öttı. Öz kezegınde qala basşysy audan äkımderıne taǧy da qaladaǧy äleumettık nysandarǧa jatatyn ǧimarattardyŋ joldary qardan tazalanyp tūru kerektıgın qataŋ tapsyrdy.
Reid aiasynda bır baiqaǧanymyz, qala tūrǧyndary jeke kölıkterın jol boiyna qalai bolsa solai qoiyp ketedı. Ol qar tazalauşy tehnikalarǧa kädımgıdei kedergı keltırıp, uaqytty da bos şyǧyndauǧa jaǧdai tuǧyzady. Şara barysynda osy mäsele de aityldy. Qysqasy, Astana äkımı elordadaǧy qar tazalau jūmystaryn közımen körıp, jurnalisterge ünemı ony nazarda ūstap otyratynyn jetkızdı. Rasynda, keşeden berı elordada qalyŋ jauǧan qardyŋ edäuır bölıgı tazalanyp, joldyŋ boiy ainadai jarqyrap qaldy.
Azamat ESENJOL
