Elordadaǧy problemaly 12 üidıŋ qūrylysy tolyqqandy jürıp jatyr. Bırneşe jer uchaskesınde ornalasqan «Baspana Köktal» köppäterlı tūrǧyn üi keşenı 13 üiden qūralady. Bügınde olardyŋ bıreuı aiaqtalǧan. Osy problemaly nysannyŋ qūrylysy bügınde oŋ şeşımın tauyp otyr.
«Bes jyl būryn qūrylysy toqtap qalǧan 12 üi «qūrylysy ūzaqqa sozylǧan» nysan retınde tanylǧan. Olardyŋ ärqaisysynda şeşılmegen, problemalyq mäseleler boldy: şatyrdan su ketu, qasbettıŋ, terezelerdıŋ, esıkterdıŋ, lift şahtalarynyŋ jäne talapqa sai jaǧdaidyŋ bolmauy. Jaryq, jylu, su men kärız jüielerı de injenerlık jelılerge qosylmady.
Üleskerlermen bırneşe ret kezdesıp, josparly qūrylys kestesın qūrdyq. Būl üilerden 600-ge juyq otbasy päterlerın kütıp jür.
Būrynǧy qūrylysşy bırneşe qabatty zaŋsyz türde salyp, liftılerdı qarastyrmaǧan. Qūrylys salasyndaǧy qoldanystaǧy normalarǧa säikes ǧimarat 6 qabattan assa mındettı türde liftımen qamtamasyz etıluı tiıs. Sondai-aq örtke qarsy evakuasiialyq baspaldaqtar bolǧan joq. Osyǧan bailanysty liftter men evakuasiialyq baspaldaqtardy ornatu üşın bölımderdı bölşekteu qajet boldy.
Barlyq atalǧan qūrylys jūmystary jürgızılıp jatyr. Tūrǧyn üi keşenın «Elorda qūrylys kompaniiasynyŋ» qatysuymen «Nūrly jer» baǧdarlamasy aiasynda salyp jatyrmyz. Qūrylys qarqynyn küşeitıp, üilerdı jyl soŋyna deiın aiaqtaudy tapsyrdym. Aumaqty abattandyru köktemge josparlanǧan» dep jazdy Nūr-Sūltan qalasynyŋ äkımı Altai Kölgınov özınıŋ instagram paraqşasynda.
